25 июл 2014 08:57Тоҷикистон / Рӯ ба рӯ
Қарори ҳабси думоҳаи Қудратов, рӯбарӯкунӣ ва шикояти Раҳматилло Зоиров
Дар ин бора ба “Озодагон” Раҳматилло Зоиров, вакили мудофеи Шуҳрат Қудратов хабар дода, афзуд, ки аз болои ин қарори додгоҳ шикояти касатсионӣ хоҳанд бурд.
Зоиров афзуд, ки аллакай ҳам бо намояндагони Оҷонсии фасод ва ҳам бо худи Шуҳрат Қудратов мулоқот кардааст ва чанд рӯбарӯкунӣ низ сурат гирифтаанд: “Қудратовро бо зерҳимояаш ва як шоҳиди дигар рӯбарӯ карданд. Дар нишондодҳои онҳо бисёр номутобиқатҳо аст ва ҳоло суолҳо хеле зиёданд. Фикр мекунам, ки дар чанд рӯзи наздик қазия рӯшан хоҳад шуд.”
Зоиров дар мавриди бардошташ аз ҳолати Қудратов дар боздошт таъкид намуд, ки гарчанде ҷабрдида аст, руҳияи устувор дорад.
Қаблан Оҷонси назорати давлатии молиявӣ ва мубориза бо коррупсия дар Тоҷикистон қазияи боздошти Шӯҳрат Қудратов, яке аз се вакили дифои Зайд Саидов, раҳбари зиндонии “Тоҷикистони нав”-ро шарҳ дода, афзуд, ки Қудратов дар додани пора муттаҳам шуда, алайҳи ӯ бар асоси моддаҳои 36 қисми 4; 32 қисми 3 ва 320 қисми 2-и Кодекси ҷиноии Тоҷикистон парванда оғоз шуда, тафтиши пешакӣ идома дорад.
Дар иттилоияи ин ниҳод омадааст, Қудратов гӯиё ба хотири ҳалли як баҳси додгоҳӣ ба нафъи Амиралӣ Суламаев, зерҳимояи худ, ки дар тақаллубкорӣ айбдор мешавад, ба Шерзод Низомов додраси додгоҳи ноҳияи Исмоили Сомонии пойтахт гӯиё 2 ҳазору 500 доллар ҳамчун пора пешниҳод кардааст. Ба иттилои манбаъ, Қудратов ҳангоми гирифтани маблағ аз зерҳимояаш рӯзи 21 июли соли ҷорӣ дар назди ошхонаи “Шаҳризода”, воқеъ дар шафати бинои Додгоҳи ноҳияи Исмоили Сомонӣ аз сӯи кормандони ин ниҳод боздошт шудааст.
Аммо Зоиров дар шарҳи боздошти Қудратовр бо 2500 доллар, ки гӯиё ба сифати пора ба додрас пешбинӣ шудаанд, таъкид намуд, ки ин “фантастика” аст. Қудратов шахси мансабдор нест, ки тибқи моддаҳои 319 ва 320 таъқиб шавад. Ин, кӣ гӯиё маблағҳо барои додани пора пешбинӣ шудаанд, як чизи исботнашаванда аст.”
Феълан бино ба иттилои расмӣ, алайҳи Шӯҳрат Қудратов парвандаи ҷиноӣ боз шуда, тафтиши он идома дорад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
