Панҷшанбе, 3 Апрел 2025
Коршинос: “Узбакистон шояд аз танишҳои марзии Тоҷикистону Қирғизистон истифода кунад”

Эсен Усубалиев – раҳбари Маркази таҳқиқотии Prudent Solutions, ниҳоди омӯзандаи равобити Тоҷикистону Қирғизистон, мегӯяд, мушкили миёни ин кишварҳо танҳо замоне ҳалли худро меёбад, ки раҳбарони ду кишвари ҳамсоя иродаи сиёсияшонро нишон диҳанд.
Усубалиев дар ин бора бо бахши қирғизии Радиои Озодӣ суҳбат карда, афзудааст, барои ҳалли мушкили марзии Тоҷикистону Қирғизистон ҳавасмандию иродаи сиёсии раҳбарони ин ду кишвар лозим аст. “Вақте ҳавасмандӣ нест, Ваъдаҳо рӯи коғаз боқӣ мемонанд”,-изҳор доштааст ӯ.
Ӯ дар шарҳи ин гуфтаҳояш илова намудааст, аз аломатгузорӣ нашудани хатти марзи Тоҷикистону Қирғизистон ва танишҳои сарҳадии ин ду кишвар қочоқчиён манфиатдоранду намехоҳанд, ин танишҳо аз байн равад. “Омили дигар ин ки ҳамсоякишвари бузурги мо – Узбакистон низ аз ин танишҳои марзии Қирғизистону Тоҷикистон шояд истифода кунад, аз ин рӯ, танҳо вақте ин мушкилиҳо ҳалли худро меёбанд, ки раҳбарони давлатҳо иродаи сиёсияшонро нишон диҳанд”,-шарҳ додааст Эсан Усубалиев.
Раҳбари Маркази таҳқиқотии Prudent Solutions дар идома далели аслии ба дарозо кашидани мушкили марзии Тоҷикистону Қирғизистонро набудани харитаи ягона хонда гуфтааст, “омили дигар ин набудани харитаи ягона, ки ҳар ду ҷониб онро қабул дошта бошанд. Вақте Иттиҳоди Шӯравӣ таъсис ёфт, мо дар ҳайати Русияи Шӯравӣ ва Тоҷикистон дар ҳайати Узбакистони Шӯравӣ буду харитаҳои гуногуне сохта шуданд, ки ҳоло омили ин баҳсҳо шуданд. Аз ин рӯ, имрӯз кори гуруҳҳои марбут ба масоили марзӣ пеш намераванду тасимимеро, ки дина гирифтаанд, имрӯз қабул надоранд.”
Ӯ бо таассуф мегӯяд, ҳоло намояндагони ҳукумати Қирғизистон, ки ба масоили марзӣ вобастаанд, миёни худ мавқеи ягона надоранд: “Бояд гуфт, дар ин гуна ҳолатҳо бояд равобити раҳбарони ҳар ду кишвар бисёр наздик ва гамр бошад, то тавонанд, дар робита ба ин масоил гуфтугӯ намоянд”.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |