08 июл 2014 08:56Тоҷикистон / Иҷтимоӣ

Оғози пардохти ҷарима барои “наҷосат”-и Ленин дар ҳаққи зиёиён

Нашрияи русзабони “Азия-Плюс” ва муҳаррири он -- Олга Тутубалина ба пардохти 30 ҳазор сомонӣ ҷуброни зарари маънавӣ ба як гуруҳи зиёиён оғоз кардаанд. Шуҳрат Қудратов, яке аз вакилони мудофеи Олга Тутубалина, дар сӯҳбат ба “Озодагон” гуфт, Додгоҳи ноҳияи Фирдавсии пойтахт “Азия-Плюс” ва нафари таҳти ҳимояти ӯро муваззаф кардааст, то ҳар кадом, ба зиёиёни “ҷабрдида” 15 ҳазор сомонӣ диҳанд.

“Ба нашрия се моҳ муҳлат доданд, ки 15 ҳазор сомониро пардохт намояд. 4 июл ҳафтанома 5 ҳазор сомонии ҷаримаро пардохт намуд”,-афзуд ӯ. Ба қавли ин вакили мудофеъ, Тутубалина ба ҳайси шахси инфиродӣ барои пардохт кардани ҷаримааш фурсати бештаре доштааст.

Додгоҳи ноҳияи Фирдавсӣ рӯзи 25 феврали соли ҷорӣ баҳси як гуруҳ аз зиёиёни тоҷик бо Олга Тутубалина, муаллифи матлаби баҳсбарангези “Неинтеллигентно об интеллигенции”-ро ба поён бурда, қарор кард, ки ин матлаб як навъ таҳқир дар ҳаққи зиёиён мебошад ва ӯву нашрия бояд 30 ҳазор сомонӣ ҷуброни зарари маънавӣ пардохт кунанд. Баъдан, 30 апрели соли ҷорӣ, Додгоҳи шаҳри Душанбе ҳукми Додгоҳи Фирдавсии пойтахт дар бораи ҷаримаи “Азия-Плюс” ва муҳаррири онро бидуни тағйир боқӣ гузошт.

Олга Тутубалина дар матлаби баҳсбарангези “Неинтеллигентно об интеллигенции” (Нозиёиёна дар бораи зиёиён) бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид карда, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд. Дар пайи ин, як гуруҳ аз зиёиёни кишвар, ки роҳбарияти Иттиҳодияи нависандагону Академияи улуми Тоҷикистон низ шомили он буданд, ба додгоҳ муроҷиат карда, ҷуброни зарари маънавӣ хостанд.

Мӯҳр

Хабарҳои монанд:

Чугашвили

То замоне, ки Ленин дар Мавзолей истирохат мекунад, зарарашро ба мардуми равшанфикр расонидан мегирад.Хатто ПУТИН то имруз аз у умед дорад.Чунки дар хурдиаш ба у гуфта буданд "ЛЕНИН- хамеша зиндааст" Барои хамин дилаш намешавад, ки уро ба хок супоранд.

Ҷавоб диҳед Иқтибос Шикоят

Снайдер

Чаро ин мардум аз ин сухани дохи ор доранд.Факат як гап мегуям ин олимчахо барои 50 соли охир расонаи ва мазхака хоханд шуд.Чаро онхо инро фикр накарданд,ки ин мазхакаи говсуд аст на чизи дигар?

Ҷавоб диҳед Иқтибос Шикоят

Саидчон

Ассалому аллайкум хонандагони сайти озодагон! Ман як хабарро ба иттилои хамаи шумо мерасонам,ки; агар вакили мудофеъ хамин огои Шухрат Кудратов бошанд барои чаримаи 30000сомон садака бояд бидихи. Маро ачаб ояд,ки Кудратов касеро пуштибони карда тавонад. Ё он кас одами "худи" хастанд ё.. намедонам?!

Ҷавоб диҳед Иқтибос Шикоят

Юсуф

Ин руси густох барои таҳқири халқи тоҷик бояд аз Тоҷикистон депорт мешуд, наинки фақат 30 ҳазор сомонӣ ҷарима. Агарчи тоҷикон ва Тоҷикистон ба ӯ ва ӯ баринҳо маъқул нест, вале, онҳо боз ҳам намехоҳанд ба ватани аждодонашон кӯч банданд. Магас барин ба мо мечаспанд. Обу ҳаво, меваҳои Тоҷикистонро хуш доранду аз халқи тоҷик нафрат. Бо нафрат зиндагӣ мекунанд, бо умеде, ки рӯзе салтанати рус дубора эҳё мегардад.

Ҷавоб диҳед Иқтибос Шикоят

Эзоҳ илова кунед