08 сен 2014 10:56Тоҷикистон / Сиёсат / Рӯ ба рӯ / Тема дня

Раҳимзода дар бораи боздошти аъзои “Ҷамоати Ансоруллоҳ”, “Мусулмонони солеҳ”, “Толибон” ва “Салафия”

Раҳимзода Рамазон, вазири умури дохилии Тоҷикистон дар ҷаласаи Шӯрои вазирони умури дохилии кишварҳои узви Иттиҳоди давлатҳои мустақил (ИДМ) аз боздошти аъзоёни “Ҷамоати Ансоруллоҳ”, “Мусулмонони солеҳ”, “Толибон” ва “Салафия” хабар додааст.

Дафтари матбуотии Вазорати умури дохилии Тоҷикистон мегӯяд, Раҳимзода зимни ҷаласа, ки 5 сентябр дар Қирғизистон ба кори худ шурӯъ кард, ба ҳамтоёни худ гуфт, “дар нимсолаи аввали соли равон дар Тоҷикистон 30 аъзои ташкилотҳои террористӣ, аз ҷумла 12 аъзои “Ҷамоати Ансоруллоҳ”, 7 узви “Мусулмонони солеҳ”, 3 тан аз “Толибон” ва як узви “Ҷабҳат-ан-нусра” боздошт гардидан”.

Раҳимзода Рамазон боздошти ин афродро ба “пурзур намудани мубориза аллайҳи терроризм” дар Тоҷикиcмтон рабт додааст. Вазири умури дохилӣ ҳамчунин аз боздошти 25 аъзои ба гуфтаи ӯ, ташкилотҳои экстремистӣ, аз ҷумла 18 узви равияи “Салафия”, 4 аъзои “Ҳизб-ут-таҳрир” ва 2 аъзои “Ҷамоат-ул-таблиғ” хабар дода гуфтааст, аз ҷониби онҳо 12 ҷинояти хусусияти экстремистидошта анҷом шудааст. “Фаъолияти 14 гуруҳҳои муташаккили ҷинояткор дар ҳайати 61 нафар ошкор карда шуданд, ки 98 ҷиноят содир намудаанд”,-афзудааст ӯ.

Бино ба иттилои манбаъ, Вазири умури дохилии Тоҷикистон дар ин нишаст барои рушди ҳамкориҳои минбаъда изҳори умед намуда, аз ҳамтоёни худ даъват намудааст, ҷиҳати пешгирии гурӯҳои ҷиноятпеша ҳамкориро бештар намоянд.

Мӯҳр

Хабарҳои монанд:

Корвон

Барои онки ин хукумат аз хочагони хоричиаш пули бисёр гирад бар дуруг эълон мекунад ки дар Точикитсон ссадхо гурухи терористиву ифроти аст,

Ҷавоб диҳед Иқтибос Шикоят

Ahmad

Ҳамаш намоишкори, як камбағалро меқабандy зада зада yро маҷбyр мекyнанд ки хyдро yзви ягон гуруҳе терористи елон кyнад. Дар ҳамаи давлатҳои мyсалмони барои ба маблағи ҳамгyфт аз кишварҳои қyдратманд пайдо кандан ҳамин корро нисбати мардyми бечора амали мекyнанд.

Ҷавоб диҳед Иқтибос Шикоят

safojon

Комментарияхои дуругу росту беаклона нанависед. Дар Точикистон гурруххои террористию экстремисти зиёданд. Агар куру кар шудабошед Алии бедакиро ба ёд оред ки дар нохияи Гарм бо гуррухи худ мусаллахона мехост Точикистонро боз ба майдони чанг таблид дихад. Ягон далел дори ки ягон касро хукумат барои террорист шудан мачбур карда бошад? Дар Точикистон бархак садхо гуррухои террористи хаст. Агар чугрофия хонда боши бингар кистанд хамсоягони мо. Лекин ба фикрам ба Шумо дар интернет навиштанро кадоме ёд додаасту халос. Дар интернет бихон чи тавр точикбачагон дар Сурия вафот карда истодаанд. Чи тавр онхо ба ончой афтоданд? Наход инкадар беимону беинсоф боши ки дуруги руирост гуи .

Ҷавоб диҳед Иқтибос Шикоят

Эзоҳ илова кунед