Кабирӣ: “Интихоботи Туркияро метавон пирӯзии мусалмонон гуфт”
Аммо оқои Кабирӣ афзуд, эҳтимол Туркия баъзе печидагиҳои сиёсаташ дар Ховари Миёнаро аз ҳисоби тақвияти робитаҳояш бо Осиёи Марказӣ, бахусус туркзабонҳо, ҷуброн кунад. “Далели ин гуфтаҳо барқарории иртиботи заифгашта бо Тошканд мебошад, ки ахиран шуруъ гашт. Чун тамоюли бештар бо кишварҳои туркзабон хоҳад дошт, ки табиӣ ҳам мебошад. Мисле ки иртиботи қавии кишварҳои форсзабон ё арабзабон байни ҳам як амри пазируфта маҳсуб мешавад”,-таъкид дошт ӯ.
Раиси ҲНИТ дар идома гуфт, пирӯзии Раҷаб Таййиб Эрдуғон дар аввалин интихоботи президентӣ, ки тариқи ҳамапурсӣ анҷом шуд, пешбинишаванда буд. “Ҳам дӯстон ва ҳам рақибонаш эътироф доштанд, ки ӯ пирӯз аст. Фақат суол ин буд, ки дар даври аввал ё дуюм?”,-мегӯяд Кабирӣ
Дар мавриди он ки пирӯзии Эрдуғон аз сӯи баъзеҳо пирӯзии исломгароҳо унвон мешавад, ин сиёсатмадори тоҷик гуфт: “Чандон дуруст нест. Дуруст, ки ӯ як сиёсатмадори муҳофизакори бархоста аз бистари андешаҳои сиёсии исломӣ аст, вале исломгаро ба маънои классикии калима нест. Танҳо пирӯзии шахсии ӯро не, худи интихоботи Туркияро метавон пирӯзии мусалмонон гуфт, на танҳо аз туркҳо ба танҳоӣ. Чун яке аз шаффофтарин интихоботи ҷаҳон аст. Вақте даъво пеш меоранд, ки дар кишварҳои мусалмонӣ имкони баргузории интихоботи шаффоф нест, интихоботи Туркия ин гуфтаҳоро рад мекунад, ки мусалмонҳо ҳам метавонанд чунин интихоботеро баргузор кунанд. Агар бихоҳанд, албатта. Шахсияте мисли Эрдуғон, ки кишварашро ба бистгонаи аввали ҷаҳон дохил кард ва даъво дорад, то 2023 ба даҳгона ворид мешавад, танҳо бо раъйи 52 дар сад пирӯз мешавад. Ва аввалин касе, ки табрикаш мекунад, рақиби ӯст. Метавон Туркияро дӯст дошт ё бад дид, вале наметавон инкор кард, ки дар ин кор онҳо аз арабҳову мо - форсзабонҳо ва дигар туркзабонҳои мусалмон пеш рафтаанд, ки касе дар тозагии интихоботашон шак надорад. На худӣ ва на бегона. Дар чунин холатхо пирузии як нафар чандон аҳамият надорад, инҷо миллат ва кишвар пирӯз аст, ки чунин низоми интихоботии шаффоф ҷорӣ кардааст”.
Муҳиддин Кабирӣ, вакили парлумон ва раҳбари Ҳизби наҳзати исломии Тоҷикистон, мегӯяд, пирӯзии Эрдуғон ин нуктаро ҳам собит карда, ки “мардуми Туркия дар умум муқобили ифротгароии динӣ ва дунявӣ мебошанд ва интихобашон нерӯҳои муътадилест, ки тавонанд байни арзишҳои миллӣ ва мазҳабӣ тавозуни муносибро ба вуҷуд биёранд”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
