06 сен 2014 09:54Тоҷикистон / Иҷтимоӣ / Тема дня

Ифтитоҳи парванда нисбат ба як сокини Кӯлоб, ки дар Сурия меҷангад

Вазорати умури дохилӣ мегӯяд, нисбат ба як сокини шаҳри Кӯлоб, ки дар Сурия меҷангад, парвандаи ҷиноӣ боз кардааст.

Ба иттилои торнамои ВУД, ин нафар Фарухҷон Боронови 31-сола мебошад. Манбаъ навиштааст, кормандони Шӯъбаи минтақавии мубориза алайҳи ҷиноятҳои муташаккил дар вилояти Хатлон муайян кардаанд, ки Боронов “моҳи феврали соли ҷорӣ, ҳангоми дар Федератсияи Русия қарор доштанаш, бо мақсади дар роҳи Ислом ҷиҳод намудан ба Сурия рафта, ба ҳайати ташкилотҳои хусусияти террористӣ дошта дохил мешавад”.

“Айни замон Фаррухҷон Боронов ба муқобили низомиёни ҳукумати конститутсионии ҷумҳурии Сурия ҷангида, дар муҳорибаҳои ҳарбӣ иштирок карда истодааст”,- менависад торнамои ВУД.

Ифтитоҳи парванда алайҳи Боронов дар ҳолест, ки ахиран аз кушта шудани Бобоҷон Қурбонов,як сокини маҳаллаи Лоҳутии шаҳри Кӯлоб, мулаққаб ба “Абӯ Абдураҳмон Тоҷикӣ” хабар расид. Сомонаҳои наздик ба созмони Давлати Исломӣ дар Ироқ ва Шом навиштанд, ӯ “ҳангоми ғасби фурудгоҳи Табқа”-и минтақаи Раққаҳи Сурия ҳалок шудааст. Ба гуфтаи Даврон Қурбонов, бародари Бобоҷон, 26-уми август нафари ношиносе ба ӯ занг зада, барои дар Сурия “шаҳид” шудани бародараш табрик намуда, талаби "дуо" кардааст. Аз ин пештар расонаҳо дар мавриди марги Бахтиёр Шеров, сокини дигари шаҳри Кӯлоб навишта буданд.

Мӯҳр

Хабарҳои монанд:

Сарабек

Шахид нашуда муред-е! Боз барои мурдан табрик мекардаанд. Фанатизми ошкоро. Барои пул чанг рафтам гуеду монед-дия. Бехунарони дангоса! ба гуфти Ислом Каримови узбак.

Ҷавоб диҳед Иқтибос Шикоят

Юсуф

Исломиёни ифротӣ! Онҳо дарди сари олами мутамаддун шудаанд. Мусалмон бошӣ намозатро дар вақташ хонда, рӯза гиру хайру саховатмандӣ карда, дурӯғ нагуфта, дар тиҷорат фиребу найранг накарда, зиндагӣ карда гард. Ҷиҳод дар асри 21??? Ин худфиребие беш нест! Он лидерони исломие, ки ҷавононро бо ҳар роҳ ба ҷиҳод мекашанд, фардо, ки қозию, оятуллоҳу эшону президенту дигар ва дигар шуданд, шарикони ҳамсангарашонро базудӣ фаромӯш хоҳанд кард. Ин гуна мисолҳо дар таърих бисёранд. Ба роҳи ҷиҳод фақат марди бесаводу тангназар, беҳунар ва аз падару модар ва зану бача безоршуда, меравад. Ғайр аз ин, як марди хориҷӣ чӣ ҳақ дорад рафта, муқобили шаҳрвандони кишвари бегона биҷангад? Ин рафтори ҷинояткорона на ба қонуни ислом дуруст меояду на ба қонуни дунё! Пешвоёни ҲНИТ бояд ба мухлисони хеш ин тарафи масъулиятро ҳар рӯз шарҳ диҳанд. Президенти мо нисбат ба баъзе исломиёни ифротӣ сахтгирӣ карда, дуруст мекардааст! Ҳукумати собиқ Шӯравӣ ҳам ҳамин тавр мекард. Онҳоро ба ҳоли худ гузорӣ, ҳамаро аз кори дунё дилсард карда, мактабу донишгоҳҳоро мебанданд. Мамлакатро ба зулмот табдил медиҳанд. Ҳоло ки арафаи интихоботи парлумони Тоҷикистон аст, мардум бояд дар он оқилона ва ҳушёр иштирок бикунад. Агар каме нотинҷӣ шавад, на тоҷир тиҷораташро карда метавонаду на муаллим муаллимиашро ва ғайра....Дунё барои зиндагӣ офарида шудааст, на барои ҷиҳод!

Ҷавоб диҳед Иқтибос Шикоят

Rustam

Агар мо аз суханони ниёгони хеш огохи медоштем имруз дар фиреби ин котилони аср намеафтидем сарчашмаи хамаи бадбахтихо чохили аст Душманро дар хар либосе бояд шинохт.(шеър)
ИБОДАТ БА ЧУЗ ХИДМАТИ ХАЛКНЕСТ,
БА ТАСБЕХУ САЧЧОДАВУ ДАЛК НЕМТ.
КАДАМ БОЯД АНДАР ТАРИКАТ НА ДАМ,
КИ АСЛЕ НАДОРАД ДАМИ БЕКАДАМ.
Саъдии Шерози

Ҷавоб диҳед Иқтибос Шикоят

кулоби

Сарабек,
Акли ту кобилияти фахмиши чунин холатхоро надорад.

Ҷавоб диҳед Иқтибос Шикоят

мухочир

барои дар Сурия “шаҳид” шудани бародараш табрик намуда, талаби "дуо" кардааст. Ба фикрам Фарухчон Боронови 31-сола, ки дар Россия буд, депортатсия карданд ва барои чиход, аниктараш кор ба Сурия рафтаст. Худованди Бузург рахматаш кунад

Ҷавоб диҳед Иқтибос Шикоят

ман

Ин гуна Шахси чохила. Худованд. Рахмат намекунад
Бар акс барои. Инкадар хуни Нохак дар назди Худо
Чавоб мета. Фарк Байни Инсон ва Хайвон Акл аст.

Ҷавоб диҳед Иқтибос Шикоят

dilsuz

Модари бечора, андӯҳгин мешавадСарабек,
Сарабек,

Ҷавоб диҳед Иқтибос Шикоят

1003

Rustam,
Шумо намехохед ки Ислом да тамоми дунё пахн гарда ва кофирхо мусалмон

Ҷавоб диҳед Иқтибос Шикоят

Эзоҳ илова кунед