Мушовири президент: Бўҳрони нави ҷаҳонӣ ногузир аст

Тибқи пешбиниҳои Нуриэл Рубинӣ, мушовири президенти ИМА оид ба иқтисод, ки бўҳрони ҷаҳонии соли 2008 –умро пешгўӣ карда буд, дар давоми  1 – 1,5 соли наздик ҷаҳонро бўҳрони нави молиявӣ фаро мегирад.

---

Рубинӣ дар мусоҳиба бо Bloomberg,  эҳтимоли сарзании бўҳрони ҷаҳонии навро 60% арзёбӣ кардааст: «Ман қаблан авҷи бўҳронро дар соли 2013 пешгўӣ карда будам. Аммо заъфиятҳо дар иқтисоди кишварҳои ИМА ва Аврупо ин аллакай оғози бўҳрон аст ва авҷи он барвақттар аз соли 2013 –ум фаро хоҳад расид».

Дар оғози соли ҷорӣ Рубинӣ пешгўӣ карда буд, ки бўҳрони қарзӣ дар кишварҳои Аврупо, сустшавии рушди иқтисодиёти Чин ва мушкилоти молиявии Амрико ҷаҳонро ба бўҳрони нав мубтало хоҳанд кард.  Ба гуфтаи Рубинӣ, интизории коршиносоне, ки ин зуҳуротҳои бўҳрониро муваққатӣ номида буданд, амалӣ нашуданд.Дар сурати наандешидани чораҳои фаврӣ, фарорасии бўҳрони нави бузургро, Рубинӣ ногузир меҳисобад. Мушовири президенти ИМА, таъкид мекунад, ки рўз ба рўз, номгўи чораҳое, ки бо истифодаи онҳо имкон дорад, бўҳрони нав пешгирӣ гардад, кам шуда истодаанд ва дар сурати идомаи сиёсати иқтисодии мавҷуда, бўҳрони нав ба зуҳуроти ногузир табдил хоҳад ёфт.{jathumbnail off}

Мӯҳр