02 сен 2014 13:58Тоҷикистон / Иҷтимоӣ / Рӯ ба рӯ / Тема дня

Мақомот: Сурайё Қосимоваро наздиконаш ғорат кардаанд

Вазорати умури дохилии Тоҷикистон аз боздошти як гуруҳи 4-нафарӣ хабар дод, ки дар ғорати манзили сарояндаи маъруф - Сурайё Қосимова муттаҳам мешаванд.

Ба иттилои манбаъ, аз манзили Қосимова дар Кӯлоб аз ҷевони оҳанин ҷавоҳироту планшет, ҷамъ ба арзиши 24 ҳазор доллари амрикоӣ дуздида шуда, барои пинҳон кардани иззи ҷиноят хона оташ зада шудааст. Вазорати умури дохилии Тоҷикистон таъкид мекунад, ки феълан бо иттиҳоми даст доштан дар ин ҷиноят чор сокини шаҳри Кӯлоб - Қосимова Муҳайё, соли таваллудаш 1985, Аҳророва Матлюба, соли таваллудаш 1982, Аҳроров Ҷумахон соли таваллудаш 1987 ва Бегназарова Музаян, соли таваллудаш 1970 дастгир карда шуданд: “Аз боздоштшудагон далелҳои шайъӣ қисман гирифта шуд.”

Ин дар ҳолест, ки манбаи "Озодагон" мегӯяд, муттаҳамон дар ин дуздӣ наздикони Қосимова, аз ҷумла боздоштшуда Муҳайё Қосимова, духтари бародари марҳумаш ва дигарон ҳамсояҳояш мебошанд.

Ин ниҳод меафзояд, тафтиши парвандаи ҷиноятӣ аз рӯи ин ҳодиса идома дорад.

Дуздӣ дар хонаи Сурайё Қосимова шаби 24 ба 25-уми июл, замоне сурат гирифт, ки духтаронаш-Шабнам, Фарзона ва Бибирӯзигул дар зиёрати хонаи Худо қарор доштанд. Қосимова аз сарояндаҳои маъруфи Тоҷикистон буда, роҳбарии ансанбли Фалак дар вилояти Хатлонро ба уҳда дорад.

Мӯҳр

Хабарҳои монанд:

Оначон

Офарин милисахои точик. Чинояти асрро ошкор кардед.

Ҷавоб диҳед Иқтибос Шикоят

456

ин Косимова Мухайё хохараш бошад?
акнун Сурайё ин сурудро замзама кунад
ман аз бегонагон харгиз нанолам,
ки бо ман он чи кард он ошно кард

Ҷавоб диҳед Иқтибос Шикоят

антиСураё

дар хонаводае ки дину эмон набошад натиҷааш ҳамин мешад якдигарро мекушандк медузданду ...

Ҷавоб диҳед Иқтибос Шикоят

Barzu

"Ozodagon" salom
Lutfan bigued "ansaNbl" durust ast yo "ansaMbl"

https://ru.wikipedia.org/wiki/%D0%90%D0%BD%D1%81%D0%B0%D0%BC%D0%B1%D0%BB%D1%8C

Zinda boshed!!!

Ҷавоб диҳед Иқтибос Шикоят

Сухроб

Ба дину имони у чи кор дори дину имони худата сахт гир дидесем дину имондоро чи кор кардесан ..фахмоантиСураё,

Ҷавоб диҳед Иқтибос Шикоят

Эзоҳ илова кунед