24 июл 2014 12:01Тоҷикистон / Тема дня

Ёдбуди қурбониёни амалиёти 24 июл дар Хоруғ ва талаби таҳқиқи қазия

Як гуруҳ корбарони фейсбук, имрӯз, 24-уми июл дар дувумин солгарди амалиёти низомии Хоруғ пешниҳод кардаанд, ки дар ин рӯз хотири ҳамаи қурбониёни ин амалиёт пос дошта шавад.

Ин гуруҳ бо баёни мухолифаташон ба ҳар гуна ҷудоихоҳию ифротгароӣ таъкид кардаанд, ки ҷонибдори волоияти қонунанд ва мехоҳанд қазияи хунуни 24-уми июл дар Хоруғ таҳқиқу дастандаркорон муҷозот шаванд. Даъват шудааст, ки ба хотири сарбозону афсарон ва сокинони қурбоншудаи Хоруғ дар амалиёти 24-уми июл имрӯз намоз гузошта шавад.

Амалиёти низомӣ дар Хоруғ 24-уми июли соли 2012, дар пайи қатли генерали амният Абдулло Назаров оғоз шуда, даҳҳо қурбонӣ бар ҷой гузошт. Дидбони ҳуқуқи башар ё Ҳюман Райтс Вотч бо гузашти тақрибан як сол аз ҳодисаҳои Хоруғ, маркази Бадахшон, мегӯяд, дар ин ноамниҳо 20 сокини осоишта ҷони худро аз даст дода буданд. Агарчӣ ба қавли ин созмон, мақомоти расмӣ теъдоди қурбониёни ин амалиёт аз ҳисоби сокинони осоиштаро ҳамагӣ шаш нафар донистаанд.

Дар маҷмуъ теъдоди қурбониёни ин амалиёт аз ҳар ду ҷониб ҳудуди 40 нафар арзёбӣ мешавад. Дар ҷараёни даргирии мусаллаҳона миёни нерӯҳои ҳукуматӣ ва мухолифони мусаллаҳ дар Хоруғ моҳи июли соли 2012, аз ҷумла Сабзалӣ Мамадризоев, раҳбари шӯъбаи бадахшонии ҲНИТ ва ҳамчунин Имумназар Имумназаров, яке аз фармондеҳони собиқ, кушта шуда, чанд тани дигар, аз ҷумла Шерик Карамхудоев (раҳбари бахши ҲНИТ дар Хоруғ) ва дигарон боздошту зиндонӣ гардиданд.

Мӯҳр

Хабарҳои монанд:

Шохносир

24 июли соли 2012 рузи сиёхи мардуми осоиштаи Бадахшон дар сахифахои таърих хамчун рамзи бади, махалгарои, ноухдабароии баъзе аз рохбарони макомоти хифзи хукук бо номи "Сешанбеи хунин" дарч мегардад. Дар ин рузи шум тамоми мардум бо дуохони, гиронидани шамъи хотира ва пушидани либоси сиёх ёди курбониён мекунанд.

Ҷавоб диҳед Иқтибос Шикоят

Ismaili

Салом. Илохо чои хамаи курбониён чаннат бодо. Омин.

Ҷавоб диҳед Иқтибос Шикоят

Aziz

Может наше слова, чувства, потери не так влияют и действуют из за количества населения на общественность, НО ЗАПОМНИТЕ!!! ТЕ ДЕТИШКИ КОТОРЫЕ В СВОЁМ ПРЕКРАСНОМ И СЧАСТЛИВОМ-ПОЛЬНОЙ НАДЕЖДЫ ВОЗРАСТЕ ровно 2-года назадь пережили такого страшного нападения со сторони "ПРАВИТЕЛЬСТВА" НИКОГДА не забудут даже если оны этого захотят А ОНЫ НАШЕ БУДУЩЕЕ !!!
ЗАПОМНИТЕ ЭТО ДОРОГИЕ НАШИ ГЕНЕРАЛИ!!!
ВЫ ПОСТАВИЛИ ФУНДАМЕНТ НЕНАВИСТИ И НЕДОВЕРИЕ ПОЭТОМУ НЕ БУДЕТ ВАМ ПОКОЯ НИ В ЖИЗНИ НИ ПОСЛЕ СМЕРТИ !!

Ҷавоб диҳед Иқтибос Шикоят

Эзоҳ илова кунед