28 авг 2014 09:27Тоҷикистон / Сиёсат

Дидори Аслов бо Моширӣ ва баҳси ҳадафҳои Хазинаи кӯдакони СММ

Сироҷиддин Аслов – вазири умури хориҷии Тоҷикистон бо Лайлӣ Моширӣ - раҳбари Намояндагии хазинаи кӯдакони Созмони Милали Муттаҳид дар кишвар мулоқот кардааст.

Ба иттилои дафтари матбуоти ВУХ-и кишвар, дидори Аслов бо Моширӣ рӯзи 27 август дар шаҳри Душанбе баргузор гардид. Манбаъ ҳадаф аз дидори ҷонибҳоро ба итмом расидани фаъолияти кории хонум Моширӣ дар Тоҷикистон арзёбӣ кардааст.

Лайлӣ Моширӣ дар ин вохурии худ бо вазири умури хориҷии Тоҷикистон дастовардҳои намояндагии ин ниҳодро дар давоми фаъолияташ дар Тоҷикистон ёдовар шуда, ҳадафҳои он дар ояндаро шарҳ додааст. Сироҷиддин Аслов дар навбати худ аз фаъолияти хонум Моширӣ ва саҳми ӯ, мусоидати Хазинаи кӯдакони СММ ба ҳукумати Тоҷикистон дар таъмини ҳимоя ва кумак ба кӯдакон дар кишвар изҳори қаноатмандӣ кардааст.

Рӯзи гузашта хонуми Моширӣ ҳамчунин бо Рамазон Раҳимзода, вазири корҳои дохилии Тоҷикистон мулоқот дошт.

Мӯҳр

Хабарҳои монанд:

Озоди Орзу

Хама дастовардхое, ки ЮНИСЕФ дар Точикистон дорад, то Мошири буданд. Ин даврахое, буданд, ки Ёхан Фегершелд ва хамрохонаш (1993-1998с) бенихоят дар Точикистон ЗАХМАТ кашидаанд. Хама дигарон пахлавонони сари деги ош будаанд. Факт Офисошонаю мошинхошона зиёд карданду халос. Кайфу сафо карда гаштанд. Махсусан даврахои Юкио давраи кайфу сафои юисефчихо буд, ки бо бла-бла руз гузаронида мардуми точикистонро гул меандохтанд. Мошири мумкин мехост дигаргуни ворид созад, вале товони колаби ЮКИО-шикастанро надошт. Вазорати умури хоричиро лозим аст назоратро аз болои ин ниходхо каъитар гузаронад, чунки каттагихои ин ниходхои хоричи бо номи мардуми точикистон махсусан занхою кудакон буда ба коми хочахояшон мебошад, ки дар ин раванд ЮНИСЕФ- низ истисно нест!

Ҷавоб диҳед Иқтибос Шикоят

Эзоҳ илова кунед