29 июл 2014 13:12Тоҷикистон / Сиёсат

Раҳмон: ‘Афғонистони ором ва бе маводи мухаддир ба нафъи ҳамаи мост’

Эмомалӣ Раҳмон, раиси ҷумҳури Тоҷикистон, дар сӯҳбат бо Чжан Синфэн -- роҳбари Кумитаи иҷроияи Сохтори минтақавии зиддитеррористии Созмони ҳамкории Шонгҳой, 29 июл дар Душанбе доир гардид, мавзӯи субот дар Афғонистонро баррасӣ кардааст. “Кумак ба Афғонистон дар роҳи табдил додани он ба кишвари орому осуда ва давлате, ки рушду тараққиёти худро бе истеҳсоли маводи мухаддир таъмин намояд, ба манфиати ҳамаи мост”,-таъкид доштааст ҷаноби Раҳмон.

Дар ин мулоқоти Эмомалӣ Раҳмон ва Чжан Синфэн, инчунин, масъалаи ҳамкорӣ дар самти ҳамҳангсозии мубориза бо терроризму ифротгароӣ ва дигар хатарҳои ҷаҳони муосир баррасӣ шудааст. Раиси ҷумҳури Тоҷикистон гуфтааст, "натанҳо бо худи терроризм, балки бо омилҳои ба он мусоидаткунанда низ мубориза бояд тақвият дода шавад".

“Тоҷикистон дар иҷрои уҳдадориҳои худ, ки аз Конвенсияи Созмони ҳамкории Шонгҳой доир ба мубориза бо терроризму ифротгароӣ ва ҷудоихоҳӣ бармеояд, ҳамеша устувор аст ва барои таъмини амну суботи минтақавӣ бо ҳамаи шарикони худ ҳамгироии пурсамар ба роҳ мондааст”,-изҳор доштааст Эмомалӣ Раҳмон.

Дар идома ҷонибҳо ба омодагӣ ба ҳамоиши сарони давлатҳои аъзои Созмони ҳамкории Шонгҳой, ки моҳи сентябри соли ҷорӣ дар Душанбе баргузор хоҳад шуд, таваҷҷуҳ кардаанд. Ҳамоиши вазирони умури хориҷии кишварҳои узви СҲШ 30 июл дар Душанбе доир мегардад, ки дар кори он Сергей Лавров, вазири хориҷаи Русия иштирок хоҳад кард.

Мӯҳр

Хабарҳои монанд:

Марко Поло

Ба номи Худо, ки Китаисо мо Точикора хубтар фахмидесан, аммо Лавров дер мефахма..

Ҷавоб диҳед Иқтибос Шикоят

таманно

барори кор ба хамаи сулххохон.

Ҷавоб диҳед Иқтибос Шикоят

parashut

“Кумак ба Афғонистон дар роҳи табдил додани он ба кишвари орому осуда ва давлате, ки рушду тараққиёти худро бе истеҳсоли маводи мухаддир таъмин намояд, ба манфиати ҳамаи мост/ Бале дар ин кор мебояд саравал кишвари точикистон кушиш намояд, зеро таракиёти ин кишвар ба пешравии мо таъсири мусби мерасонад

Ҷавоб диҳед Иқтибос Шикоят

Эзоҳ илова кунед