14 июл 2014 17:54Тоҷикистон / Иқтисодӣ / Тема дня

Чин боз садҳо миллион $ ваъда кард: Раҳмон гуфт, мо меомӯзем...

Ширкати “Чунтай-Шоҳроҳи нави абрешим”, ки асосан ба сармоягузорӣ дар соҳаи кишоварзии ноҳияи Шинҷони Чин машғул аст, пешниҳод намудааст, ки ба соҳаи пахтакории Тоҷикистон то 200 миллион доллари амрикоӣ маблағгузорӣ кунад.

Ин нуқта имрӯз, 14-уми июл дар мулоқоти Эмомалӣ Раҳмон, раисиҷумҳури Тоҷикистон бо мушовири калони ин ширкати чинӣ Ли Ян Ҷе таъкид шудааст.

Тибқи иттилои дафтари матбуоти раисиҷумҳури Тоҷикистон Ли Ян Ҷе дар ҳузури Эмомалӣ Раҳмон изҳор дошт, ки онҳо тасмим доранд дар Тоҷикистон истеҳсоли пахтаро бо истифода аз технологияҳои навтарини ҷаҳон дар ҳамкорӣ бо деҳқонону мутахассисони тоҷик ба роҳ монда, барои коркарди то 15 ҳазор тонна нахи пахта дар як сол ва истеҳсоли маҳсулоти тайёр корхонаҳои гуногуни саноатӣ бунёд намоянд: “Тибқи нақша онҳо ният доранд, ки оянда бо маҳсулоти тайёр натанҳо бозори дохилии Тоҷикистонро таъмин кунанд, балки содироти онро ба хориҷи кишвар ба роҳ монанд.”

Ба иттилои манбаъ дар давраи аввал бо ҷалби беш аз 120 миллион доллари амрикоӣ сармояи мустақим зиёда аз 6 ҳазор ҷойи корӣ бунёд меёбад: “Дар оянда ҳаҷми сармоя то 200 миллион доллари амрикоӣ ва шумораи ҷойҳои корӣ то ба 15 ҳазор бояд расонда мешавад.”

Дар посух Эмомалӣ Раҳмон аз пешниҳодҳои ирокардаи чиниҳо хуш пазироӣ намуда, таъкид доштааст, ки барои қабули тасмими ниҳоӣ нақшаю барномаҳои ҳамкорӣ бояд ҳамаҷониба омӯхта шаванд.

Мӯҳр

Хабарҳои монанд:

Ватан дуст

Чй даркор амй хитойи ватан милати мора аз байн бурданиЯн мо точико хдмон ватанмона иншоаллох обод мекнем мо намехохем мисли уйгуро гулом шидан яг фикр кнен бародаро чи кор кадестен шмо

Ҷавоб диҳед Иқтибос Шикоят

Бенфика

Шарм бояд ин мардумро,ки кишварро бо 5-6 миллион ахоли дар 17 соли сулх ба чунин кишвари карзгир ва мухточ табдил додаанд.Айб аст бародарон айб!

Ҷавоб диҳед Иқтибос Шикоят

Tojik

Бехтарин хабар!

Танхо чихати мухим ё пахлуи корро кушоду равшан пешкаши мардум кардан лозим аст, ки ин хам бошад 1) фоизи 200 миллоин дар як сол чанд аст?; 2) Оё мардум барои пардохти ин фоиз омода хастанд?; 3) агар ин барои манфиати "гурухи махдуд" бошад, хангоми мафлис (банкрот) шудани нафарони ин "гурух", бори баргарднидани карз ва фоизаш бар сари мардуми одди (бучаи давлат) намефатода бошад?

Ҷавоб диҳед Иқтибос Шикоят

Пахтачин

Пешниходи хубе барои рушди сохаи кишоварзи.Чин дар самти кишоварзи хело давлати пешрафтааст. Вакти он расидааст, ки ДЕХКОНИ точикро аз хоби гарон барои хамкории судманд бо дехконони Чин, бедор кард. Чи илоч, Замини кам дорем вале...

Ҷавоб диҳед Иқтибос Шикоят

Alex

Омухта мешавад,Танхо бад розиги дода мешавад.

Ҷавоб диҳед Иқтибос Шикоят

Эзоҳ илова кунед