09 июл 2014 09:42Тоҷикистон / Иқтисодӣ

Раиси Кумитаи андоз: “Агар Созидание пул насупорад, маҷбурӣ меситонем”

Масъулони Кумитаи андоз бо дастури Давлаталӣ Саидзода -- муовини аввали нахуствазири Тоҷикистон асоснокии санҷиш ва ҷаримабандии ширкати “Созидание”, соҳиби Hyatt Regency-ро, тафтиш карда, посух додааст, ки тамоми меъёрҳои қонун риоя шудаанд.

Дар посухи Кумитаи андоз, ки зери имзои раиси ин ниҳод Нусратулло Давлатзода нашр шудааст, таъкид гардидааст, санҷиши ширкати “Созидание” бар асоси қонунгузории Тоҷикистон сурат гирифтааст: “Фаъолияти “Созидание” аз 1 январи соли 2009 то 1 декабри соли 2013 аз санҷиш гузаронда шуд, ки дар натиҷа пинҳонкунии андозҳо бо назардошти ҷарима ва фоизҳо дар ҳаҷми 322 миллиону 352 ҳазору 898 сомонӣ ошкор гардид.”

Кумитаи андоз мегӯяд, “Созидание” дар бораи муассисаш низ маълумоти нодуруст пешниҳод кардааст: “Дар гузориши ширкат ба Кумитаи андоз, ки соли 2013 ироа шудааст, муассиси ягонаи ҶДММ “Созидание” ширкати WTT Hotels one Limited-и Кипр нишон дода шудааст. Зимни санҷиш муайян шуд, WTT Hotels one Limited ҳиссаи худро соли 2008 ба ивази 100 миллион доллар ба ширкати “SUNLINK LIMITED-и Кипр фурӯхтааст, аммо аз ин амалиёт, андоз аз даромад ҳисоб ва пардохт накардааст.”

Нусратулло Давлатзода мегӯяд, даъвои ширкати “Созидание”-ро дар мавриди беасос будани иддаои мақомоти андоз ахиран додгоҳи иқтисодии Душанбе низ рад кард. Ӯ ҳушдор додааст, тамоми маблағҳои дар рафти санҷиш ошкоркардашударо бояд “Созидание” ба буҷет пардохт кунад: “Дар акси ҳол, мақомоти андоз тибқи қонунгузорӣ ҷиҳати маҷбуран ситонидани маблағҳои ҳисобшуда тамоми чораҳоро меандешад.”

Ин дар ҳолест, ки бархе аз соҳибназарон санҷиши ширкати “Созидание”, ки соҳиби меҳмонхонаи Hyatt Regency ва маркази соҳибкории “Созидание” дар Душанбе мебошад, супоришӣ унвон мекунанд. “Созидение” ба Олег Дерипаска, миллиардери рус ва соҳиби ширкати “Русал” марбут дониста мешавад, ки ахиран алайҳи корхонаи алюминиюми тоҷик ТАЛКО иқдом намуда, садҳо миллион доллар талаб дорад. Санҷишу ҷаримабандии “Созидание” як навъ посух ба иқдоми ширкати Дерипаска алайҳи ТАЛКО арзёбӣ мешавад.

Аммо Кумитаи андози Тоҷикистон мегӯяд, расман ширкати “Созидание” ба Русия ягон иртибот надорад: “Мутобиқи маълумоти расмӣ муассиси ягонаи “Созидание” ширкати “SUNLINK LIMITED”-и ҷумҳурии Кипр, мебошад, ки ба Русия алоқамандии ҳуқуқӣ надорад.”

Мӯҳр

Хабарҳои монанд:

Fors

я Созидание нееЯ хаамаи точикистона мачбури чи кадаре форату ситонидесте Худо бгирату бо и короту, Худо таЪфикту бта ки дига налога бландыш накыне, ки ируз пага то пеши ситорохора мерасоне ставкаи андоза.

Ҷавоб диҳед Иқтибос Шикоят

мухочир

Бо хамин гуна муносибат бо андозсупорандагон, дигар инвесторхо ба Точикистон аз маблагузори хазар мекунанд.Чи хел корхона хиссаи худро ба дигар корхона фурухтааст андози даромад хисоб кунад,ки ин куллан нодуруст аст.Агар WTT Hotels one Limited ҳиссаи худро ба Точикистон маблаггузори намекард чи мешуд хеч чиз на андозхои супоридагиаш мешуду на дигар.барои хамин аз шумо огои Давлатов хохиш мекунем,ки инвесторхоро нагурезонед.Онхо мераван маблаггузориашонро дар дигар давлат мекунанд.Ин нагз не ин зарари Точикистон............

Ҷавоб диҳед Иқтибос Шикоят

Эзоҳ илова кунед