28 авг 2014 17:16Оcиёи Марказӣ / Узбакистон

Фармони нав: “То анҷоми маъракаи пахтачинӣ тӯй накунед”

Мақомоти ноҳияи Янгиободи вилояти Ҷизах баргузор намудани тӯйҳо то анҷоми маъракаи пахтачиниро манъ кардаанд.

Торнамои uznews.net менависад, намояндаҳои маҳаллаҳои Янгиобод аз ҳокимияти маҳаллӣ дастур гирифтаанд, мардумро аз фармони нав огаҳ созанд: “Ба ҳамаи сокинон шурӯъ аз 25 август то се моҳи оянда баргузор кардани тӯйҳо манъ аст”.

Онҳое ки ин амрро иҷро намекунанд муҷозот хоҳанд шуд, аммо маълум нест чӣ гуна ҷазо ва дар кадом асос. Мақомот ҳамзамон рӯйхати пахтачинҳоро тартиб медиҳад. Ҳарчанд гуфта мешавад, он ихтиёрист, аммо масъулин ба ихтиёри касе кор надоранд. Муаллимон ва кормандони техникӣ ба номи раҳбари вилояти Ҷизах ариза навишта, аз ӯ хоҳиш мекунанд, “ба онҳо иҷозат бидиҳат то дар ғунучини пунба иштирок намоянд”.

“Бахши пахта дар Узбакистон ҳаммаънои беҳуқуқӣ ва бардагӣ шудааст. Аммо баъзеҳо мегӯянд, ин аз ғуломӣ ҳам бадтар аст. Ғуломон пули нақлиёт, зиндагӣ ва ғизояшонро худашон пардохт намекарданд, аммо “пахтағуломон” ин коро мекунанд. Ҳатто маҷбуранд, чорабиниҳое ба монанди тӯйро бо амри мақомот баргузор накунанд”, - менависад торнамо.

Мӯҳр

Хабарҳои монанд:

калак

Кар ба гунг хандидаст Конуни узбакхо бехтар будааст барпо кардани туй дар гунучини пахта мумкин набудаст дар точикхо чи тамоми сол бе ичозати хукумат туй гузарон очаи зората мебини

Ҷавоб диҳед Иқтибос Шикоят

Asadullah

Аз конунхои Точикистон намефорат рав дар Африка зиндаги кун. Хар як конуне ки бароварда мешавад баъд аз тахлилу баррасихои зиёд бароварда мешавад. Барои туй ичозат ки гирифти туйат бехатар мегузарад зеро милитсия хабардору ухдадор мешавад ки он маъракаро назорат кунад. Ин конунхо дар бораю тую маъракахо бошад чони садхо камбагалхоро харид. Вагарна аз дасти баъзе бесаводу исрофкору ахмакону беаклони мардуми Точикистон мардуми камбагал мучаррад гашта барои як туй кардан аз карзгири хун туф мекарданд. Барои хамин пеш аз гуфтор фикр кун "Калак".

Ҷавоб диҳед Иқтибос Шикоят

Эзоҳ илова кунед