27 авг 2014 09:42Тоҷикистон / Иқтисодӣ

"Договор"-и Алимардону Маматалиев барои бунёди роҳҳо ва пулҳои наздимарзӣ

Ҳайатҳои ҳукуматии Тоҷикистону Қирғизистон ба раҳбарии Муродалӣ Алимардон, муовини нахуствазири кишвар ва ҳамтои қирғизаш – Абдураҳмон Маматалиев ба сохтмони ду роҳи наздимарзӣ ва пулҳо тавофуқ кардаанд. Ин тавофуқ дар ҷаласаи рӯзи 26 август дар Бишкек ҳосил шудааст.

Бар асоси созиши ҷонибҳо, роҳи Кӯктош-Оқсой-Тамдиқ-Кишемиши Қирғизистон (аз рустои Тоҷикон убур намекунад) ва роҳи Исфара-Ворухи Тоҷикистон (аз деҳаи Оқсой намегузарад) сохта хоҳад шуд. Инчунин, ҳайатҳои Душанбеву Бишкек ба мувофиқа расидаанд, ки бунёди ду купрӯки нав ва сохтмони роҳи назди онҳо то 5 сентябр оғоз меёбад.

Дар ҷаласаи Бишкек ҳайатҳо ба натиҷае расидаанд, тамоми даргириҳое, ки аз моҳи январи соли ҷорӣ ба ин сӯ дар марзи ду ҳамсоя иттифоқ уфтодааст, таҳқиқ бишавад. Барои ин, онҳо таъсиси як кумисюни муштарак аз ҳисоби кормандони мақомоти қудративу интизомиро пешниҳод кардаанд.

Ҳайатҳои Тоҷикистону Қирғизистон дар ин ҷаласа мавзӯи мушаххас кардану аломатгузорӣ намудани марзҳоро баҳс намуда, пешниҳодҳо барои нуқтагузорӣ ба ин масъаларо ба баррасӣ гирифтаанд. Қарор аст, даври навбатии музокироти ҳайатҳо дар Душанбе баргузор шавад.

Мӯҳр

Хабарҳои монанд:

эээээ

МАРДАКА кичое пулай рои кнен кичо разбор роиш мекнен бо хамара нафуруша

Ҷавоб диҳед Иқтибос Шикоят

Абулайс

Дар Сугд киргизхо ду точикро куштанд,6 нафар точики дигарро мачрух карданду у "намояндаи" точикхо хандида истодааст.Аз хамон киргизи дар пешат истода аккалан ибрат намегири.

Ҷавоб диҳед Иқтибос Шикоят

Cатори

Алимардонов аз ухдаи ин кор намебарояд. Ягон нафари дигар ин корро рохбари бояд кунад.

Ҷавоб диҳед Иқтибос Шикоят

Мухаммад

А бача ин Алимардона рангу руш мисли хамон киргизхояй ку

Ҷавоб диҳед Иқтибос Шикоят

точик

Қиёфаи ҳарду чунон монанд, ки гуӣ аз як падару модаранд

Ҷавоб диҳед Иқтибос Шикоят

985

Хам моро мекушанд дар асри 21-е хам мо чорхез ба пеши кушандахоямон равонаем чи хел фахмем ин амалро?