25 июн 2014 09:21Тоҷикистон / Сиёсат

Манъи берунравии Шерзамонов аз Бадахшон ва забонхаташ ба мақомот

Алим Шерзамонов, раиси бахши Ҳизби сотсиал-демократи Тоҷикистон дар Бадахшон бегоҳи 24-уми июн дар бинои додситонии вилоят мавриди бозпурсӣ қарор гирифтааст.

Дар ин бора бахши русии “Озодагон” аз қавли манобеяш дар Хоруғ хабар дода, афзудааст, ки бозпурсии Шерзамонов то соати 20:00-и шоми 24-уми июн идома доштааст: “Зимни бозпурсӣ дар назди бинои додситонӣ ҷонибдорон ва наздикони Шерзамонов ҷамъ омадаанд.”

Ба иттилои манбаъ Шерзамонов баъди имзои санад оиди манъи берун рафтан аз қаламрави Бадахшон раҳо шудааст. Худи Алим Шерзамонов аз ифшои ҷузъиёти бозпурсӣ худдорӣ карда, изҳор дошт, мақомот аз ӯ забонхат гирифтаанд, ки тафсилоти бозпурсиро оммавӣ накунад.

Ин дар ҳолест, ки ҳафтае қабл Алим Шерзамонов, раҳбари Ҳизби сотсиал-демократи Тоҷикистон дар Бадахшон ва узви кумисюни муштарак барои таҳқиқи ҳодисаи тирпаронии 21 май дар Хоруғ, ба “Озодагон” гуфт, ба ӯ фишор овардаанд, то кишварро тарк намояд, агар не, бар муқобили ӯ парвандаи ҷиноӣ боз мешавад. Ба қавли ӯ, ин фишорҳо гӯиё баъд аз боздошти Александр Содиқов, пажӯҳишгари Донишгоҳи Торонто, ки мақомот дар ҷосусӣ муттаҳамаш мекунанд, афзоиш ёфтааст.

“Ба ман гуфтанд, агар аз инҷо наравам, обрӯямро мерезонанд. Ҳеч зиддияте надорам. Дар кадом асос нисбат ба ман парвандаи ҷиноӣ ҳаст, намедонам”,-гуфт Алим Шерзамонов дар тамоси телефонӣ.

Мусоҳиби мо илова кард, баъзе “намоядагон”-и мақомот аз ӯ хостаанд, ба Маскав биравад ва дар он ҷо барояш тамоми шароитро муҳайё хоҳанд сохт. Дар ҳоле ки ба гуфтаи Шерзамонов, “ҳеч намефаҳмам, ки чӣ халал мерасонда бошам. Ман як инсони муътадилам”. Вале мақомоти кишвар расман ироаи чунин як пешниҳод ба Шерзамоновро тасдиқ накарданд.

Маврид ба зикр аст, ки мақомоти интизомии Тоҷикистон Александр Содиқовро рӯзи 16 июн, ҳангоми суҳбаташ бо Алим Шерзамонов боздошт карданд. Алим дар оғоз гуфта буд, мақомот мехостанд, ӯро ҳам бигиранд, вале дар пайи пофишории тарафдоронаш раҳо намудаанд.

Мӯҳр

Хабарҳои монанд:

Ismaili

Салом. Бародар барои он ки Алимро хабс кунанд аввал бояд аз болои 90% фоизи чавонони шахри Хоруг ва атрофи он гузаранд. Дар вокеахои ахир махз Алим чавононро аз хар гуна низову чангу ноамни рахо сохт ва пеши рохашон гирифт, вагарна як Худованд медонист, ки вокеа то чи меанчомид. Дар вокеахои мохи июли соли 2012 Алим дар Москва буд ва мо шохиди хол гардидем, ки ин вокеа бо чи анчомид. Имруз боз хамон бозие тавассути ТВ Бадахшон ва алалхусус бо кушиши раисаи он пешкаш мешавад. Бадахшонро аз хар тараф махкам карда истодаанд. Тавассути СМИ ва интернет бошад кушиш менамоянд то мардумро аз наздикшавии толибон дар сархади Точикистон тарсонанд. Гап дар он аст, ки пешравии иктисодиёти Точикистон имрузхо кохиш ёфта истодааст. Корхонаи алюминии Точикистон ягона корхонаи калон дар Чумхури имрузхо кариб ки аз кор монда истодааст. Маъоши теъдоди зиёди коргарон аз 30 то 50 % кам шудааст. Дар дигар корхонахо низ вазъият он кадар хуб нест. Беспределии хешу табори олимаком то ба хадде расидааст, ки гуфта хам намешавад. Равобит бо хамсоя давлатхо худатон хуб медонед чи гуна аст. Умуман вазъият дар боло он кадар хуб нест. Барои ин таваччухи мардумро ба дигар проблемахо чалб менамоянд.
--------------------------------------------------------------------------------

Ҷавоб диҳед Иқтибос Шикоят

алик

сирри пурсишро ба нафарони наздикат пурра расон.агар нагуи ин чосуси мешавад

Ҷавоб диҳед Иқтибос Шикоят

ахм

дар ин чо раис дигар хел фахмонда истодаст.ман хеч нафахмидам вай фири киро кардаст.мо ин кадар гардани гафс надорем. факат фикри шикама мекунанд.кури дигар дар сиёсат даромадаст хар хел форад раиси бемагзро кашол мекунад.

Ҷавоб диҳед Иқтибос Шикоят

Эзоҳ илова кунед