09 июл 2014 08:46Оcиёи Марказӣ / Тоҷикистон

Тоҷикистон 5 ҳазору 731 мансабдори давлатӣ дорад

Агентии хизмати давлатии назди президенти Тоҷикистон мегӯяд, маоши миёнаи хизматчиёни давлатӣ айни ҳол 904 сомониро ташкил дода, нисбати соли гузашта 81 сомонӣ зиёд шудааст.

Қосимзода Гурез Ҷурахон, муовини якуми раиси агентӣ зимни нишасти хабарӣ дар Душанбе гуфт, маоши баланди хизматчиёни давлатӣ аз собиқаи кории онҳо вобастагӣ дорад.

Тибқи иттилои Қосимзода Гурез Ҷурахон дар Тоҷикистон 18728 хизматчии давлатӣ фаъолият доранд, ки аз ин 4393 нафар ё 23,4%-ро занон ташкил медиҳанд.

Номбурда мегӯяд, миёни хизматчиёни давлатӣ 7832 нафар ё 41,8% ҷавонони то синни 35 сола фаъолият мекунанд. Ба қавли Қосимзода Гурез Ҷурахон, аз ҳисоби хизматчиёни давлатӣ 5731 нафар дар мансабҳои роҳбарикунанда фаъолият мекунанд, ки аз онҳо 1114 тан ё 19,4% занон ва 1235 ва ё 21,5% ҷавонон мебошанд.

Муовини якуми раиси Агентии хизмати давлатӣ иброз намуд, ки дар 6 моҳаи соли равон 66 хизматчии давлатиро бо сабаби ба синни ниҳоӣ расиданашон аз вазифа озод кардаанд. Ба гуфтаи ӯ муҳлати дар хизмати давлатӣ будани 37 нафари дигар, ки ба синни ниҳоӣ расидаанд, тибқи қонунгузории кишвар, тамдид карда шудааст.

Қосимзода Гурез Ҷурахон хотиррасон кард, ки синни нафақа барои мардон 63 ва барои занон 58 сол муайян шудааст.

Мӯҳр

Хабарҳои монанд:

Мухриддин

Авом ба гандмдрави биё мега. Чи илоч, рафтан лозим. Кухистонаи, боду хавош тозаи. Бо суруди акаи ЗАФАР "МАН ОН УКОБИ КУХИ... озодона гандума дарав менм. Лекин - ОЗОДАГОН- пазмонат мешам.

Ҷавоб диҳед Иқтибос Шикоят

Ришки

Чаро бо шахсони синни нихои расида барои аз кор рафтанашои хунукназарона рафтор карданд. Хатто рахмат хам нагуфта аз дарвозаи Вазорат бароварда пеш карданд. Собикаи кориашон зиёда аз 40-45 сол бошадхам ба инобат нагирифтанд.

Ҷавоб диҳед Иқтибос Шикоят

Эзоҳ илова кунед