26 июн 2014 11:30Тоҷикистон / Иқтисодӣ / Тема дня

Санҷиши шахсии вазир ва дастур барои ирсоли техникаи куҳна ба Бадахшон

Хайрулло Асозода, вазири нақлиёти Тоҷикистон бо як сафари 5-рӯзаи корӣ аз ноҳияи Данғара сар карда то навоҳии дурдасти Бадахшон вазъи роҳҳоро шахсан санҷиш кардааст.

Тибқи иттилои дафтари матбуоти Вазорати нақлиёти Тоҷикистон Асозода нахуст аз роҳи Данғара – Кангурт дидан намуда, бо вазъи роҳҳои Ховалинг – Восеъ, пулҳои мошингузари Кафтархон, даромадгоҳи Кӯлоб, километри 206 – уми роҳи Душанбе – Хоруғ, деҳаи Дуршер ва лоиҳаи сохтмони роҳи Шӯрообод – Шоҳон, Шоҳон – Зиғар, роҳҳои ноҳияҳои Ванҷу Дарвоз аз наздик шинос гардид: “Вазири нақлиёт сафарашро дар роҳи Хоруғ – Қулма идома дода, тавассути ағбаи Харгӯшӣ ба самти ноҳияи Ишкошим гузар намуд.”

Ба иттилои манбаъ вазири нақлиёт дар минтақаҳо бо роҳсозон сӯҳбат карда, ваъда додааст барои беҳтар кардани шароити кори роҳсозон ва таъминоташон бо техника чораандешӣ хоҳад кард.

Вазорати нақлиёт мегӯяд, дар ағбаи Қулма Хайрулло Асозода дар мулоқот бо намояндагони сохторҳои назоратӣ, гумрук, андоз, БДА, Маркази сертификатсиякунонӣ хост, ки корро дар доираи қонун ба роҳ монда, барои ронандагон мушкилӣ эҷод накунанд.

Хайрулло Асозода дар бозгашт тариқи ағбаи Сағирдашт аз пули автмобилгузари роҳи Лабиҷар – Тавилдара – Нуробод дидан кардааст.

Дар ниҳояти ин сафараш вазири нақлиёт ба масъулин супориш додааст, ки роҳдорони Бадахшонро дар мавзеи Бартанг бо булдозер, Кӯҳтезакро бо ду адад трактори боркунак, Мурғобро бо ду сабукрави хидматӣ, бо ду адад грейдер ва таҷҳизоти дигари техникӣ дар наздиктарин рӯзҳо таъмин намоянд.

Тибқи иттилои Вазорати нақлиёт дар ҷаласаи вазир аз ҷумла таъкид шудааст, муассисоти ноҳияҳои ҷануб, ки ба тозагӣ техникаи нав дастрас намудаанд, таҷҳизоту техникаҳои ивазгардидаашон барои истифодаи минбаъда ба Бадахшон фиристонда шаванд.

Мӯҳр

Хабарҳои монанд:

Хисоб

Ахсан, чаноби Вазир. Умед дорем,ки Шумо мисли собик вазири пеш буда воситахои техники ва сузишвории вазоратро ба муассисахои нохиви намефурушед. Барори кор ба Шумо.

Ҷавоб диҳед Иқтибос Шикоят

мухлис

Техникаи нав агар рохи кунед ягон чоятон кам мешавад ми

Ҷавоб диҳед Иқтибос Шикоят

Рохрав

Дар айни замон, ки дигар хамсоzхо рохоро ба руи Точикистон бастаанд, кариб 80 - 90% воридоти бор аз Чин бо рохи Бадахшон ба Точикистон омада истодааст, барои хамин хукмат ба нигохдории ин рох бояд ахамияти дучанд зохир намояд. Мошинхои калонхачми боркаш ба бисёр душворихо ин рохро тай мекунанд, бисёр садамахо рух медиханд, ки хам хисороти гарони чониву моли меорад. Рох алалхусус байни Дарвозу Ванч дар як холати хатарзо карор дорад. Бо техникаи кухнаю фарсуда дар шароити кухистон як дарди сар зиёд мешавад ва хатар ба чони одамонро ба амал меорад.

Ҷавоб диҳед Иқтибос Шикоят

Ahmad

Тибқи иттилои Вазорати нақлиёт дар ҷаласаи вазир аз ҷумла таъкид шудааст, муассисоти ноҳияҳои ҷануб, ки ба тозагӣ техникаи нав дастрас намудаанд, таҷҳизоту техникаҳои ивазгардидаашон барои истифодаи минбаъда ба Бадахшон фиристонда шаванд.
чаро бояд таҷҳизоти кyҳна ва фарсyда шyдаро мо истифода кyнемy дар ҷанyб навашро.

Ҷавоб диҳед Иқтибос Шикоят

Бартанг

Аз дасти и вазир хок намеоя.Дар корхои рохсози балоя намедона.Факат худнамои,таъриф ва фишори кормандон. Техникаи нав кучо шуд,ки кухнаша рои мекни.?

Ҷавоб диҳед Иқтибос Шикоят

самад

Барои чи техникаи кухна? холо он.ки мавкеи географии Бадахшон аз хама вилоятхову нохияхои Точиктстон вазнинтар хаст (Кариб шаш мох барф ва рохи чахонии Хитой...

Ҷавоб диҳед Иқтибос Шикоят

Мутахассиси рох

Вазири мухтарам, ташаккури зиёд барои акалан як маротиба дидан намудан аз ин роххои такдирсози ЧТ.Ахсан ба ингуна вазирони мардуми. Новобаста аз серкориатон хохиш мекардам, ки акалан дар як сол ду маротиба аз холати роххои Бадахшон шахсан худатон дидан намоед, роххои ин чо хам мисли дигар манотикхои чумхури мумкин аст обод гарданд.Хохишмандам муовинонатонро нафиристонед, онхо солхоест, ки ягон проблемара хал карда наметавонанд, вале барои вазирони собик хисоботи бардуруг пешниход мекарданд. Пешниходи дигар ин аст, ки танхо барои пеши Чаноби Оли хисобот додани он ки микдори муайани техникаро чудо намудам, техникаи кухнаро ба Бадахшон нафиристоед, бо он теника як мох хам кор карда намешавад ва инчо чои металолом нест. Акалан нисфи хамин техникахои кайдкардаатонро аз ЧХ Хитой харида таъмин кунед, мана вокеъан хам дастгири мешавад, а.

Ҷавоб диҳед Иқтибос Шикоят

Муслим

"озодагон" кам-кам шур медози -а...............

Ҷавоб диҳед Иқтибос Шикоят

точик

шумо танку бтр бисёртар харид намоед

Ҷавоб диҳед Иқтибос Шикоят

Мушохид

Аз мухтарам Вазир як хохиш дорам, пеши рохи баьзе (албата на хамаашон) харомхуронро гиред., тачхизотхои нав ба вазорат, аз вазорат ба муасисахои нохияви, аз муасисахои нохияви ба бозори Султони Кабир..

Ҷавоб диҳед Иқтибос Шикоят

Эзоҳ илова кунед