08 авг 2014 15:14Оcиёи Марказӣ / Туркманистон

“Кайфу сафо”-и язнаи президент ва ҷӯраҳояш дар Душанбе

Торнамои “Хроника Туркменистана” аз ҷузъиёти то ин дам норӯшани “омодагӣ ба сафари расмӣ”-и моҳи майи Қурбонгулӣ Бердимуҳаммадов, раиси ҷумҳури Туркманистон, ба Душанбе матлабе ба чоп расондааст. Манбаъ мегӯяд, язнаи Бердимуҳаммадов гӯиё дар пойтахти Тоҷикистон 100 000 доллар харҷ кардааст.

Ба иттилои манбаъ, дар остонаи сафари президенти Туркманистон ба Душанбе, ки моҳи майи соли ҷорӣ сурат гирифта буд, шавҳари яке аз хоҳарони Бердимуҳаммадов ба пойтахти Тоҷикистон омадааст. “5-6 май сафари расмии президенти Туркманистон дар Тоҷикистон сурат пазируфт. Қабл аз ин, 29 апрел гӯиё барои ҳал кардани масъалаҳои омодагӣ ба ин сафар язнаи президент бо панҷ дӯсташ ба Душанбе рафтаанд”,-навиштааст торнамо.

“Хроника Туркменистана” менависад, харҷи ин шаш нафар аз ҳисоби буҷаи Туркманистон пардохта шудааст. “Дар ҳоле ки дар Душанбе сафоратхонаи Туркманистон мавҷуд аст ва метавонад (бояд) тамоми масъалаҳои марбут ба сафарро ҳал кунад”,-мегӯяд манбаъ.

“Ҳамон шаб, (29 апрел) язнаи президент ҳамроҳи дӯстонаш ба клуби шабонаи маъруфи Душанбе “Девятый вал” рафта, то субҳ 16 000 доллар масраф кардаанд. Ба ҷуз аз харҷҳо барои ғизо ва нӯшокӣ, ин ҳайат ба мутрибон ҳам саховатмандона пул додаанд, бо дархости онҳо ду бор дар васфи Ашқобод ва се бор дар мавриди мустақилияти Туркманистон суруд иҷро шудааст”,-навиштааст “Хроника Туркменистана”.

Тақрибан бо ҳамин усул язнаи раиси ҷумҳури Туркманистон ва дӯстонаш чанд рӯзу шабро дар Душнабе сипарӣ карда, ба маблағи наздик ба 100000 доллар масраф кардаанд. “Оё ин харҷҳо ба нафъи сафари расмии президенти Туркманистон анҷом шуданд, ё не то ҳол номаълум аст”,-хулоса кардааст “Хронике Туркменистана”.

Мӯҳр

Хабарҳои монанд:

Ал-масраф

“Девятый вал” Счёт 16000 доллар: суруд ду бор васфи Ашқобод ва се бор мустақилияти Туркманистон. Это нормально, дар рохи Ватан ва васфи Истиклолият.

Ҷавоб диҳед Иқтибос Шикоят

Саид

Аз паша фил сохтаанд ку

Ҷавоб диҳед Иқтибос Шикоят

кумитаи андоз

бояд кумитаи андоз барои тафтиш мутахассисони худро ба “Девятый вал” бифиристад. ва аник гардонад ки андоз аз 16000 доллар супоридаанд е на =))

Ҷавоб диҳед Иқтибос Шикоят

Дусти туркман

Мо туркманхоро хамчун халке сохиби давлат ва хамчун миллат мешиносем аммо Узбакистонро хамчун мамлакат шинохтан чиноят аст ва хиёнат он кишвари маснуъи ватани асосии хар точик хаст, ки ба ишгол даромад наздик ба 100 соли пеш.. зулмро кабул кардан гунох аст ва золим будан хам. точикони тамоми дунё бо рохи конуни бояд ватани ачдоии худро сохиб шаванд..

Ҷавоб диҳед Иқтибос Шикоят

болдои об

кумитаи андоз,
кумитаи андоз махсусан нохияи фирдавси ба гайр аз бозори корвон хамон контенерхоое ки уйгуру точикоанд ду катор тафтиш кардан дигар чоро намедонанд безор кардаанд рузи дароз меги хар гум кардаанд ба доду чавр омадем хайрият ягон корхона надорам е мини сех агане дилу чигарата мехуран наход лачомашонро хеч кас накашад то хато калонхояшон омохта шудаанд ба худо касам бо карз кор мекунем лекин ин бевичдонхо намефахманд ба маош зиндагии шохона охир беезор шудеме чи балоааст илтимос озодагон як бор чопаш бикун

Ҷавоб диҳед Иқтибос Шикоят

Адвакат

Акаи Фаттох Саидов аз ин кор хабардор бошанд? Парванда кунанд бо иттихоми тачовуз.

Ҷавоб диҳед Иқтибос Шикоят

Аброр

Барои ин кишвари кашшоктарини дунё чаро пул сарф мекардаанд. Хайфи ин миллату ин кишвар.

Ҷавоб диҳед Иқтибос Шикоят

душанбе

боз як хайкалу - хайкалтарош.

Ҷавоб диҳед Иқтибос Шикоят

Эзоҳ илова кунед