01 сен 2014 12:14Тоҷикистон / Дин ва зиндагӣ

Тоҷикистон амири шаҳри Раққаҳ шудани тоҷикро маҳкум кард

Мақомоти Тоҷикистон хабари таъини як ҷангҷӯи тоҷик ба мақоми амири шаҳри Раққаҳи Сурия аз ҷониби созмони “Давлати исломӣ дар Ироқ ва Шом” (ДИИШ)–ро маҳкум мекунанд. Ахиран расонаҳои арабӣ хабар доданд, ки бо фармони Абубакр Бағдодӣ, раҳбари ДИИШ як шаҳрванди Тоҷикистон амири Раққаҳ таъин шудааст.

Анвар Ализода – раиси дастгоҳи Вазорати умури дохилии Тоҷикистон мегӯяд, ин ниҳод дар пайи муайян кардани шахсияти “амир”-и тозатаъйини ДИИШ дар шаҳри Раққаҳ аст, вале ҳанӯз маълумоте дар бораи ӯ пайдо накардааст, чун ба гуфтаи Ализода тамоми маълумот дар бораи ҳуввияти ин шаҳрванди Тоҷикистон пӯшида мебошад: “Вазорати умури дохилӣ иштироки шаҳрвандони худ дар ҷангҳои хориҷиро маҳкум менамояд. Аз ин рӯ, ҳар вақте, ки як сокини кишвар аз Сурия ба Ватан бармегардад, ӯ тавассути шабакаҳои телевизионии давлатӣ намоиш дода мешавад, барномаҳои вижа таҳия мешаванд, то мардум огоҳ шаванду фирефта нагарданд.”

Ин дар ҳолест, ки ба гуфтаи таҳлилгарон ин иқдоми Абубакр Бағдодӣ ба ҷалб ва ҳавасмандсозии ҷангҷӯёни бештар аз Тоҷикистон равона шудааст, ки феълан теъдодашон расман ҳудуди 200 нафар арзёбӣ мешавад.

Созмони ДИИШ, ки ҳоло ҷангҷӯёни он дар Сурия ва Ироқ бархе манотиқро таҳти тасарруфи худ қарор додаанд, зери ақидаи Салафияи ҷиҳодӣ фаъолият карда, ҳадафи аъзои он гӯи ташкили Хилофати исломӣ дар ин минтақа ва татбиқи шариати дини Ислом аст. Он беш аз 15 ҳазор ҷанговар дошта, раҳбараш Абӯбакр Бағдодӣ мебошад. Бағдодӣ дар пайи ҳамлаҳои зиёди мусаллаҳонаи ҷангҷӯёнаш, ки мунҷар ба забти қаламравҳои бузурги минтақаҳои суннишини Ироқу Сурия то кунун гардид, рӯзи аввали моҳи Рамазон аз таъсиси “Хилофати исломӣ” хабар дода, худро халифаи мусулмонон эълон кард. Дар пайи ишғол шудани шаҳри Раққаҳ аз сӯи ҷангҷӯёни ДИИШ ҳафтаи гузашта як шаҳрванди Тоҷикистон ба ҳайси амири ин созмон дар ин минтақаи сурия таъйин шуд. Ин шаҳрванди Тоҷикистон ба ин мақом бо дастури Абубакр Бағдодӣ – раҳбари ДИИШ, ки ахиран худро халифаи мусулмонони ҷаҳон эълон карда буд, таъин шудааст. Расонаҳои арабзабон далели баргузида шудани як тоҷик ба ҳайси амири шаҳри ар-Раққаҳро дар фаъол будани ӯ ҳангоми ғасб шудани ин минтақаи Сурия аз сӯи ҷангҷӯёни ДИИШ арзёбӣ кардаанд. Аммо дар бораи ному насаби ин шаҳрванди Тоҷикистон расонаҳо чизе нагуфтаанд.

Мӯҳр

Хабарҳои монанд:

333

Оббохе! Амири Бухоро...

ин самозванец агар имони кави медошт ба сектаи салафихои эгоист дохил намешуд. хеле хандаовар.

Ҷавоб диҳед Иқтибос Шикоят

Хушбин

Ин миллат фарзанде ба олам наовард, ки мисли Алишер Усманов дар давлате бегона сохиби моликият ва миллиардхо бошад, танхо бо номи террорисит ва одамкуш моро мешиносанду халос То чи андоза аламовар аст

Ҷавоб диҳед Иқтибос Шикоят

сокина

хушбин , рост ин боиси таассуф аст ки моро хамчун террористу чурка мешиносанд. сад афсус.

Ҷавоб диҳед Иқтибос Шикоят

Номвар

Ба вазифаи рохбарии як шахр тайин намудани як точики чангчуй, бозии бузурги сиёсиест, ки он метавонад, миллатхои дигари мусалмонро ба чанг кашад. Набояд аз ин хабар хушхол шуд, чун ки хеч як давлати бегона ба манфиати каси дигар кор намекунад...

Ҷавоб диҳед Иқтибос Шикоят

сино

Хушбин,
Хушбин,
Агар миллат сардори хуб медошт точик аз ватанаш ба чое барои чанг намерафт барои истирохат мерафту барои чанг на.Аз куза оне мерезад ки дар уст.

Ҷавоб диҳед Иқтибос Шикоят

IN DOISH NA SALAFI HASTU NA HANAFI NA YAK CHIZI DIGAR BALKI GULOMI AVRUPO VABAROI NOMI MUSALMONHORO BADKARDAN AST AGAR BOVAR NAKUNED NASABI ABUBAKRI BAGDODIRO XONED VA BOKI SARUKOR DOSHTANASHRO FAHMED

333,

Ҷавоб диҳед Иқтибос Шикоят

Раҷабӣ

Номи Раққа дар охираш "ТО"-и марбута дорад.
Ва дар бисёре аз номи шаҳру мамлакатҳо ҳаст.
Мисли Қоҳира ва Сурия ва ғайраҳо.
Барои ҳамин ҳам "Ҳ"-ро ҳазф кунед.
Саломат бошед!

Ҷавоб диҳед Иқтибос Шикоят

Эзоҳ илова кунед