18 июн 2014 17:43Тоҷикистон / Иқтисодӣ

Сели харобиовар дар Водиф ва шикоят аз бефаъолиятии ҳукумат

Селфароии зиёд дар деҳаи Водифи ноҳияи Мастчоҳи Кӯҳӣ, се нерӯгоҳи хурд ва 300 метр ҷуйборро тахриб карда, сокинонро бе барқ ва оби нӯшокӣ мондааст. Сокинони Водиф дар тамос ба “Озодагон” аз бефаъолиятии масъулини ҳукумат шикоят карданд.

Ҳикмат Аминов, сокини ин деҳа мегӯяд, пайомадҳои сели харобиовар, ки ҳанӯз шаби 12 ба 13 июн фаромада буд, то ҳол бартараф нашудааст: “Ҷуйбор вайрон шудааст ва ҳозир оби лойолуд аз пеши хонаи ман мегузарад. Чанд рӯз боз шабро дар берун рӯз мекунем, ки мабодо боз сел ояд.”

Ӯ афзуд, ки рӯзи омадани сел аз ҳукумати ноҳия омада, ҳамаи ҷоро тафтиш карданд, аммо то ҳол ягон корро амалӣ нанамудаанд.

Суҳроб Охунов, раиси ноҳияи Мастчоҳи Кӯҳӣ ба “Озодагон” гуфт, феълан барои бартараф намудани зарари расонидашуда талош доранд: “Зарари расида ба се нерӯгоҳи хурд зиёда аз 65 ҳазор сомонӣ мебошад, ки он низ барқарор карда мешавад. Масъалаи мазкур аз ҷониби мақомоти иҷроияи вилояти Суғд баррасӣ шуда, ҳоло 3 тонна сузишвории дизелӣ барои соҳилмустаҳкамкунӣ дар роҳ ба сӯи деҳа мебошад. Мо бояд аввал соҳилро мустаҳкам карда мардумро бо оби нушокӣ таъмин кунем. Баъдан нерӯгоҳҳое, ки аз он мардум барқ мегирифтанд, барқарор мекунем. Мушкилии кор дар он аст, ки барои бартараф намудани харобиҳо гузарондани корҳои таркишӣ зарур аст, ки он вақти зиёдтару таҳлили бештарро талаб мекунад.”

Ориф Нозимов, сардори дафтари матбуоти Кумитаи ҳолатҳои фавқулоддаи Тоҷикистон тасдиқ кард, ки бар асари гармшавии ҳаво 12 июн, оби дарёи Водифи ноҳияи Мастчоҳи Кӯҳӣ баланд шуда, зиёда аз 200 метр чуйбори деҳаро бо лой пур намуда, ба заминҳои хоҷагӣ низ зарар расондааст: “Айни ҳол ситод оид ба ҳолатҳои фавқулоддаи вилояти Суғд, барои бартараф намудани зарар кор карда истодаанд.”

Мӯҳр

Хабарҳои монанд:

чабрдида

Оли зик нашен Ҳкмат ёрдамтон метия.

Ҷавоб диҳед Иқтибос Шикоят

Сокини Рудаки

Мунтазир набош бароадрчон хеч кумаке намекунанд, сокинони рудаки хам ба хамин бало гирифтор шуданд, вале хеч хукуматие ёрдам накард, ки анакард хатто хайрхохон аз хизби исломро ки ба мо кумак кардани шуданд гуфтанд ки ба кумаки шумо ниёз нест мо худамон хама чизро дорем лекин аз онхо хам мондему аз инхо хам. хуллас ба фикри касе набошеду сарро хам карда худатон чора бинед(((((((((((

Ҷавоб диҳед Иқтибос Шикоят

Ин ҳукумат кай мефаҳмида бошад, ки "ҲОЛАТИ ФАВҚУЛОДДА" чӣ маъни дошта бошад!!!???
"Аз Суғд сӯзишворӣ дар роҳ аст"
"Барои бартараф намудани харобиҳо гузаронидани корҳои таркишӣ зарур аст", ки инҳо бояд аз Бонки Ҷаҳонӣ ва Россияю Узбакистон иҷозат гиранд ва барои ин маблағи заруриро бояд пайдо кард!!!
"БУЗАК НАМУР..." НЕ.. "ТОҶИК НАМУР..."!!!

Ҷавоб диҳед Иқтибос Шикоят

Эзоҳ илова кунед