Муфтӣ гуфт, ҷаннат арзон нест ва бо гап ба даст намеояд
Ӯ рӯзи 11 июл дар намози ҷумъа гуфт, “мутаассифона, бо фарорасии моҳи шарифи Рамазон хариду фурӯши дискҳо афзоиш ёфта, бархеҳо аз субҳ то шом ба хотири гузарондани вақт кинову филмҳои силсилавӣ тамошо мекунанд, ки дар аксарияти онҳо на тарбияи руҳию на маънавӣ дида намешавад. Ҳатто бемаънигию расвогӣ низ дохили онҳо ҳаст.”
Раиси Шӯрои Маркази исломии Тоҷикистон таъкид дошт, ин гуна рӯза рӯза нахоҳад буду инсони рӯзадор бояд вақти худро дар ин моҳ ғанимат дониста, ҳамеша бо ёди Парвардигор бошад ва ба қавли ӯ, танҳо рӯзае, ки дар он сухану кирдор ва рафтори бад дида намешавад, инсонро мисли тифлаки навзод аз гуноҳ пок мекунад. “Ҷаннат арзон нест, он бо суханҳои беҳудаву хушку холӣ ба даст намеояд. Ҷаннат гарон аст, чун ҷои қиммату макони роҳат аст. Барои ба даст овардани ҷаннат инсон бояд хеле заҳмату саъю талош кунад. Тавре медонем, модели охирони мошини “Мерседес” ба осонию арзонӣ ба даст намеояд. Маблағи зиёд бояд ҷамъ кунӣ, ки ин модели охиронро соҳиб шавӣ. Бо 5 ё 6 ҳазор чунин мошин, ки дар дохилаш роҳат мекунӣ, соҳиб шуда намешавад”,-таъкид дошт ӯ.
Моҳи шарифи Рамазон аз моҳҳои солшумории ҳиҷрии қамарӣ ба ҳисоб рафта, дар тақвими исломӣ баъд аз моҳи шаъбон ва қабл аз моҳи шаввол меояд. Мусулмонон дар ин моҳ рӯза гирифта, бештар ба ибодат ва қироати Қуръон машғул мешаванд. Бар асоси қарори Шӯрои уламои Маркази исломии Тоҷикистон имсол моҳи шарифи Рамазон дар Тоҷикистон субҳи 28 июн оғоз ва то 28 июл идома хоҳад ёфт. Тибқи тақвими ин ниҳод, мусулмонони Тоҷикистон дар шабонарӯз наздик ба 17 соат аз хӯрдану ошомидан худдорӣ мекунанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
