17 июл 2014 11:05Оcиёи Марказӣ / Тоҷикистон

Маркази миллии тестӣ: Ба қаллобону порагирон бовар накунед!

Маркази миллии тестии назди раисиҷумҳури Тоҷикистон бо пахши як иттилоия аз довталабону волидонашон хостааст, ки соли равон барои дохилшавӣ ба донишгоҳҳо беҳуда пора надиҳанду “тағобозӣ” накунанд.

Ин ниҳод, ки соли равон масъулияти дохилшавии довталабонро ба уҳда дорад, ҳушдор додааст, бархе аз қаллобону фасодкорон талош мекунанд, барои дохилшавии довталабон маблағ гиранду ваъдаҳои бардурӯғ медиҳанд: “Шахсони қаллоб барои амалӣ намудани ниятҳои нопок аз номҳои бардурӯғ ва сохтакорона, ки гӯиё дар Маркази миллии тестӣ кор мекунанд ва ё бовар мекунонанд, ки бо “ин” ё “он” корманди марказ ҳамкорӣ доранд, ба обрӯ ва эътибори марказ таъсири манфӣ расонида, боварии ҷомеаро нисбати низоми нави имтиҳонҳои марказонидаи дохилшавӣ коста менамоянд. Бо тамоми масъулият ба мардум изҳор менамоем, ки имтиҳонҳои марказонидаидохилшавӣ ба таври шаффоф ва одилона ба роҳ монда шуда, имконияти дахолати беруна ва тақаллуб аз байн бардошта, ба ҳар гуна амалҳои номатлуб ва беадолатиҳо дар низоми дохилшавӣ ба мактабҳои олӣ хотима бахшида мешавад”.

Ин иттилоияи Маркази милли тестии назди президент дар пайи хабари Оҷонсии зидди фасод дар бораи боздоштти як омӯзгори Донишгоҳи давлатии тиббӣ нашр гардид. Оҷонсии мубориза бо фасоди молӣ аз боздошти ассистенти кафедраи «Физиолигияи нормалӣ», муаллимаи 56-солаи Донишгоҳи тиббии Тоҷикистон хабар дод, ки барои дохил намудани довталаб 11 ҳазор доллари амрикоӣ талаб намудааст ва гӯиё 2 ҳазор доллари он барои “Неъмат” масъули Маркази миллии тестӣ пешбинӣ шудааст.

Аз Маркази милли тестӣ ба “Озодагон” иттилоъ доданд, ки баъди пахши ин хабар бо муроҷиати Оҷонсии зидди фасди молӣ онҳо руйхати тамоми кормандонашонро пешниҳод карданд, ки чунин шаҳс бо номи Неъмат дар ниҳодашон кор намекунад.

Ин ниҳод бори дигар таъкид намуд, ки имтиҳонҳои марказонидаи дохилшавӣ соли равон ба таври шаффоф ва одилона бе дахолати беруна ва тақаллуб сурат хоҳанд гирифт.

Мӯҳр

Хабарҳои монанд:

дуруг наген!

Ҷавоб диҳед Иқтибос Шикоят

хабиб

поаргири буд хаст ва мемонад
Факат онхое ба даст меафтанд ки крайни хастанд ва ё ба касе нафоридестанд. Далел мехохен мархамат муовини декани факултети журналистикаи донишгохи миллира чанд мох пеш ба доллар капидануш баъди ду руз озод шид. хеч кас дар хеч кучо хабар надод. кани журналистои хакикатгу хакиката нависен. агар шархи мара чоп накунен дига шумода бовар надорам ва дар Интернет ира ошкоро менависам.

Ҷавоб диҳед Иқтибос Шикоят

Cафар

Мухтарам кормандони ММТ. Як хафта пеш аз огози имтихонхои компоненти 1 дар дасти баъзе аз одамон саволхо пура бо чавобхояш буд. хам аз компоненти 1 ва хам аз компоненти 2. Боз онхо худро таъриф мекарданд, ки мо тавонистем ин саволхоро дастрас намоем. Албатта, ба базаи саволхо хама кормандон дастраси надоранд. Пас ки онхоро ба баъзе аз довталабон додааст

Ҷавоб диҳед Иқтибос Шикоят

Darvesh

хабиб,
Ku notars boshi bnavis. Khudi ozodagon sukhanhoi turo dar injo nameguzorand. Chunki Ozodagon khudush ay soyai khudush bazur bazur gashtay! Ku mard boshi bnavis!!! Ozodagonham kharidagiyan!

Ҷавоб диҳед Иқтибос Шикоят

Эзоҳ илова кунед