25 авг 2014 14:57Тоҷикистон / Фарҳангу адаб

Филме дар бораи оилаи муҳоҷирон соҳиби ҷоиза шуд

Филми “Пушти фармон” ё “Сари чанбарак”, ки аз рӯзгори хонаводаи муҳоҷирони тоҷик дар кишвар қисса мекунад, моҳи июл дар ҷашнвораи “Садои занон” соҳиби ҷоизаи “Беҳтарин филми донишҷӯ” шудааст. Ин филми кӯтоҳ сохтаи Элиз Лакери бритониёӣ мебошад, ки то кунун чанд ҷоизаи ҷашнвораҳои Аврупоро аз худ карда буд.

Дар ин филм гуфта мешавад, ҳар сол садҳо ҳазор муҳоҷир Тоҷикистонро бо ҳадафи пайдо кардани кор ва аз ин тариқ таъмин намудани оилаҳояшон тарк мекунанд. “Маблағе, ки аз Русия ба Тоҷикистон фиристода мешавад, барои боло бурдани иқтисоди кишвар мусоидат мекунад. Дар воқеъ, Тоҷикистон кишварест, ки ба пули муҳоҷиронаш сахт ниёз дорад”,-таъкид шудааст дар филм.

Элиз Лакер дар филми сохтааш ин суолро гузоштааст, ки теъдоди зиёди муҳоҷирони тоҷик мардонанд ва занону кӯдакони онҳо дар дохили кишвар чӣ кор мекунанд? Ва ҷавобашро парешонии рӯҳӣ ва эҳсоси Нигора, як зани хонашини узбакзабони Тоҷикистон, додааст. Ин зан мегӯяд, баъд аз он ки шавҳараш фиристони пул аз Русияро қатъ кард, зиндагии ӯву фарзандонаш рӯ ба рукуд оварданд.

Нигора, пас аз он ки дигар умеде аз шавҳараш намемонад, бар хилофи он ки зан аст, ба таъмири чархҳои мошин шурӯъ мекунад ва фарзандонашро бо ин роҳ мехӯронаду мепӯшонад.

Мӯҳр

Хабарҳои монанд:

Шоиста

Хеле мавзуи мухими руз аст- мавзуи такдиру масоили мухочирин. Элиз Лакер тавонистааст, ки чанбахои ахлокии хаёти мухочиринро матрах намояд. Танхо дар соли 2013,- хабар медихад яке аз барномаи телевизонии Руссия дувоздах хазор мардони точик дар Руссия хонадор шуданду ба Ватан барнагаштанд. Маълум аст, ки кисми зиёди онхо хонаву чой, зану фарзанд доранд. Чи хуб мешуд, ки ин филм дар Осиёи Маркази тавассути телевизион бештар намоиш дода мешуд. Чун фарзандоне, ки падар аз онхо руй гардонидааст, садамаи сахти равони мегиранд ва дар кайди зиндаги гохо ба ивази эхсоси масъулият пайдо кардан, баръакс ба вартаи навмеди (депрессия) дучор мегарданд, майзадаву муътод мегарданд.

Ҷавоб диҳед Иқтибос Шикоят

Эзоҳ илова кунед