30 авг 2014 15:18Тоҷикистон / Акс

АКС: Харбузаи Узбакистон-“қаҳрамон”-и Иди харбуза ва асал дар Тоҷикистон

Дар Иди асал ва харбуза-2014, ки имрӯз, 30-юми август дар Тоҷикистон таҷлил гардид, харбузаи Узбакистон дар маркази таваҷҷуҳ қарор дошт. Харбузаҳои калони кишвари ҳамсоя тамошобинони намоишгоҳҳоро, ки дар чор бозори Душанбе ташкил гардид, ба худ ҷалб мекард. Аммо баъди фаҳмидани нархи харбузаҳои Узбакистон, ки то ба 40 сомонӣ мерасид, хариди харбузаҳои Зафарободу Панҷро ба ивази аз 6 то 12 сомонӣ авлотар медонистанд.

Тоҷире, ки харбузаҳояшро узбакистонӣ муаррифӣ карда, аз 20 то 40 сомонӣ мефурӯхт, дар шарҳи гаронии маҳсулоташ ба “Озодагон” гуфт, харбузаҳоро аз дигар даст гирифтааст ва барои овардан ба бозор заҳмати зиёд низ кашидааст: “Инҳоро хеле боэҳтиёт овардем, ки ягон ҷояшон зарб нахӯраду напӯсанд, чун баъзеҳо барои зимистон мегиранд. Хеле бомазаанд, нархаш қимат ҳам бошад, арзанда аст. Охир, бинед чӣ хел калонанд?”.

Дар баробари харбуза имрӯз, дар Тоҷикистон иди асал низ таҷлил гардид, ки асосан истеҳсоли ватанӣ буда, килои он ба сокинони Душанбе ба ивази 35-40 сомонӣ пешниҳод шуд.

Дар ҳамин ҳол ҳарчанд масъулини Вазорати кишоварзӣ вақти анҷоми ярамарка-фурӯши Иди асал ва харбузаро соати 18-и 30-юми август гуфтанд, аммо дар бозорҳои пойтахт бисёри тоҷирон аллакай аз соати 12 ба 13 дӯконҳояшонро бастанд. Тибқи иттилои Вазорати кишоварзӣ дар ярмарка-фурӯши имрӯза кишоварзони навоҳии мухталифи кишвар барои сокинон 118 тонна асал, 145 тонна харбуза ва 375 тонна дигар навъи маҳсулоти кишоварзӣ пешкаш намудаанд.

Мӯҳр

Хабарҳои монанд:

Аз даруни палак

узбак да кичо харбуза дош хамувам харбузахои точикоай.. оби Точикистон набоша харбуза хушк мешава

Ҷавоб диҳед Иқтибос Шикоят

Dev

E balo zanad hamin Tojikistoni nodori kashoka ,yak su rusho tankid dorand, sui digar olmoniho ba duzdii moshinhoyashon muttaham mekunand, tarafi digar tarbuzu harbuzi hudi gum shud,ki moli uzbaka dar bozoramon reklom dorem.hama dar gami kisai hud ,millat boshad chun partobgohhoi Dushanbeshahr dudash ba havo. Mardum az harbuzayu tarbuzi uzbak shukr kuned, az moshinhoi olmoni shukr kuned, az bui galizi shahri Dushanbe shukr kuned, az Putinu Rusiyai " sverhderzhava" shukr kuned, az hukumati"tavonoi" tojik shukr kuned...yak jahon tashakkur

Ҷавоб диҳед Иқтибос Шикоят

Муаллим

Ман имрӯз дар ярмарка дар бозори Саховат будам. Тамоми дуконҳоро гаштам, дар ягон ҷой асали тоза наёфтам. Як кило асали тоза ҳоло дар макони худ 55-60 сомонӣ аст. Кадом одам вайро 35-40 сомонӣ мефурӯшад. Барои ҳамин 500 грамми вай яз як киллои дар ярмарка пешкашшаванда "оби набот" аст. Худи фурӯшандаҳо низ ба ин иқрор шуданд.

Ҷавоб диҳед Иқтибос Шикоят

saidnabi

ай хами харчи бехуда хуб мешуд агар дар бозорхо в магозахо як нархи муайяне мегузоштанд, ки дар хамачо нарх якхел бошад.... барои мисол шакар дар як магоза 5 сомон бошад, дар дигараш 5.50 аст, дар бозор бошад тамоман дигар...

Ҷавоб диҳед Иқтибос Шикоят

Эзоҳ илова кунед