06 июн 2014 16:37Тоҷикистон / Иҷтимоӣ

Абдуҷаббор Раҳмонов дар бораи нарасидани кадрҳо дар Хатлон

Абдуҷаббор Раҳмонов, ректори Донишгоҳи омӯзгории Тоҷикистон, мегӯяд, норасоии кадрҳо дар макотиби кишвар, аз ҳама бештар дар ноҳияҳои вилояти Хатлон ҷой дорад. Раҳмонов ҳангоми баромадаш дар як ҳамоиш зарур хонд, ки хатмкунандагони Донишгоҳи омӯзгорӣ бештар ба вилояти Хатлон сафарбар шаванд.

Ба ақидаи ректор, дар навоҳии вилояти Бадахшон кадрҳо зиёданд, бинобар ин, донишҷӯён бештар бояд ба ноҳияҳои Хатлону Рашту Суғд сафарбар шаванд ва дар ин манотиқ масъалаи хобгоҳ ҳам мушкил надорад. Ба иттилои масъулин аз Донишгоҳи омӯзгории Тоҷикистон, имсол тибқи роҳхати Вазорати маориф ва илм ба вилояти Хатлон 169 нафар, ба вилояти Суғд 52 нафар, ба Бадахшон 52, ба шаҳри Душанбе 102 нафар ва ба ноҳияҳои тобеи ҷумҳурӣ 158 нафар омӯзгори ҷавон сафарбар мешаванд.

Абдуҷаббор Раҳмонов таъкид кард, муҳассилини квотадор тибқи роҳхате, ки доранд, ҳатман бояд ба маҳалҳои худ баргашта, аз рӯи ихтисосашон фаъолият намоянд: “Дар соли таҳсили ҷорӣ донишгоҳро аз рӯи 27 ихтисос 909 нафар донишҷӯ, аз ҷумла 533 нафар аз тариқи буҷавӣ, 101 нафар тибқи квотаи президентӣ ва 376 нафар аз тариқи шартнома хатм менамоянд”.

Мӯҳр

Хабарҳои монанд:

Раис

Чаноби Рахмонов, вазифаи шумо баланд бардоштани сатхи таълиму тарбия на бештар аз он, Хатлон раис, мудири Раёсати маориф дорад дар якчояги бо вазорати маориф халуш мекунан, худат зик нашав, муаллимчон!

Ҷавоб диҳед Иқтибос Шикоят

точик

канд занед чаноб боз шогирдхои таёр кардаро ба дехот сафарбар мекунед, ки мушкили шумо каме хам бошад оид ба еринка хал шавад.

Ҷавоб диҳед Иқтибос Шикоят

кадр

О хатм мекунанд!!!!? ба мардикори равон кунед ого.Kадрхоро расво кардед маорифро расво кардед ДДОТ -ро низ расво кардаистодаед!!!!! боз кадр мепурсед кадри хуб бо шумо кор намекунад охир!!!! озодагон чоп кун ки.............

Ҷавоб диҳед Иқтибос Шикоят

Darvesh

Durus!! Ba Farkhora kadr roi kunen!! khub meshava!! Aga ne hami soli gzashta mo Mastchohi kuhida baroi kartoshka raftem, ujada omuzgor nevu hatto maktab nest !!!!

Ҷавоб диҳед Иқтибос Шикоят

Эзоҳ илова кунед