22 июл 2014 09:05Тоҷикистон / Иқтисодӣ

Оҷонсӣ, коррупсия дар вазорат ва "доляситонӣ"-и сардухтур аз табиб

Оҷонсии мубориза бо коррупсия дар Тоҷикистон аз афзоиши фасодкорӣ дар соҳаи тандурустии кишвар хабар медиҳад. Ба иттилои масъулони ин ниҳод, агар дар тӯли соли гузашта аз ҷониби кормандони Вазорати тандурустӣ 38 ҷинояти коррупсионӣ содир шуда буд, дар шаш моҳи соли ҷорӣ ин рақам ба 41 расидааст.

Манбаъ мегӯяд, дар тӯли 19 рӯзи баъди ҷамъбасти фаъолияти нимсолаи вазорат боз 10 ҷинояти вазнин ва махсусан вазнини коррупсионӣ миёни кормандони ин ниҳод ошкор гардидааст. “Рӯзи 16 июл духтури Маркази саломатии рақами 1-и шаҳри Хуҷанд Нормуҳамад Хошаев барои ғайриқонунӣ озод намудани айбдоршаванда Отабек Кенҷаев, аз маҳбасхонаи тафтишотии Хуҷанд аз падари 81-солаи ӯ Аҳмад Кенҷаев бо роҳи қаллобӣ 13 000 доллар талаб намуда, гирифтааст”,-менависад торнамои Оҷонсии зидди фасоди молӣ.

Масъулини Оҷонсӣ мегӯянд, дар Вазорати тандурустӣ кор ба ҷое расидааст, ки худи кормандони вазорат дар бораи ҳаракатҳои коррупсионии роҳбарони бевоситаашон ба онҳо муроҷиат мекунанд. Бар асоси иттилои манбаъ, рӯзи 4 июл Назаралӣ Зиёдалиев, мудири шуъбаи эҳёгарии беморхонаи госпитали ноҳияи Қубодиён, нисбат ба сардухтури ҳамин беморхона Асадулло Худойбердиев оид ба роҳи таъмаҷӯӣ аз ӯ гирифтани 3000 сомонӣ ва боз талаб карда гирифтани 300 доллар бо аризаи шикоятӣ муроҷиат намудааст.

Оҷонсӣ мегӯяд, зимни санҷиш маълум намудаанд, ки Худойбердиев аз кормандони беморхонаи таҳти роҳбарияш тӯли 1,5 сол ҳар моҳ аз ҳар кадоми онҳо тариқи таъмаҷӯи пора гирифтааст: “Аз мудири шуъбаи асаби беморхона Эркин Юсупов ҳар моҳ 500 сомонӣ, аз мудири шуъбаи ҷарроҳӣ Умар Мусурмонов 1000 сомонӣ, аз мудири шуъбаи бемориҳои дил Ғанӣ Қурбонов ҳар моҳ 100 долларӣ, аз мудири маркази хунгузаронӣ Панҷидин Юсупов ҳар моҳ 200 сомонӣ, аз мудири шикастабанди беморхона Холмурод Ойматов ҳар моҳ 900 сомонӣ ва, дар маҷмуъ, 35 ҳазор сомонӣ маблағро ба сифати пора гирифтааст”. Манбаъ мегӯяд, нисбат ба Асадулло Худойбердиев бо моддаи 319, қисми 4, бандҳои «а» ва «в»-и Кодекси ҷиноӣ парванда боз шуда, ба ҷавобгарӣ кашида шудааст.

Мӯҳр

Хабарҳои монанд:

Ҷон

Салом мардуми шарифи Тоҷикистон,

Як чизро мехоҳам қайд намоям. Ман то имрӯз надидам, ки ягон корманди агенти корупсия дар ягон хона иҷора нишини кунад. Ҳамааш на кам аз 2 хона ва 2 ҳавли доран. Пас чаро дигар мардуме, ки 10 сомони аз ягон одам мегиран вайёро дастгир мекунен аа шумо бошед гул мечинед? Чаро як марта Ҷаноби Оли мӯҳтарам Саид Фатоҳро намегуяд, ки ба бачаҳои худат як бор нигоҳ кун? аз куҷо ин қасрҳоро сохтагиян? мошинҳоро аз куҷо харидаги ҳастан?

Ҷавоб диҳед Иқтибос Шикоят

Расул

Дуруст мегуед. Аз кучо дар инхо, яъне кормандони коррупсия ва прокуратура касрхою мошинахои кимматнок. Хамаи ин аз хисоби халки бечора

Чоп кунед

Матолиби ҳамсон:

Вазорати тандурустӣ фасодкории Носировро маҳкум кард

Беш аз 4 миллион сомонӣ барои бунёди беморхонаҳо ҷудо гардид. Дар Хатлон[/quote]

Ҷавоб диҳед Иқтибос Шикоят

чабрдида

Ана хаминхел мекапаншон , соз мекунад. як дохилшави дар медучилищии райони рудаки ду-2,5 хазор доллар , агенти ина ира бкап, охир дар ин пул университет дохил мешиди, пага ай ин хел студент чи интизор шудан мумкин?

Ҷавоб диҳед Иқтибос Шикоят

Эзоҳ илова кунед