04 сен 2014 17:54Тоҷикистон / Интихобот - 2015 / Сиёсат / Рӯ ба рӯ

Эълони Назриев дар бораи барканории Ғаффоров аз раёсати ҲСТ

Мирҳусейн Назриев, раиси ҷиноҳи сабтиномнашудаи Ҳизби сотсиалистии Тоҷикистон мегӯяд, дар интихоботи парлумонии соли 2015 ба ҳайси номзад дар яке аз ноҳияҳои шаҳри Душанбе ширкат хоҳад кард.

Назриев ин нуқтаро дар суҳбат бо “Озодагон” изҳор дошта таъкид намуд, ки Абдуҳалим Ғаффоров, раиси ҷиноҳи сабтиномшудаи Ҳизби сотсиалистии Тоҷикистон наметавонад дар ин самт монеа шавад: “Вақти мушкил эҷод кардани ў гузашт. Аъзои ҳизб аз Абдуҳалим Ғаффоров пуштибонӣ намекунанд ва эҳтимолан то интихоботи парлумонӣ аз вазифаи раисии ҳизб барканор шавад”.

Назриев муътақид аст, ки дар арафаи интихобот ҳар ду ҷиноҳи ҳизб якҷо шуда, баъди сабт дар Вазорати адлия ҷиноҳи ғайриҳукуматии Ҳизби сотсиалистии Тоҷикистон дар анҷуманҳо тасмимгирӣ хоҳад кард.

Мусоҳиби “Озодагон” таъкид кард, феълан аз ҷониби Ҳизби сотсиалистии Тоҷикистон рӯйхати 18 номзад барои иштирок дар интихобот таҳия шудааст ва эҳтимол аст, дар оянда боз такмил дода шавад.

Мирҳусейн Назриев, ки худро раиси бахши ғайриҳукуматии Ҳизби сотсиалистии Тоҷикистон меномад, дар интихоботи раёсатҷумҳурӣ ба эътилофи интихоботӣ пайваст, вале аз номзадии Ойниҳол Бобоназарова ба ҳайси номзади мухолифин пуштибонӣ накард. Абдуҳалим Ғаффоров раиси ҷиноҳи расман сабтиномшудаи Ҳизби сотсиалистӣ, ки аз ҷониби Назриев шахси ба ҳукумат наздик ном бурда мешавад, аз ҷониби Вазорати адлия раҳбари ин ҳизб эътироф шудааст.

Мӯҳр

Хабарҳои монанд:

Саид

Ман шахсан хамин Абдухалим Гаффоровро бадбахтона мешиносам ва бовар кунед намедонам дар бораи ин фард чи гуям, ман кариб хар руз бо у вомехурам ва аз дидан зачр мекашам. Эхх акаи Гаффоров, Гаффоров, хатто боре хостед ки ман узви хизби шумо шавам, худоё наход ман он кадар сода бошам.

Ҷавоб диҳед Иқтибос Шикоят

Гапи рост

акаи Мирхусейн Назриев милёнмаротиба аз Гафоруф дида босавод, олим ва чиддиву якру аст, масоили хизбиро дуруст пеш бурда метавонад, сиёсатмадори пухта, дурандеш, ватанхох мебошад.

Ҷавоб диҳед Иқтибос Шикоят

Фарид

Гаффоров аз хирадмандтарин ва хоксортарин ашхос аст.Арзандаи рохбарии хизбниз аст.

Ҷавоб диҳед Иқтибос Шикоят

Эзоҳ илова кунед