25 июл 2014 07:35Тоҷикистон / Иҷтимоӣ

Барои дарёфти “сертификат”-и кор дар Русия муҳоҷирон бояд аз 40 савол ба 16-тои он ҷавоби дуруст бидиҳанд

Муҳоҷирони кориро зарур аст, барои соҳиб шудан ба иҷозатнома ё “сертификат”, ки ҳаққи кор дар Русияро барояшон медиҳад, аз 40 саволи фанни забони русӣ, таърих ва қонунгузории Русия ба 16-тои он ҷавоби дуруст бидиҳанд. Дар ин бора “РИА Новости” бо такя ба суханҳои Анжела Должикова, муовини ректори Донишгоҳи дӯсти халқҳои Русия оид ба таълими изофӣ хабар додааст.

Сар аз 1 сентябри соли равон муҳоҷирони корӣ имкон доранд, барои дарёфти “сертификат” дар Русия имтиҳон супоранд. Имтиҳонҳо дар 385 маркази тестӣ, ки асосан дар пойгоҳи муассисаҳои таҳсилоти олии Русия фаъоланд, қабул мешаванд. Ин иҷозатномаҳо 5 сол муҳлат хоҳанд дошт.

“Аз таърих танҳо кифоя аст, ки аз 20 савол ба 40 дар сади он, яъне 8 ҷавоби дуруст дода шавад. Аз қонунгузории Русия ҳам ҳамин миқдор кофист”, - гуфтааст Должикова.

Ба гуфтаи ӯ, барои имтиҳон дуюним соат вақт дода мешавад. Утоқе, ки муҳоҷирон имтиҳон месупоранд аз сӯи нозирон ва камераҳо назорат мешавад. Маълумот дар бораи афроде, ки имтиҳон месупоранд ба пойгоҳи электронии Рособрнадзор ворид хоҳад шуд. Эҳтимол дорад дар оянда ба ин пойгоҳ корфармоҳо низ дастрасӣ пайдо кунанд.

Ёдовар мешавем, Хадамоти федералии муҳоҷирати Русия аз 1 январи соли 2015 аз муҳоҷироне, ки дар қаламрави ин кишвар кор кардан мехоҳанд, сертификати супурдани имтиҳонҳоро талаб мекунад. Бино ба омори ғайрирасмӣ теъдоди муҳоҷирони кории тоҷик дар қаламрави Русия марзи 1 миллион нафарро убур мекунад.

Мӯҳр

Хабарҳои монанд:

Афанди

Ин худаш чи гап.Рособрнадзор мардуми мухочира дар катори шахрвандони Русия ба супоридани ЕГЭ мачбур месозад. Мантикан ин амал хатост ва поймоли хукуи мухочират мебошад.Хуб мешуд, ки аввал курсхои омузиши барои мухочирон ташкил мекардан, ана баъд талаби Сертификат ва талафи он боадолатона мешуд.

Ҷавоб диҳед Иқтибос Шикоят

Justice

Афанди,
Курсхо барои мухочиронро бояд шахсони ба мухочират мерафта дар ватани худ омузанд. Чи, акнун Руссия онхоро хам бо кору маош таъмин кунад ва хам миллионхо рубль барои омузгорон сарф карда дарс омузад?
Икдоми дуруст. Баъди оне, ки мардуми мо сохиби савод шуда ба Руссия мераванд, хар гуна тахкирхо ба мисоли "Равшану Джамшуд" аз байн меравад.

Ҷавоб диҳед Иқтибос Шикоят

Хоча Афанди

Justice, Русоба ки коргар даркор бошад, маблагузорира ба зимма гиранд. Аз руи конунхои Бозаргони -Спрос и Предложение.

Ҷавоб диҳед Иқтибос Шикоят

Саксония

Тахкири Чамшуду Рвшан аз байн нахохад рафт.То он замоне,ки ба чомеъаи Рус исбот насозем,ки чанги соли 92-97 ин на чанги точик бо точик,балки чанги турку точик буд.

Ҷавоб диҳед Иқтибос Шикоят

Эзоҳ илова кунед