10 сен 2014 16:31Тоҷикистон / Сиёсат

Танишҳои лафзии сафирони Русияву Украина дар Тоҷикистон

Игор Лякин-Фролов, сафири Русия дар Тоҷикистон бо пахши баёнияе ҳарфҳои ҳамтои украинии худ – Виктор Никитюкро танқид кардааст.

Дар ин баёния, ки дар саҳифаи Фейсбуки сафорати Русия дар Тоҷикистон нашр шудааст, андешаҳои Никитюк дар мавриди Русия, ки як расонаи маҳалӣ нашр кард, “ҳарфҳои зидирусӣ” хонда шудааст.

Ба гуфтаи Игор Лякин-Фролов замоне, ки раҳбарони Русияву Украина барои пайдо кардани роҳи бурунрафт аз буҳрони Украина кушиш мекунанд, “Виктор Никитюк аз сандуқчааш берун мешавад”. Сафири Русия меафзояд, Никитюк бори дигар бо нишонаҳои зидди Русия ва далелҳои таҳрифшуда сухан кардааст. Ин дуруғи навбатӣ ба мардуми Тоҷикистон дар остонаи иҷлоси сарони Созмони ҳамкориҳои Шанхай, ки раҳбари ин кишвар барои баргузорияш заҳматҳои зиёд кашидааст, рехта мешавад. “Бидуни тартид, ин иҷлос қадами навбатие дар роҳи қувват бахшидан ба муносиботи дӯстонаи кишварҳои узви СҲШ, аз ҷумла миёни Русия ва Тоҷикистон мебошад”, афзудааст сафир ва илова карда ки “рушан аст, сафири Украина мехоҳад муносибатҳои Тоҷикисон ва Русияро халалдор кунад”.

“Дар дохили як кишвар алайҳи шарики калидии он иғвоангезӣ кардан боз ҳам нишонаи набуди оддитарин ахлоқи дипломатӣ аст”,-навиштааст сафири Русия.

Сафири Украина сафари рӯзи 14 августи Владимир Путинро ба Қрим аз назари ҳуқуқи байналмилалӣ ва муносиботи мутамаддини байни давлатҳо ғайри қобили қабул хондааст: "Рушан аст, ки чунин пиарҳои Русия дар зери пардаи "башардустӣ" барои дур кардани таваҷҷуҳи шаҳрвандони Русия ва ҷомеаи ҷаҳонӣ аз таҷовузи Русия ба Украина, мушкилоти иқтисодӣ, демографӣ, иҷтимоӣ ва сиёсии худи Руссия равона шудааст",-афзудааст сафири Украина дар Тоҷикистон.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд: