16 июл 2014 12:51Тоҷикистон / Иқтисодӣ

Боздошти сохтмони 50 иншоот ва афзоиши изофанависӣ дар Тоҷикистон

Масъулони Кумитаи меъморӣ ва сохтмони Тоҷикистон мегӯянд, изофанависӣ ҳангоми сохтмони биноҳо дар кишвар афзоиш ёфтааст.

Абдувалӣ Комилзода, раиси ин ниҳод, рӯзи 16 июл дар нишасти матбуотӣ дар Душанбе гуфт, тайи 6 моҳи аввали соли ҷорӣ дар ҳаҷми 3 миллион сомонӣ изофанависиро ошкор намудаанд, ки дар муқоиса ба ҳамин давраи соли гузашта 500 ҳазор сомонӣ бештар будааст. Ба қавли Комилзода, дар маҷмӯъ, онҳо дар нимсолаи аввал идомаи сохтмони 50 иншоотро бо сабабҳои гуногун боздоштаанд.

“Аз ин ҳисоб 24 иншоот хулосаи мусбати экспертизаи давлатиро надоштанд, 8-то бе иҷозаи сармеъмор ва 18-тои дигар бе лоиҳаи кории тасдиқгардида корро оғоз намудаанд”,-афзуд ӯ.

Абдувалӣ Комилзода дар нишаст ба масъалаи тобоварии манзилҳои баландошёна ба заминларза низ дахл карда, гуфт, “биноҳое, ки нав сохта шудаанд, ба заминларзаи то 8-9 баллӣ тоб меоранд”. Раиси Кумитаи меъморӣ ва сохтмон ба сифати биноҳои сохташуда дар Душанбе баҳои баланд дода, гуфт, аз нигоҳи мустаҳкамӣ низ аз биноҳои замони Шӯравӣ устувортаранд ва ҳеч хатаре надоранд.

Мӯҳр

Хабарҳои монанд:

Душанбеги

Хеч боварам намеояд. ки бо арматури чуянаралаши хитои ва сементи маркаи пасттарин бинои 9 ошёна ба заминларзаи 9 бала токат кунад. Агар сахттар шамоли Файзобод хезад, ин бинохоро Хисор мебарад...

Ҷавоб диҳед Иқтибос Шикоят

cfi

Хох нохох дар сохтмон 55%-и маблаг изофанависи дорад.
Мисол:
10%-хаки фармоишгар
10%-хаки пудратчи
10%-хурокапулии мехмонони омада
10% -хаки раиси шахру нохия
15%-андозхо
Худ хулоса кунед.
Агар пудратчии ба инсоф бошад дар 45%-и бокимондаи хачми корро ичро мекунад. Ин ракам ба фикрам дар солхои наздик тагийр намеёбад.Чунки ин зиндагии якчанд табакахои мансабдор аст.

Ҷавоб диҳед Иқтибос Шикоят

сахтзани деркаш

Ин бинохо хатман бояд мусодира карда шаванд,ва рохбарони он ба 26 соли,зиндони карда шаванд.

Ҷавоб диҳед Иқтибос Шикоят

Як бандаи Худо

Вакте хамаро манаполия карданд, дигар хамаи бало мешавад. Изофанависи, нестандартизатсия, ай ру рах ай по тела

Ҷавоб диҳед Иқтибос Шикоят

дилшод

Ин як рохи пулшуии мансабдорони имрузаи точик гаштааст ки ними харчи иншооти сохташавандаро таксим менамоянду даст ба изофанависи ва истифодаи масолехи камсифат мезананд Як дустам аз кургонтеппа боре ба ман гуфт ки дар бонки милли рохбараш хочатхонае бо ном тилогин сохтааст бо харчи наздик 600000 сомони Бовари кас намеояд акнун аз ин хел горатгарони моликияти давлат чи манфиате ба ин миллату давлат вой бар холи ин миллати бесарпаноху сарсахт

Ҷавоб диҳед Иқтибос Шикоят

Косим

дилшод, Бонки миллии курган кайхо боз лонаи тудаи зогони сиех гаштааст ки бо сардории рохбари манфиатчуяш ки аз ташкилотхои байналмиллаи тачрибаи хоси дуздиро омухтааст ба ин бонк нул халонидаанд ва манфиатбардори ин хел маблагхои калони сохтмонии беназорат гаштаанд

Ҷавоб диҳед Иқтибос Шикоят

Эзоҳ илова кунед