19 авг 2014 14:44Тоҷикистон / Дин ва зиндагӣ / Иҷтимоӣ

Таассуфи писари домулло Муҳаммадӣ аз фиреби тоҷирон

Абдулалии Муҳаммадӣ – руҳонии тоҷик ва писари домулло Муҳаммадии Қумсангирӣ аз афзоиши тақаллубу фиребкорӣ дар бозорҳои Тоҷикистон шадидан ибрози нигаронӣ кардааст.

Ӯ мегӯяд, ҳоло дар бозорҳои кишвар фиребу тақаллубкорӣ ба ҳадде расида, ки бархе аз тоҷирон бо қасамҳои бардурӯғ молҳои бесифаташонро ба муштариён мефурӯшанд. “Дар бозорҳои кишвар ғадру хиёнат ба ҳадде расидааст, ки бархе аз тоҷирон бо қасами бардурӯғ аз роҳи фиребу тақаллуб моли бесифатро мегузаронанд, ҳангоми вазн кашидан кам ё зиёд нишон медиҳанд, орди бесифатро дар халтаҳои орди Қазоқистон, шириниҳои истеҳсоли дохилиро дар коғазҳои эронӣ ва карамелҳои русӣ печонида, обро дар шир омехта карда ва ҳатто алафҳои бегонаро бо сабзавот омехта карда мефӯрӯшанд”,-гуфтааст ӯ.

Ин руҳонии тоҷик дар идома ибрози таассуф кардааст, ки ин амали тоҷирон ба як чизи маъмулӣ табдил ёфтаасту касеро нигарон намекунад. Абдулалии Муҳаммадӣ дар шарҳи гуфтаҳояш бо овардани иқтибос аз аҳодиси паёмбар (с) афзудааст, ин амали бархе аз тоҷирони тоҷик аз нигоҳи шариати Ислом ҳаром ва мамнуъ мебошад: “Дар ин бора ҳадисҳои зиёд аст ва дар яке аз онҳо паёмбар гуфтаанд, ҳар касе ҳаққи мусулмонеро бо дасташ бигирад, Худованд ӯро гирифтори азоби дӯзах намуда, биҳиштро барояш ҳаром месозад. Агар монанди сихе аз хор ҳам бошад."

Мӯҳр

Хабарҳои монанд:

сохибкор

Ин гуфтахои мулло ибрози андешаро мемонаду бас. Ягон мисоли конкрети нисбати ягон точир надорад. Шояд ба чунин кор худи наздикони у даст доранд, чи? Агар ходисахои мулло гуфтаги бисер мебуданд, дар байни мардум сару садо ва овоза пайдо мешуд.

Ҷавоб диҳед Иқтибос Шикоят

озодандеш

сохибкор,
БАРОДАРИ АЗИЗ кадом як доираи махсусе хаст ки аз ин бечора лидер сохтанианд Рахматии падари бузургворашро натавонистанд ба худ кашан Худованд нигахбон бошад

Ҷавоб диҳед Иқтибос Шикоят

Said

ҳой акаи Соҳибкор!!!! бубахшед магар чашмони Шумо намебинанд,ки ҳама гуфтаҳои ин Домулло 100% дуруст ҳастанд офтобро бо лаби доман пушонида намешавад ку охир!!!!!!.медонам,ки шояд шумобарин соҳибкорони кару кур ва манфиатҷу бо ҳар роҳе,ки бошад кам нестан, лекин бисёр нагуфта охири суханамро бо ин шеъри пурмазмун хотима мебахшам:
Бар халқи бе басират то чанд ъарзи ҷавҳар,
бояд зи шаҳри курон чун нури дида рафтан.

Ҷавоб диҳед Иқтибос Шикоят

саид

сохибкори номухтарам ту аз хамон харом фурушону харомхурони ба гапи муло меранчи!!!

Ҷавоб диҳед Иқтибос Шикоят

Эзоҳ илова кунед