12 авг 2014 15:08Тоҷикистон / Сиёсат / Видео / Тема дня

ВИДЕО: Эътироз ба ҳукми 7 нафаре, ки қасди таркондани ТАЛКО-ро доштаанд

Додгоҳи олии Тоҷикистон ҳафт сокини шаҳри Турсунзодаро, ки қасди таркондани ТАЛКО, корхонаи алюминиюми тоҷикро, доштаанд, аз 18 то 22 сол аз озодӣ маҳрум кард.

Бар асоси ҳукми додгоҳ, Тӯрабой Равшанову Абдуллоҷон Раҳимов 22-солӣ, Аскаралӣ Бӯриев, Азамат Абдуллоев ва Умар Урмонов 20-солӣ, Аҳмадҷон Маҷидову Толиб Шодиев 18-солӣ равонаи зиндон шуданд. Ҳукми додгоҳ баъд аз зуҳри 12 августи соли ҷорӣ эълон ва ин ҳафт сокини Турсунзода барои бандитизм, даъвати оммавӣ бо роҳи зӯроварӣ тағйир додани сохти конститутсонӣ, ташкили созмонҳои экстримистӣ-ифротгароӣ, терроризм, доштан ва интиқоли яроқ, гирифта гаштани аслиҳа, моддаҳои тарканда, қочоқ ва дуздиву авбошӣ гунаҳкор шинохта шуданд.

Маҳмадалӣ Абдулҳақов, додраси парванда, гуфт, ин афрод маводи тарканда ва силоҳи оташфишонро аз роҳи қочоқ ба даст оварда, ҳадаф доштаанд, дар корхонаи алюминиюми тоҷик, додситонӣ, додгоҳ ва шӯъбаи умури дохиливу ҳукумати шаҳри Турсунзода таркиш намоянд. Аммо наздикони афроди муттаҳам ин ҳукми Додгоҳи олиро ноодилона ва бераҳмона хонда, аз додрас талаб карданд, то қазияи фарзандонашонро аз нав ба баррасӣ бигирад.

Бародари Азамат Абдуллоев, яке аз маҳкумшудагон, дар суҳбат ба “Озодагон” гуфт, қаблан медонист, ки додгоҳ нисбат ба бародараш ҳукми ноодилона мебарорад ва аз ин рӯ барои додхоҳӣ ба дастгоҳи раёсати ҷумҳурӣ нома навиштааст. “Аммо то ҳол аз дастгоҳ посухе нагирифтаам”,-афзуд ӯ. Абдураҳмон Шарифов, вакили мудофеи Толиб Шодиев, ки нафари таҳти ҳимояташ ба 18 соли зиндон маҳкум шудааст, аз қарори додгоҳ изҳори норозигӣ намуд ва гуфт, “аз болои ин ҳукм шикояти кассатсионӣ мебарем”.

Мурофиаи додгоҳии ин ҳафт сокини шаҳри Турсунзода як моҳи қабл шуруъ шуда, айбдоркунандаи давлатӣ ё намояндаи додситонӣ барои онҳо аз 11 то 25 соли зиндонро талаб карда буд.

Мӯҳр

Хабарҳои монанд:

душанбе

чи сабаб шудааст ки талкоро таркондани шудаанд. сабаб чист? чаро инашро наменависед мумкин талко ин бечорахоро кидат кардагист. баъд ин кадар мухлати зиед ба инхо додан чи даркор боз баъди ин солхо аз махрумият баромада касдгири накунанд.

Ҷавоб диҳед Иқтибос Шикоят

Алишер

Хазорчо шикоят бари хам ягон дигаргуни намешавад. Факат ба он зоти пок ки бинандаю шунаванда хамон. хамончо шикоят бардушанбе,

Ҷавоб диҳед Иқтибос Шикоят

tajek

Як точики бечора хеч гунох надорад 26 сол зиндон мешавад, инора пожизнений додан даркор буд. Агар вокеан пайдо карда бошанд гунахкорхоро.

Ҷавоб диҳед Иқтибос Шикоят

оаааа

Боварии пурра дорам ки инхоро тухмат кардаанд. МВД барои худ очко гирифт. Лекин ба хамин узбакхо умуман дилам намесузад. Инхо хамааш аъзои фронти халки буданд ва аз шароит ва хиенати кисме аз точикон истифода бурда кираи точикони асилро бароварда буданд.

Ҷавоб диҳед Иқтибос Шикоят

Рустам

Агар дар хакикат гунохашон исбот шуда бошад. Хукми катлро дар хаминхо чори кардан лозим .... охир инсон аз вайрон кардани лонаи гунчишк гунахгор мешавад. Агар гунохгорон чазо набинанд вичдони инсони ба монанди хайвон мешавад. Мо, ки дар хакикат дар комютер шишта назар менависем аз асли вокеъа хабардор нестем. Ягон гунахгор гунохашро ба хохиши худаш кабул намекунад. Мумкин ино карда бошанд вакте мебинанд мардум тарфдори карда истоданд,ки тухмат мекунанд баъд худашонро бегунох метарошанд, ки накарданд. ГУНАХГОР БОЯД ЧАЗО ГИРАД. тарафдории одами гунахгоро накунед!!!

Ҷавоб диҳед Иқтибос Шикоят

душанбе

чидол аз хамин фикрронихои нодуруст ва бадбинихои ахмакона сар мезанад. у узбак аст е урус е точик чи фарк дорад асос он аст ки у инсон аст ва мумкин аст ки инсони комилу окил аст. мумкин аст у ба точикони ту некихо кардааст ки точики худат онро ба точикаш накардааст.

Ҷавоб диҳед Иқтибос Шикоят

Эзоҳ илова кунед