09 июл 2014 16:09Тоҷикистон / Иҷтимоӣ

Падари сарбози ғӯрамарг: “...то даруни гӯр аз баданаш хун мерафт”

Акрам Холиқов, як сокини Каҷровути ноҳияи Ғончии вилояти Суғд, аз хомӯшии масъулони Вазорати дифои Тоҷикистон дар робита ба марги писараш - Ҷӯрабой Ҳомидов, ки дар яке аз қисмҳои низомии ин ниҳод адои хидмати ҳарбӣ мекард, ибрози нигаронӣ дорад. Холиқов рӯзи 9 июл дар суҳбат бо “Озодагон” гуфт, аз мақомот танҳо талаб дорад, сабаби аслии марги писари 23-солаашро равшан кунанду бас.

“Ман ягон даъво надорам, ҳамчун падаре, ки писари оиладор ва соҳиби фарзанди худро ихтиёран ба хидмати ҳарбӣ ё аниқтараш барои адои хидмати Ватан - модар равон кардааст, мехоҳам огоҳ шаваму қалбам ором гирад”,-афзуд ӯ.

Ба гуфтаи Холиқов, писари ӯ – Ҷӯрабой 23 сол дошта, оиладор ва соҳиби як фарзанди хурдсол – духтарча будааст. Ӯ ноябри соли гузашта бо хоҳиши худ ба саффи Қувваҳои мусаллаҳи Тоҷикистон шомил шуда, дар қисми низомии 07033–и нерӯҳои ҳавоии Вазорати дифои кишвар, воқеъ дар фурудгоҳи низомии “Айнӣ” адои хидмат менамуд.

Ҷасади Ҷӯрабой Ҳомидовро рӯзи 7 июли соли ҷорӣ, дақиқтараш, танҳо бо гузашти 24 соат аз гуфтугӯи телефонӣ бо модараш, ду сарбоз ва як афсари нерӯҳои ҳавоии Тоҷикистон ба деҳаи Каҷровут оварда, ба волидайнаш медиҳанд.

Падари Ҷӯрабой мегӯяд, ин хомӯшии масъулони Вазорати дифоъ дар ҳолест, ки ҷасади писари ӯ аз ташхиси тиббӣ-судӣ гузаронида шудааст: “Шиками Ҷӯрабой бурида шуда буд, ки гӯиё ҳангоми гузаронидани ташхиси тиббӣ шудааст. Аммо дар пушти сараш нишонаи зарбаи сахт дида мешуд, ки ҳатто то даруни гӯр аз баданаш хун мерафт.”

Дар акс: Ҷӯрабойи ғӯрамарг дар байн

Мӯҳр

Хабарҳои монанд:

афсус

баъзехо дар армия хизмат накарда рутбаи генералиро гирифтаанд. баъзехо бо хохиши худ хизмати ватан гуфта марг гирифтанд.

Ҷавоб диҳед Иқтибос Шикоят

Бойтуман Турсунбоев

Охираташ обод бод! Барои наздиконаш сабри чамил мехохам.

Ҷавоб диҳед Иқтибос Шикоят

Мехостем дар ин бора маълумоти мухтасар гирем.

Ҷавоб диҳед Иқтибос Шикоят

Сафар

То кай писарони моро бурда аз он су мурдахояшонро меоварда бошанд,хама медонем,ки чи гуна азобу шиканча дар сафи артиш вучуд дорад.

Ҷавоб диҳед Иқтибос Шикоят

Юсуф

Боз инҳо мехоҳанд, ки дар ин артиши гурусна ва бесарусомон касе хизмати аскарӣ бикунад.
Ба падари Ҷӯрабой: рафта худатон натиҷаҳои ташхиси тиббиро (экспертиза) гиред ё ба суд муроҷиат кунед.

Ҷавоб диҳед Иқтибос Шикоят

Sharaf

И чи бедодгари як бачай камбагала мезанан маиб мекунан дигариша мекшан МАРГИ хами кумадону афсарони Армияи Точик

Ҷавоб диҳед Иқтибос Шикоят

Ахмад

бояд хотима гузошт ба ин вахшоният!!!

Ҷавоб диҳед Иқтибос Шикоят

Хамсояааш

Озодагон! Хохишмандам, ин казияро то охир пайгири кун. Хаа, ин чо 1 хатое шудааст: фарзанди ин чавони гурамарг писар аст, на ин ки духтар. Исмаш Чонибек, хануз 1 сола нашудааст. Аммо Барои чи ин кудак ятим монд? Марги Чурабой тасодуфи нест! Бояд ин масъала тахкик шавад! Барои чи шикаму сари у буридаву аз нав духта шудааст? Нишонаи зарби сахт дар сари Чурабой аз кучост? Ба хукумати н.Гончи: Акнун аз дехахои ин минтака ба хусус Качровут аскар гирифтанат хеле мушкил мешавад!!!

Ҷавоб диҳед Иқтибос Шикоят

Абди

Озодагон! Даххо маротиба шарх менависам чаро чооп на-ме-ку-нии???

Ҷавоб диҳед Иқтибос Шикоят

Фаррух

Фикр мекунам, ки дар Хукумати мо инсон к,адр надорад. Чунки х,амин нафароне, ки ба сафи артиш даъват мешаванд барои мухофизати давлати худ омода мешаванд. Ман аз тамоми Хукуматдорон даъват мекунам бедор шавед. Ана хамин сарбозоне ки дар артиш кушта мешаванду нисбати онхо бепарвоен Хаминхо хастанд ки Шуморо мухофизат мекунан, давлатро мухофизат мекунанд. Агар як нафар ба артиш наравад ватанро ки х,ифз мекунад???????????????????????????

Ҷавоб диҳед Иқтибос Шикоят

сссссссссссссссс

макомоти корхои дохили барои исботи он ки доимо хакикатро руи об мебаррад бояд махз дар хамин холатхо фаъолияти назаррас дошта бошанд, то ки дили мардум аз кору фаъолияти онхо руз то руз сард нашавад.

Ҷавоб диҳед Иқтибос Шикоят

Rustam

Аз "скинхедхо" дар Русия шикоят мекунему аз худ скнихедхои худ бехабарем. Ба артиши милли чи шудааст, ки дар авзои сулху суботи ватан сарбозон дар кисмхои низоми мефавтанд ??. Ин аллакай 3-юм ва 4-ум ходиса мебошад, як сарбози дигари бечора, Шахбол, то хол дар кати бемористони Хучанд мавриди табобат карор дорад. Марги навбатии сарбоз муаммохои зиеде дорад, ки аз болои он муфаттишон бояд кор бурд ва хакикатро ба волидайни сарбози мархум бояд расонд.

Ҷавоб диҳед Иқтибос Шикоят

Сайёра

Падари мухтарам хонаи охирати писаратон обод бошад, вале навистаед, ки ман даъво надорам. барои чи ин ноадолатиро нодида мегиред даъво кунед бояд хак ба хакдор расад.

Ҷавоб диҳед Иқтибос Шикоят

Ben

ин на танхо пушти сараш тамоми баданш лат хурдаги буд бечора худаш сагира буд якто писарашро хам сагира кардан инхел мекунан бад хеч кас ба хидмат намерад Одами куштаги мебенад охи сагира ба Худованд наздиктар

Ҷавоб диҳед Иқтибос Шикоят

Эзоҳ илова кунед