10 июн 2014 15:25Оcиёи Марказӣ / Қирғизистон
Талоши "Газпром" барои азсаргирии интиқоли гази узбак ба Қирғизистон
Ба иттилои хабаргузории қирғизии 24.kg, Александр Медведев, масъули бахши сиёсати содирот ва равобити хориҷии “Газпром” ҳоло дар Тошканд қарор дошта, бо ҷониби Узбакистон дар робита гуфтушунид менамояд.
Баҳси азсаргирии интиқоли гази Узбакистон ба Қирғизистон дар ҳолест, ки ахиран Бишкек дар пайи бегаз мондани сокинони кишвараш ба неруи барқи Тоҷикистон мароқ зоҳир карда, барои харидории 2 миллион киловат соат дар як шабонарӯз шартнома имзо кардааст. “Электрические станция”-и Қирғизистон мегӯяд, бар асоси ин шартнома Бишкек як киловат соат нерӯи барқро аз Душанбе бо арзиши 2 сент харидорӣ менамояд.
Интиқоли гази табии Узбакистон ба вилояти Ӯши Қирғизистон аз рӯзи 14 апрели соли ҷорӣ ба ин сӯ, қатъ шудааст. Мақомоти узбак далели ин иқдоми худро тамом шудани муҳлати шартнома миёни корхонаи “Қирғизгаз” ва “Узтрансгаз” унвон кардаанд. Вале Ҷоомарт Оторбаев, муовини сарвазири Қирғизистон аз бетаваҷҷуҳии ҳамтоёни узбакаш барои дубора бастани шартнома дар робита нигаронӣ карда буд.
Дар ҳамин ҳол, яке аз кумитаҳои парлумони Қирғизистон аз ҳукумати кишвараш хоста буд, миқдори оби ҷудошуда ба Узбакистонро коҳиш диҳад. Ин ҷиноҳи Жогорку Кенеш гуфтааст, дар сурате, ки Тошканд ҳозир нест, қатъи гази худ ба ҷануби Қириғизистонро шарҳ диҳад, Бишкек метавонад, дар обёрии заминҳои Узбакистон маҳдудият эҷод кунад. Аз сӯи дигар, К. Мирзобеков, намояндаи мардумии қирғиз пешниҳод карда буд, ба хотири бартараф нашудани камбуди гази табиӣ дар ҷануби Қирғизистон ба ҷавобгарӣ кашидани вазири энержӣ ва саноати ин кишвар дар давоми як моҳи оянда ба баррасӣ гирифта шавад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
