18 июл 2014 14:59Тоҷикистон / Иқтисодӣ

Нархи картошкаро интихоботи Афғонистон гарон кард? Фарзияи Валиев

Сироҷиддин Валиев, раиси иттифоқи «Тоҷикматлубот» сабаби болоравии нархи картошкаро дар бозорҳои Тоҷикистон ба вазъи сиёсии Афғонистон ва интихоботи президентии ин кишвар марбут донист.

Валиев имрӯз, 18-уми июл зимни нишасти матбуотӣ дар Душанбе таъкид намуд, ки нархи картошкаро дар Тоҷикистон воридоти он аз Покистон, ки тавассути қаламрави Афғонистон сурат мегирад, муътадил нигоҳ медошт. Аммо ба далели интихобот воридоти он коҳиш ёфта боиси гаронӣ шудааст.

Раиси “Тоҷикматлубот” инчунин пӯсидани картошкаи истеҳсоли дохилиро, ки Вазорати кишоварзӣ пеш овардааст, шубҳаовар хонд. Ӯ гуфт дар “Тоҷикматлубот” ҳолатҳои пӯсидани картошка сабт нашудааст ва дар назар аст, ки барои тирамоҳу зимистони дарпешистода 10 000 тонна картошка захира намоянд.

Ин дар ҳолест, ки Давлаталӣ Ҳотамов, муовини аввали вазири кишоварзии Тоҷикистон 17-уми июл, зимни як нишаст дар Душанбе омили афзоиши нархи картошкаро ба набудани яхдонҳои нигоҳдорӣ барои ин навъи маҳсулот рабт дод. Давлаталӣ Ҳотамов аз ҳисоботи Қосими Раҳбар, вазири кишоварзӣ ба президент дар бораи истеҳсоли беш аз 1 миллион тонна картошка дар кишвар ҳимоят намуда, изҳор дошт, ин омор воқеист, аммо бисёри картошкаи истеҳсолшуда ба далели набудани яхдонҳои нигоҳдорӣ пӯсидааст.

Мӯҳр

Хабарҳои монанд:

кишварз

Ана ин одам рост мегуяд. наход кариб як милион тон картошка пусад? бояд вазорати кишварзи чавоб гуяд ба ин дуругаш, ки мардумро кунда хиёл кардаанд. об аз боло лой вакте ошкоро масъули як вазорат 8 милион инсонро фиреб мекунаду аз масъулият шона холи карда факат барои онки аз пеши хабарнигорону конфронси матбуоти гурезад як гапи по дар хаво гуфта меравад пас ин мардуму давлат сохиб надорад аз боло ёд гирифтаанд ки чихел онхо низ ки фиреб мекунанд ин поёнихо хам мардумро ба як тини пучак кабул надоранд.

Ҷавоб диҳед Иқтибос Шикоят

ватандуст(патриот)

Дар хакикат дар баини мансабдорони давлати мо мухолифати истехсоли ва фурушу-таъминот мавчуд мебошад, яъне яке барои вазифа шуда дуруги махз (пусидани картошка) дуюмин интихоботи давлати хамсояро бахона мекунад. Хои бародарон дар холате, ки истехсоли бардуруг медихенд илтимос онро дар рузи пурсиш химоят карда тавонед. Талабот нархро дар бозор муайян ва истехсоли хаккони, яъне пур шудани бозор онро(нархро) паст карда метавонад.

Ҷавоб диҳед Иқтибос Шикоят

Муаллим

Бале, муҳтарам Валиев! Дар моҳи Рамазон набояд дуруғ гуфт. Дар Тоҷикистон картошка нпусида буд ба ин дараҷа. Ман ҳайрон, ҳозир Ҳотамов оиди ин дуруғаш чи хел виҷдонашро дошта меистад. Барои Тоҷикистон дар нигоҳдории картошка яхдон лозим нест. Охир вай бо барқ кор мекунад-ку! Ҳотамов! Як дуруғи дигар гуй, ки гуё дар зимистон барои яхдонҳои картошканигоҳдорӣ барқро аз Мадагаскар тариқи бандари Дубай ва биёбони Гиралтар кашонида меорем. Дигар якуним миллиард тонна картошкаи ғундоштаи вазорати хоҷагии қишлоқ намепусаду, нархи картошка 12 дирам мешавад! ХаХаХа!"

Ҷавоб диҳед Иқтибос Шикоят

Ннн

1000000 тонна ба дахан гуфтан осон, дар кучо нигах доштен ин кадар микдор картошкаро, мумкин вакти набор як нол зиед омада бошад бад вазири бечора ноилоч хонд хамун ракамро

Ҷавоб диҳед Иқтибос Шикоят

Эзоҳ илова кунед