12 авг 2014 18:44Тоҷикистон / Ҷавонон ва варзиш / Тема дня

Як голи Тоҷикистон бар ивази ду тӯби Қазоқистон

Бозии дӯстона миёни тимҳои миллии Тоҷикистону Қазоқистон 1:2 анҷом ёфт.

Ҳисобро дар дақиқаи 38-уми бозӣ футболбози қазоқ Бауржан Исламхан боз кард. Дар дақиқаи 58-ум Фарҳод Тоҳиров ҳисобро баробар сохт, аммо Улан Конисбоев дар дақиқаи 66 голҳои Қазоқистонро бар ду расонд.

Чорумин бозии дӯстона миёни тимҳои миллии футболи Тоҷикистону Қазоқистон дар варзишгоҳи марказии шаҳри Алмаато баргузор шуд. Яккачини Тоҷикистон дар ҳайати 21 футболбоз рӯзи гузашта ба Алмаато парвоз кард. Муҳсин Муҳаммадиев, сармураббии тими миллӣ 2 дарвозабон, 7 ҳимоятгар, 8 нимҳимоятгар ва 4 ҳамлагарро ба ин рақобат бурд.

Яккачини Тоҷикистон бо либоси сурх ва меҳмонон бо либоси сафед ба майдон баромаданд. Бозиро мутахассисон аз Қирғизистон доварӣ карданд.

Дастаҳои Тоҷикистону Қазоқистон аз ин пеш се маротиба бо ҳам қувва озмудаанд. Дидори аввал 11 апрели соли 1994 дар чорчуби сабқати байналмилалӣ дар Тошканд бо ҳисоби 0:1 анҷом ёфт. 2 июли соли 2006 дар доираи бозии дӯстона дар Алмаато ба майдон баромаданд ва футболбозони тоҷик бо ҳисоби 1:4 шикаст хӯрданд. 8 сентябри соли 2007 бошад бозии дӯстонаи ду тим дар Алмаато мусовӣ- 1:1 поён ёфт.

Мӯҳр

Хабарҳои монанд:

Mehrubon

Ба шукуфоии тимми милли тахти рахбарии М.Мухаммадиев хушбинам. 1-2 он хам дар Алмаато, натичаи баде нест. Казокистон дар холи хозир, ки чоми миллатхои Аврупо хунарнамои мекунад ва бо гулхои Аврупои ру ба ру шудааст, билохира аз лихози кайфият бози ва бозикунон болотар аз мо аст. Хамчунин вазъияти казокхо аз хар лихози обективи хам бехтар аз мо бояд бошад!!!.

Натича натичаи умедворкунанада аст. Ба пеш ифтихорофаринони миллат!!! Мо бо шумоем !!! ХУдо пушту панохатон!!!

Ҷавоб диҳед Иқтибос Шикоят

бобо

камандаи казокхо дар рейтинги фифа хело поин аст, хаминро хам бохтед. шармандаги. Ё як бозиро бурд кардед, бо хамин тамом, заряд тамом шуд. ё дар командаи точикситон бояд дар хар 3 мох 1 маротиба бозии дуруст кунад? Унора батареяхошона зуд-зуд заряд мондан даркор. Ё зарядшон наметан?

Ҷавоб диҳед Иқтибос Шикоят

Мухлис

Хайати дастаи мунтахаб пурра Истиклолй шуду бохтхои мо сар шуд. Холиям вакт аст Мухаммадиев объективй муррабигй кунеду ба дигар дастахо низ назар кунед! Бовар кунед хаст бозингароне, ки аз бозингарони Истиклол дида як сару гардан болотар меистанд. Факат онхоро чашме даркор ки БУБИНАД!!!!

Ҷавоб диҳед Иқтибос Шикоят

Эзоҳ илова кунед