08 июл 2014 09:23Тоҷикистон / Сиёсат

Ҳасан Рӯҳонӣ, раиси ҷумҳури Эрон, моҳи сентябр ба Тоҷикистон меояд

Ҳасан Рӯҳонӣ, раиси ҷумҳури Эрон, қарор аст, моҳи сентябри соли ҷорӣ барои иштирок дар ҳамоиши сарони кишварҳои узви Созмони Ҳамкориҳои Шонгҳой (ШОС) ба Тоҷикистон биёяд. Расонаҳои эронӣ менависанд, оқои Рӯҳонӣ дар ҷараёни ин сафараш бо Эмомалӣ Раҳмон, раиси ҷумҳури Тоҷикистон, мулоқоти хос анҷом дода, чанд санади нави ҳамкорӣ низ ба имзо хоҳад расонд.

Ҳамоиши навбатии сарони Созмони Ҳамкориҳои Шонгҳой рӯзҳои 12 ва 13 сентябри соли ҷорӣ дар Душанбе баргузор мешавад. Ин созмон 13 соли пеш таъсис шуда, Русия, Чин, Қазоқистон, Қирғизистон, Тоҷикистон ва Узбакистон узвияти онро доранд. Афғонистону Ҳиндустон ва Эрону Покистон кишварҳои нозир дар Созмони Ҳамкориҳои Шонгҳой мебошанд.

Ҳасан Рӯҳонӣ тобистони соли гузашта ба курсии раёсати ҷумҳури Эрон нишаст ва дар ин мақом Маҳмуди Аҳмадинажодро иваз кард. Дар пайи пирӯзияш дар интихоботи Эрон мақомоти кившар гуфта буданд, Рӯҳонӣ ба Душанбе омада, дар маросими ба истифода додани чархаи дувуми нерӯгоҳи “Сангтӯда-2”, яке аз тарҳҳои муҳими иқтисодии Эрон дар Тоҷикистон иштирок хоҳад кард. Вале ин сафар анҷом нашуда, баръакс, мавзӯи қарздории ширкати Барқи Тоҷик аз нерӯгоҳи “Сангтӯда-2” расонаӣ гардид.

Чархаи дуюми “Сангтӯда-2” қарор буд дар ибтидои соли 2013 ба кор дарояд. Вале ба далели пурра омода набудани ин агрегат он ба таъхир гузошта шуд. Соҳибназарон мегӯянд, сабаби ба таъхир афтодани баҳрабардорӣ аз агрегати 2-и “Сангтӯда-2” метавонад, қарзҳои пардохтнашудаи ширкати “Барқи Тоҷик” аз ин нерӯгоҳ бошад.

Инчунин, бояд қайд намуд, ки баъд аз ба анҷом расидани ваколати дипломатии Алиасғари Шеърдӯст, сафири Эрон дар Тоҷикистон, ҳанӯз ҳам аз сӯи Теҳрон ба ин мақом касе таъин карда нашудааст.

Мӯҳр

Хабарҳои монанд:

Сарвиддин

Таъин нагаштани сафири нав дар Точикистон ин бохти сиёсии точик ва галабаи душманони молу холи точик бешак пантуркистони бадбуй аст.Хар чи тезтар якдилии мардуми форситаборро бояд ба вучуд оварем.

Ҷавоб диҳед Иқтибос Шикоят

акл

бо точикпарасти кишвар пеш намеравад. бояд ватандуст бошед инсонро на бо мазхабу хамзабони, балки бо тинати поки инсони бахо дод. хама офаридаи Худои яккаву ягона хастем. фарханги миллати худро дуст дор, вале фарханги миллати дигарро эхтиром бояд кард.

Ҷавоб диҳед Иқтибос Шикоят

Максуд

Давлати сохибистиклол ва Дунявии Точикистон бояд бо режими теократии Эрон аз эхтиёт кор гирад. Тахти пардаи гояхои як таърих, як фарханг ва як халкият, охундохи Эрон гояхои хатарнок ва ба Точикистон бегонаи, шияи-дувоздахимомиро, содир карданианд. Аз сиёсатхои ,,рухбои минтака,, ки дар зерашон Эрони теократи пиндошта мешавад, айён аст, ки дар кадом сиёсатхои хатарнок ва марговар дар минтака, Эрон дахил аст. Аз Лубнону Сурия огоз карда то Ироку, Яману Афгонистон, Эрон сар ба пой дахил.

Ҷавоб диҳед Иқтибос Шикоят

Баъзехора кина ором намемона.
Зинда бод. Точикон ва Ирониён
Мо бародар хастем

Ҷавоб диҳед Иқтибос Шикоят

Эзоҳ илова кунед