13 июл 2014 14:46Тоҷикистон / Сиёсат

Муждаи доктор Абдуллоҳ ба ҳаводоронаш ва даъват ба шикебоӣ

Доктор Абдуллоҳ Абдуллоҳ, номзади даври дуюми интихоботи раёсатҷумҳури Афғонистон мушкили кунунии кишварашро гузаро хонда, ҷонибдорони худро ба шикебоӣ даъват кард.

Ин номзади даври дуюми интихоботи президентии Афғонистон рӯзи 13 июл дар саҳифаи Фейсбуки худ навиштааст, “аз Шумо тақозо мекунам, оромиши худро ҳифз кунед ва ин мушкилоти кунунӣ гузаро асту бо шикебоӣ барои ба даст овардани ояндаи дурахшон таҳаммул кунед.” Ӯ ба ҳаводоронаш мужда додааст, ки талошҳои онҳо натиҷа доду бо ҳузури мутахассисони байналмилалӣ ва намояндагони ситодаш бозшуморӣ ва тафтиш мешаванд.

Ин ҳам дар ҳолест, ки расонаҳои хабарии Афғонистон ахиран хабар дода буданд, ки ду номзади даври дуюми интихоботи ин кишвар дар мулоқот бо Ҷон Кери вазири умури хориҷии Амрико дар робита ба тафтиши саддарсадии овозҳо ва ташкили як ҳукумати ваҳдати миллӣ ба созиш расидаанд. Ба иттилои манобеи хабарии ин кишвар, гӯиё номздаҳои даври дуюми интихобот ба тавофуқ расидаанд, ки баъди бозшумории оро номзади пирӯзро қабул доранду ба дунболи ташкили як давлати ваҳдати миллӣ хоҳанд шуд.

Ҷон Керри дар пасманзари буҳрони сиёсии Афғонистон ва баъди эълони натоиҷи ибтидоии даври дуюми интихобот дар доираи як сафари расмӣ вориди шаҳри Кобул гардида, бо ҳар ду номзад - доктор Абдуллоҳ Абдуллоҳ ва Ашраф Ғанӣ Аҳмадзай дидору гуфтугӯ намуд. Ӯ қабл аз ин сафараш изҳор дошта буд, даъват барои ташкили “ҳукумати мувозӣ” сабаби қатъи кӯмакҳои Вашингтон ба ин кишвар хоҳад шуд.

Даврии дуюми интихоботи раёсатҷумҳури Афғонистон рӯзи 14 июни соли ҷорӣ баргузор шуда, дар он ду номзад - доктор Абдулло Абдулло ва Ашраф Ғанӣ Аҳмадзай, ки дар даври аввал мувофиқан 43,7 ва 33,8 дарсади раъйро ба даст оварда буданд, вориди рақобат шуданд. Оқои Абдуллоҳ як рӯз баъд аз баргузории интихобот мақоми баландпояи Кумисюни интихоботи кишварашро ба тақаллубкорӣ муттаҳам кард.

Абдуллоҳ ба далели сурат гирифтани тақаллубкории густурда ва бетаваҷҷуҳии мақомоти зиррабти кишвараш нисбат ба шикоятҳои ситоди интихоботии ӯ ҳамкории гуруҳаш бо кумисюнҳои интихоботии кишварашро қатъ карда буд. Ӯ аз намояндагони худ дар Кумисюни марказӣ ва вилоятии интихоботии Афғонистон давъат карда буд, ҳамкорӣ бо ин ниҳодро қатъ кунанду ба ситодҳояшон баргарданд. Ба гуфтаи Абдуллоҳ, то ба дархости онҳо ҷавоби мусбат дода нашавад, ҳамкории худро идома нахоҳанд дод.

Мӯҳр

Хабарҳои монанд:

Хамсадо

Мн омадаям баъди гандмдарави,
То рафъ кунм ОЗОД губори куфтаги.
Хосили хубе гирифт Авом аз ранчш,
Хушхолм, ки мемона имсол дар ВАТНШ.

Чон Керри бо сериали нави " Том и Черри" мардуми Афгонистонро даъват ба вахдати милли кард. Хукумати Чон нагз медонад, ки мардуми мусулмон дар хамаи амалхояшон нисбати бародари худ такаллубкор хаст. Аз руи ин мантик хардуи номзадхоро ором кард. Баъди хисобу тафтиши раъихо маълум мегардад, ки 8 млн одам ширкат варзидаги нест. Инчунин, боз маълум мегардад, ки хар як толиб бо истифода аз 10 ангушташ аз номи 10 толибе, ки дар кайди хаёт нест, раъи додааст. Хулосаи гап хамин ки ЧОНИ комилан бовари дорад, ки ягонтаи номзадхо 50% зиёд раъиро сохиб шудаги нестанд.Бо хамин рох хардуи номзадро БИТА мекунад ва Огои КАРЗАИРО барои Хукумати мусолихаи милли ташкил кардан, боз чанс метиханд ва ПУСТИ Карзаи ва Ахмадзаиро назди мардуми Афгонистон мехаранд.

Ҷавоб диҳед Иқтибос Шикоят

чехраи зебо

ин абдуллохи абдуллох чехраи зебо доштааст. амрико хеч гох намегузорад ки точик дар афгонистон президент шавад.

Ҷавоб диҳед Иқтибос Шикоят

Паричехра

Худои Мехрбон ба Абдуллох Абдуллох кумак кун.

Ҷавоб диҳед Иқтибос Шикоят

Эзоҳ илова кунед