03 июл 2014 09:45Тоҷикистон / Дин ва зиндагӣ / Иҷтимоӣ

Интиқоду ҳушдори Абдулқодирзода аз қасамхӯрию хасисии тоҷирон

Сайидмукаррам Абдулқодирзода, раиси Шӯрои уламои Маркази исломии Тоҷикистон аз тоҷирону соҳибкорони тоҷик даъват намуд, ки дар моҳи шарифи Рамазон аз боло бурдани нархи маҳсуот худдорӣ намоянду то ҳадди имкон хайрхоҳ бошанд.

Абдулқодирзода, ки шоми 2 ба 3-юми июл тариқи шабакаи аввали телевизиони Тоҷикистон баромад мекард, аз қасамхӯрии барзиёди тоҷирон низ дар бозорҳо интиқод намуд: “Тоҷирон зимни фурӯши маҳсулоташон дар бозор набояд ба хотири фоида бо номи Худо қасам ёд кунанд.”

Ба гуфтаи раиси Шӯрои уламо аз нигоҳи шариати Ислом қасами зиёд хуб набуда, баръакс ба инсон зарар меорад. Абдулқодирзода таъкид кард, ки ҳатто сухани рост ҳам бошад, зиёд қасам хурдан лозим нест: “Ҳоло зиёданд ҳолатҳое, ки дар бозор тоҷир қасам мехуранд, ки валлоҳӣ бо ҳамин нарх гирифтаам. Қасамхурӣ шарт нест. Беҳтараш аз рӯи инсоф кор кунанд, ки ин ҳам ба фоида худашон ва ҳам ба фоидаи дигарон аст”.

Раиси Шурои уламо аз пайомади хассисии тоҷирон ҳушдор дод ва қазияи як тоҷири тоҷикро мисол овард, ки ҳамагӣ рӯзе пеш аз сӯхтори бозор барои чанд сомонӣ шуда, молашро нафурӯхтааст ва рӯзи дигар тамоми молаш ба коми оташ рафтааст.

Ин даъвати Абдулқодирзода ба хайрхоҳии тоҷирон дар ҳолест, ки нархи бархе аз маҳсулоти ниёзи аввал дар моҳи шарифи Рамазон дар Тоҷикистон боло рафтаанд. Мақомоти тоҷик ин болоравии нархҳоро сунъӣ хонда, дастур доданд, ки ҷилави нархҳо ва соҳибкорони қиматфурӯш гирифта шавад.

Мӯҳр

Хабарҳои монанд:

точик

инсоф чи бошад медонен шумо

Ҷавоб диҳед Иқтибос Шикоят

257

Хамааш хочиву чамъахон агар гапи шумора нагиранд пас войи мусалмони ку?

Ҷавоб диҳед Иқтибос Шикоят

Бобур. аз Самаркан

Точикони Точикистон дар хар кадам бо номи худо касам мехуранд.Моен дар Россия хамрояшон кор мекунем ва онхо дуруг мегуянду бо номи худо касам мехуранд.

Ҷавоб диҳед Иқтибос Шикоят

сино

Бовар кунед ба чои шумо Хочи Мирзо ё эшони Нуриддинчонро ё дигар нафарро мемонданду он нафар мустакил мебуд яъне таърифу тавсифи призидентро дар масчид хотима дода факат мардумро ба худотарси даъват мекард хамаи чомеъа тагъир меёфт.Ин шумоед ки суханатон дар мардуми кишвар асар надорад.

Ҷавоб диҳед Иқтибос Шикоят

777

пеш аз як каса кору амал дарс додан худат БАС КУН ТАЪРИФХОИ НАМЕАРЗИДАГИРО

Ҷавоб диҳед Иқтибос Шикоят

ааааа

Муллои дарбор

Ҷавоб диҳед Иқтибос Шикоят

хаха,шарманда

сабаби таьрифкунияш хамин ки ба у мошини давлати дода будиян

Ҷавоб диҳед Иқтибос Шикоят

Юсуф

Дар замина мулло Абдулқодирзода рост мегӯянд. Тоҷирони Тоҷикистон беинсофтарин дар дунёанд. Рӯи рост қасам хӯрда дурӯғ мегӯянд. Ана ҳамин боло бурдани нархи маводи хӯрок дар даҳаи пеш аз моҳи Рамазон ва тӯли ин моҳ, худ аз бузургтарин баднафсӣ ва беномӯсии тоҷирон ва савдогарони хурди Тоҷикистон ба ҳисоб меравад. На танҳо аз нигоҳи исломӣ, алки аз нигоҳи одаму одамгарӣ низ онҳо ғарқи гуноҳ ва лоиқи нафрати сокинони кишваранд. Агар ҳамин ҳолати фурӯши гӯшти говҳои лоғару касаливу, шояд ҳароммурда,бо нархи гарон, дар давлатҳои каме ҳам бошад озоду демократӣ дида мешуд, сокинон он қассобонро ҳамроҳ бо дӯконҳояшон зада майда майда мекарданд. Вале, аз онки мо ҷанги даҳшатноки таҳмилгардидаи шаҳрвандиро аз сар гузарондаем, шояд, мардум ин "бадбахтӣ ва шармандагиро" хамушона таҳаммул мекунанд, ки таҳсину офаринашон бод. Қассобони гӯрсӯхта баҳонаи навро пеша кардаанд: "ҲАМАИ ГОВҲО ДАР АЙЛОҚАНД. МОҲИ АВГУСТ ҚАФО МЕОЯНД!" Магар говҳо фақат моҳи Рамазон дар айлоқанд???? Мо аз дигар чиз дар ҳаросем. Бо қафо омадани говҳо аз айлоқ, нархи гӯшт дар бозор 40-42 сомонӣ 1кг. мешавад. Ин амалиёте (оператсия) аст, ки қассобон ҳар сол моҳирона дар бозорҳо пиёда мекунанд. Қассобон ку дар ғами кисаи бетаги худ буда, ба ислому одамгарӣ шоша кардаанд, вале ниҳодҳои ҳукумати кишвар чаро наметавонанд, барномаи алтернативии таъмини гӯштро ташкил бикунанд? Шояд худи ҳукуматиён аз чашмаи қассобони фитнагар об менӯшанд, ки вазъро хамушона мушоҳида мекунанд. Тавре мегӯянд: КАЛ ДОДАРИ КӮР!

Ҷавоб диҳед Иқтибос Шикоят

зачем

Сайидмукарам Абдулкодирзода ба Шумо як савол.

Оё тибки конун ва коидахои Дини Ислом мумкин аст, ки дар тамоми масчидхои шахр аз руи когаз як мавзу хонанд эмомхои масчид ва дар он 70% масъалахои дуняви ва сиёсат бошад????

То чое медонам дар масчид агар сухан аз дунё бигуи 40 сола амалат барбод мешавад, чи тавре шоир ин хадисро ба назм овардааст:

Гар сухан дар масчид ар бунёд шуд,
Аз ту чилсола амал барбоод шуд!

Ҷавоб диҳед Иқтибос Шикоят

Эзоҳ илова кунед