19 июн 2014 10:49Тоҷикистон / Дин ва зиндагӣ / Иҷтимоӣ / Видео

Ҳоҷӣ Ҳусейн Мӯсозода: “Касе Аллоҳу акбар гуфта метарконад, Ҷаннатро намебинад” (ВИДЕО)

Ҳоҷӣ Ҳусейн Мӯсозода -- раиси Шӯрои уламои вилояти Суғд рӯзи 19 июни соли ҷорӣ дар суханронии худ дар конфронси "Муқовимат ба таҳдидҳо ва хатарҳои муосир дар минтақаи Осиёи Марказӣ" аз суботу оромӣ дар кишвар тавсиф карда, хост, аз эҷоди ихтилофу фитна миёни мусулмонон ҷилавгирӣ шавад. Дар ҳоле ки, ба қавли ӯ, “дин кинаву адоват нест, балки иззату эҳтиром аст.”

Ин конфронс аз сӯи Вазорати умури дохилии Тоҷикистон ташкил шуда, дар кори он намояндагони дастгоҳи раёсати ҷумҳурӣ, Додгоҳи олӣ, Додситонии кулл, Шӯрои амният, Хадамоти гумрук, Кумитаи амнияти миллӣ, Кумитаи занон ва оила, Кумитаи дин, Кумитаи кор бо ҷавонон ва Оҷонсии зидди фасоди молӣ низ иштирок доранд.

Оқои Мӯсозода афзуд, расонаҳо тақрибан ҳар рӯз хабар медиҳанд, ки ин ё он нафар бо садои Аллоҳу акбар ҷоеро тарконда, нафареро куштааст. “Ин хел одамҳо ҳеч вақт ба Ҷаннат намераванд. Ҷояшон дӯзах аст. Худованд дар Қуръон мефармояд, ин хел афрод ҳаргиз рӯи Ҷаннатро намебинанд, бӯи Ҷаннатро намефаҳманд.”

Дар идомаи сӯҳбаташ Мӯсозода фитна ва эҷоди ихтилоф дар миёни мусалмононро гуноҳи кабира донист. Ӯ гуфт, “фитна аз куштор бадтар аст. Мумкин аст, дар натиҷаи як фитна чандин инсон кушта шавад”. Раиси Шӯрои уламои вилояти Суғд, инчунин, аз гуруҳу ҷунбишҳое назири Ҳизби Таҳрир ва Ансоруллоҳ ном бурд, ки ба гуфтаи ӯ аз номи Ислом, аммо бар зидди Ислом равона шудаанд: “Онҳо ба номи Ислому мусалмонон доғ меоранд. Дар Тоҷикистон низ чунин гуруҳҳое пайдо мешаванд, аз ҷумла ҷараёни Салафия. Имрӯз сабаби ихтилофот ҳам дар бемазҳабӣ, ҳам дар ибодат ва ҳам дар ақида аст. Онҳо мардумро ба ихтилофот андохтанд. Бояд мо пеши роҳи ихтилофотро гирем.”

Ҳоҷӣ Ҳусейн Мӯсозода дар идома аз созмонҳои байналмилалӣ гила кард, ки мегӯянд, занҳои тоҷик ҳаққи ба масҷид рафтанро надоранд: “Магар дар Узбакистон занҳо ба масҷид мераванд? Магар модару хоҳару хола ва модаркалонаш рафтааст?” Мӯсозода дар охир аз мардум даъват кард, ба атрофи худ назар карда, пешрафтҳои кишварро ҳам бубинанд. “Хусусан дар даҳсолаи охир пешрафтҳои зиёде шудааст бо саъю кӯшиши пешвои миллат, Ҷаноби Олӣ -- Эмомалӣ Раҳмон. Халқи мо бо инояти Парвардигоар ба бисёр чизҳо мушарраф шудааст. Тоҷикистон тинҷу ором аст. Мо корҳои хайре, ки ҳаст, ба мардум бирасонем. Ободии роҳҳо, купрукҳо, эҳтироми таърих, урфу одат, анъанаҳои миллиро ба мардум бирасонем, дарк кунем”,-таъкид дошт ӯ.

Мӯҳр

Хабарҳои монанд:

Ал- Одам

Дини Ислом- бехтарин бозёфти арзишхои ахлокии башарият, барои хама давру замон. Хушбахт касест, ки дар доираи ин ахлок, кор ва зиндаги мекунад.

Ҷавоб диҳед Иқтибос Шикоят

хочи

УЗБЕКИСТОН ХАР ГУХЕ,КИ ХУРАД ТОЧИКИСТОН ХАМ БОЯД ЯК ЧАШИДА БИНАДМИ ЧАНОБИ ДОМУЛЛО?????........ЭЕЕЕЕ ШУМО БАРИН ДОМУЛЛОХООО ХЕЧ ГОХ ОН ЧИ КИ ХУДО ВА РАСУЛАШ ФАРМУДААНД НАМЕГУЕД АЗ ТАРСАТОНА, ЧУРАТ НАДОРЕД ОН ЧИ КИ ЧАНОБ ГУФТ ОНРО БОЯД ГУЕД........ХУДОВАНД ВА РАСУЛАШ ДАР БОРАЙ ИН ХЕЛИ ДОМУЛЛОХО ЧИ ГУФТА БОШАНД О ????????????

Ҷавоб диҳед Иқтибос Шикоят

rafiq

natijai mani raftani zanon ba masoiid bozdoshti 500 fohisha ast ki baroi in amr ty ham javob khohi gyft. ammo dar peshi olloh. ty bar chi asos karimof ro baroi mardymi mysalmon namuna qaror medihi? dari masojid ro ba ryi zanon biband to
tedodi fohishaho beshtar shavad va ba choplysii khyd hamchynon idoma bideh. vale az ryze bitars ki dar peshgohi on zoti myqtadir hozir meshavi va mebini ki dastat ro karimof megirad uo digar afrode ki baroi onon madhiua saroi mekyni.

Ҷавоб диҳед Иқтибос Шикоят

точик

Хамин домуллохои хукуматиро дигар касе гайр аз худашон гуш намекунад, чи даркор гапхояшро мемонед

Ҷавоб диҳед Иқтибос Шикоят

baha

Чаноби Мусозода яке аз фарзандои шумо дар маркази Салафихо Арабистони Сауди мехонад инро фаромуш кардед.

Ҷавоб диҳед Иқтибос Шикоят

muratti

Ҳоҷӣ Ҳусейн Мӯсозода “Ин хел одамҳо ҳеч вақт ба Ҷаннат намераванд. Ҷояшон дӯзах аст. Худованд дар Қуръон мефармояд, ин хел афрод ҳаргиз рӯи Ҷаннатро намебинанд, бӯи Ҷаннатро намефаҳманд.”
Дар кадом сура ва кадом ояташ бошад.Инро аз кучо ина ёфт баровард.

Ҷавоб диҳед Иқтибос Шикоят

karim

Шумо, бародар, аслан аз забон,одоб ва фарханги муошират огохи надоштаед ва барои рупуш кардани беадабии хеш аз номи Худованд истифода менамоед. Мунофик бародари шайтон аст. Аксар онхое ки аз худ мусалмонтароши мекунанд паси пардаи Ислом думболи амали гардидани ихтилофандозии точикон мебошанд.

Ҷавоб диҳед Иқтибос Шикоят

Эзоҳ илова кунед