25 июл 2014 11:04Тоҷикистон / Иқтисодӣ / Тема дня

Холиқов дар бораи мансаби ғайриинтизор, якҷошавии фурудгоҳу Тоҷик Эйр ва зарару фоида (ВИДЕО)

Рустам Холиқов, раиси Фурудгоҳи байналмилалии Душанбе, ки чор рӯзи пеш ҳамчунин раҳбари ширкати “Тоҷик Эйр” таъин гардид, изҳор дошт, ки фаъолияташро дар симмати нав аз додани маоши семоҳаи кормандон оғоз намудааст.

Холиқов рӯзи 25-уми июл зимни нишасти хабарӣ дар Душанбе гуфт, гарчанде чор рӯз муҳлати хеле кам аст, ӯ талош намудааст, ки баробари додани маоши кормандон таъхиркориро дар парвози тайёраҳои “Тоҷик Эйр” хотима диҳад. Раиси нави “Тоҷик Эйр” эътироф намуд, ки дар ҳоли ҳозир вазъи молии ин ширкат хеле бад аст ва танҳо аз фурудгоҳ ҳудуди 70 миллион сомонӣ қарздор мебошад: “Он, ки баробари раиси фурудгоҳ буданам, боз раиси “Тоҷик Эйр” таъин шудаам, бароям ғайриинтизор буд ва аз ин дар нисфирӯзи душанбеи 21-уми июл огоҳ шудам. Аммо чун раисиҷумҳур дастур додааст, ки бояд ин ширкати давлатиро ба по хезонем, он иҷро хоҳад шуд. Вале ин маънои онро надорад, ки мо хисороти “Тоҷик Эйр”-ро аз ҳисоби фурудгоҳи Душанбе таъмин хоҳем кард. Кор мекунем ва идораю хизматрасонии “Тоҷик Эйр”-ро тавре ба роҳ мемонем, ки фаъолияти ширкат фоидаовар шавад ва қарзҳояш пардохт гарданд.”

Видеои 1, Видеои 2

Холиқов изҳор дошт, ки дар ҳоли ҳозир Фурудгоҳи Душанбе ва “Тоҷик Эйр” якҷоя нашудаанд ва ҳамчун ду корхонаи алоҳида фаъолият доранд: “Мо ҳоло фикр дорем ва бояд роҳеро ёбем, ки фаъолияти як корхона ба дигаре хала нарасонад. Шояд дар шакли холдинг ё усули дигар, вале ба ҳар сурат талош мекунем, ки зимни якҷокунӣ кормандони “Тоҷик Эйр”-ро ихтисор накунем.”

Холиқов таъкид кард, ки давоми ду моҳ ба ҳукумат хулосаашонро дар бораи якҷоя кардан ё накардани “Тоҷик Эйр”-у фурудгоҳ пешниҳод хоҳанд кард.
Рустам Холиқов рӯзи душанбеи 21-уми июл раиси ширкати “Тоҷик Эйр” таъин гардид. Фирӯз Ҳамроев, раиси қаблии ин ширкат баъд аз нишасти хабарияш дар субҳи 21 июл аз мақомаш барканор шуда буд.

Мӯҳр

Хабарҳои монанд:

Галапагос

Чи хеле, ки гуфтанд"Новая метла по новому метёт". Чи хел акидахои хуб. Барои хамин мансабдорора тез тез иваз бояд кард, то ки чомеа рушд кунад.

Ҷавоб диҳед Иқтибос Шикоят

Behruz Hanifov

Banda takriban 10 sol namoyandai yake az shirkathoi hawopaymoii hususii kirgiziston dar maydoni havoii Sharjah,amorati muttahidai arab budam.man shohidi on budam,ki chi guna davlati kirgisiston simoi hudro dar sohai havopaymoi az dast dod.Tojikeyr in yagonai simoi havopaymoii Tojikiston hast va meboshad.Tojikiston badi poshhurii ittihodi shuravi yagona kishvare bud,ki simoi millii hudro az dast nadoda bud,inro tamomi mutahassisoni sohai havopaymoii shuravii sobik ikror budand.Mutaassifona in simo az dast meravad.Holo joi somon va tojik eyro bo tadrij Flay dubai megirad.mo nabouad misli Turkmanho,kigizho,kazokho simoi millii hudro az dast dihem.Charo uzbakho na Flay dubai va na alarabiyaro ba bozori hud roh namedihand.charo Somon eyr parvozhoi hudro dar furudgohi Almaktum anjom dihad?magar behtar nest,ki in parvozro dar Rasalhaym anjom dod?mahorij va servisi in furudgoh chanho bor arzontar ast?

Ҷавоб диҳед Иқтибос Шикоят

Daler

Дар урфият мегуянд, ки агар гул дар лаби як тиреза нагунчид бояд чояшро иваз кард то дар чойи дигар бояд гунчид. Хамагон медонам ширкати точикэйр солохои охир хело сифати кораш паст буд ва посажирхо хело норозихам будан гуем хато намекунем. Рустам Халиков аз тарзи харф заниаш малум аст ки одами босавод аст ва он самимияте гирифтааст барои он ки аввалин коре мо хохем кард ин додани маоши кормандон аст ин як икдоми хело босаводона аст барои онки вакте коргар маошашро сари вакт гирифт ба пурраги бо дасту дили гарм ба кор шуруъ хохад кард. Ва ман бовари дорам ки чунонеки мебинем фурудгохро кушиш доранд руз то руз ба як фурудгохи чахони мубаддал гардонанд ва гуфта метавонем шудааст хато намекунем, хамин тавр Точик Эйр хам ба зуди мушкилотхояшро бартараф хохад кард. Ва ман аз маъмурини корхона хохиш дорам, чунонеки медонем Точик Эйр як хатсайр ба шахри Аморати Муттахидаи Араб - шахри Шарчах дошт агар ин хатсайрро боз ба рох монанд мо хело минаддор хохем гашт! Ташаррук ба Озодагон.

Ҷавоб диҳед Иқтибос Шикоят

Эзоҳ илова кунед