ВИДЕО: Тоҷикдухтари ҳиҷобпӯш: Дигар ин ҳамаро намешавад тоқат кард
Ӯ, ки аз худ ном набурда ва бо забони русӣ ҳарф мезанад, мегӯяд, бархе ҳамватанон ба корҳое даст мезананд, ки тамоми миллати тоҷик зери маломати бегонаҳо қарор мегирад. “Мондани аксҳои урёни хеш ва лаҳзаҳои ишқварзияшон бо бачаҳои бегона дар шабакаҳои иҷтимоӣ чӣ маъно дошта бошад? Албатта, ҳар шахс ҳаққи интихобро дар зиндагӣ дорад, вале намоиш додани амалҳои худ аз номи духтари тоҷик ба ҷаҳониён чӣ лозим?”,-мепурсад вай.
Дар идома ин муҳоҷирдухтари тоҷик аз ҳамватанон даъват мекунад, аз тақлиди бегонаҳо парҳез намуда, ҳадди аққал аснои интихоби сару либос ба расму ойини гузаштаҳо аҳамият бидиҳанд: “Боре ба таърихи гузаштагони худ нигоҳе андозед, ки духтари тоҷик бояд чӣ гуна бошад. Магар зебогии фитрии духтари тоҷик кофӣ нест, ки ба бегонаҳо тақлид мекунем? Аз шумо касе намехоҳад рӯсарӣ ё ҳиҷоб пӯшеду тибқи фармудаи Худованд сатрро ба ҷо биёред, ҳадди аққал либоси миллиро риоя кунед. Худатон дарк намекунед, ки ҳар коре анҷом медиҳед, санги маломат ба сари миллати тоҷик мерезад. Шояд баъзе аз шумо маро масхара намуда, гӯед дигар кор надошта бошад?! Вале намефаҳмед, ки тамоми миллатро бо ин амалҳои худ шарманда мекунед”.
Дар ин муроҷиати видеоии худ, ки шабакаҳои иҷтимоӣ нашр кардаанд, ҳамчунин аз амалҳои духтарони тоҷик дар гӯшаву канори Русия интиқод намуда мегӯяд, обрӯи духтарони тоҷикистониро пойин бурдаанд. Ӯ аз чунин духтарон хоҳиш кардааст, вақте бар асоси расму ойини тоҷикон намехоҳанд зиндагӣ кунанд, пас тарки ному насаби тоҷикӣ намуда, худро Наташаю Елена ном гузоранд: “Агар ин ҳарфҳои ман боиси нороҳатии кадоме аз шумо шавад, қаблан узр мехоҳам ва ҳадафи ба иззати нафси касе расиданро надорам, танҳо мехоҳам, фаҳмед, ки дигар ин ҳамаро намешавад, тоқат кард. Бисёриҳои орзӯи зиндагӣ дар Тоҷикистонро доранд, вале шумо наметавонед дар Ватан низ шоиста зиндагӣ кунед. Агар худро фарзанди мусалмон меҳисобеду номусу шараф доред, аз ин амалҳои бад дар шабакаҳои иҷтимоӣ рӯй гардонед, чун ҳама моро онҷо масхара мекунанд”.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
