10 июл 2014 12:27Тоҷикистон / Сиёсат

Гуфтугӯи Владимир Путин бо Саймуъмин Ятимов дар Маскав ва...

Владимир Путин, раиси ҷумҳури Русия, рӯзи 10 июл дар Маскав бо Саймуъмин Ятимов -- раиси Кумитаи давлатии амнияти миллии Тоҷикистон ва сарони дигари ниҳодҳои амниятӣ ва хадамоти ҷосусии Иттиҳоди Давлатҳои Мустақил (СНГ) мулоқот мекунад.

Ин мулоқот дар ҳошияи ҷаласаи 13-уми сарони ниҳодҳои амниятии ИДМ сурат гирифта ба иттилои дафтари матбуоти раиси ҷумҳури Русия интизор меравад, Путин масоили мубрами амнияти минтақаро дар миён гузорад. Мавзӯи меҳварии мулоқот таҳдидҳо ба қаламрави ИДМ ва ҳар як кишвари созмон дар алоҳидагӣ арзёбӣ мешавад.

Ин мулоқот дар ҳолест, ки ахиран Ятимов ба масъалаи амнияти Тоҷикистон дахл карда, изҳор дошт, вақтҳои охир кишвари мо майдони бозиҳои бузурги геополитикию идеологӣ шудааст. Ӯ, ки рӯзи 19 июн дар конфронси "Муқовимат ба таҳдидҳо ва хатарҳои муосир дар минтақаи Осиёи Марказӣ" суҳбат мекард, афзуд, “баъзеҳо гоҳҳо, таъкид мекунам, гоҳҳо зери пӯшиши ташкилоти ғайридавлатӣ аз усулҳое истифода мекунанд, ки ба амнияти кишвари мо зарба мезананд.” Генерал Ятимов илова кард, “эҳтироми зиёдеро ба ҷомеаи шаҳрвандӣ ва мафҳумҳои демократӣ қоилем, аммо амнияти давлат воло аст.”

Дар қатори генерал-лейтенант Саймуъмин Ятимов, инчунин, раҳбари Хадамоти федералии амнияти Русия (ФСБ) -- Александр Бортников, котиби Шӯрои амнияти Русия -- Николай Патрушев, вазири умури хориҷии Русия -- Сергей Лавров, вазири амнияти миллии Озарбойҷон -- Элдар Маҳмудов, раҳбари хадамоти амнияти миллии Озарбойҷон -- Акопян Горик, сардори КГБ-и Белорус -- Вакулчик Валерий, раҳбари Кумитаи амнияти миллии Қазоқистон -- Нақисбеков Адамгалӣ, раҳбари Кумитаи давлатии амнияти Қирғизистон -- Табалдиев Бусурманқул, раҳбари Хадамоти иттилоот ва амнияти Молдова -- Балан Михаил ва ноиби раҳбари Хадамоти амнияти миллии Узбакистон -- Мухтор Ниёзов дар мулоқоти Путин иштирок мекунанд.

Мӯҳр

Хабарҳои монанд:

точик бача

Мунтазир бар онем, ки ин мулокоти В.Путин бо Саймуъмин Ятимов ва амниятиҳои дигари ИДМ боиси пурзур гардидани муковимати амнияти кишвархои ИДМ бар зидди гуруххои чиноятпеша ва дигар ташкилотхои террористи мегардад. Бояд нагузорем, ки Точикистон хамчун майдони бозихои геопалитики бошад.

Ҷавоб диҳед Иқтибос Шикоят

бале

бале амнияти давлат воло аст. саддарсад.

Ҷавоб диҳед Иқтибос Шикоят

Амният

Иштибох нашудаас: ному насаби рохбари сохтори амнияти Озарбойчон армани?

Ҷавоб диҳед Иқтибос Шикоят

kulobi

Siyosatboziro boyad az uzbakiston omuxt,

Ҷавоб диҳед Иқтибос Шикоят

Аҳмад

Путин танҳо монд, акнун лозим шудем??? Садҳо ҳазор тоҷиконро пеш карда истода ба укроинҳо дарҳояшро боз карда истодааст! Садҳо тоҷикистониро мурдаашонро мефиристанд. акнун тоҷикон даркор шуданд? Русия он рафтореро ки ба Тоҷикистон солҳои ҷанг карда буд, ба Украина ҳоло карда истодааст! Фаромӯш накунед, ки душмани якуми Тоҷикистон Русия аст ва Русия моро ғулом истифода бурдани!

Ҷавоб диҳед Иқтибос Шикоят

Месихучабек

Иштихоб аст,ному насаби армани бо хамтои озарияш иваз шудааст. Ин шояд бозихои сиёси-мазхакавии Кремл бошад бо максади наздик овардани ин ду кишвари аз барои Карабог ба хам зид ба тарики "иштихоб"-и чунин мазхака!

Ҷавоб диҳед Иқтибос Шикоят

бечора

хайрият росия ба мо назар мекунад, агарне мо бе росия чи кор мекардем, ба европа моро рох надиханд, амрико аз чуркахо безор аст, кишвари мо нафту гоз надорад ки ин сиехпустон ба мо табассум бикунанд, зинда бод росия ки токати моро дорад токати якдигаркушии моро дар кишвараш дорад, хамсоягонамон низ моро хуш надоранд,

ИН КАДАР ТУ ЗИРАК ВА ДОНОИ ОКОИ ПУТИН. ХУДОВАНД ТУРО НАЗАР КАРДААСТ.

Ҷавоб диҳед Иқтибос Шикоят

Эзоҳ илова кунед