05 июн 2014 17:35Тоҷикистон / Сиёсат

Дар Панҷакент дафтари ҲНИТ-ро вайрон карда, гуфтаанд, ки...

Масъулони Ҳизби наҳзати исломии Тоҷикистон (ҲНИТ) мегӯянд, бо амри мақомоти интизомии кишвар бинои дафтари ин ҳизб дар шаҳри Панҷакенти вилояти Суғд қисман вайрон карда шудааст. Сино Ҳасанзода, раиси бахши ҲНИТ дар Панҷакент, гуфт, ин кор рӯзи панҷуми июн сурат гирифта, ҳангоми тахриби дафтари онҳо намояндагони додситонӣ, раёсати амният ва умури дохилӣ ҳузур доштаанд.

Ба қавли Ҳасанзода, мақомот ваъда додаанд, ки бар ивази ин дафтари вайроншудаи ҳизб замин ҷудо хоҳанд кард. “Мақомот пештар хотиррасон карда буд, ки аз сабаби дар канори роҳ будани дафтари ҳизб эҳтимол он тахриб карда шавад. Қарори қаблӣ, ки арзи роҳи автомобилгардро дар дохили шаҳр 34 метр арзёбӣ мекард, ба 18 ё 20 метр иваз карда шуд ва аз ин рӯ, қароргоҳи ҳизб бояд ҳифз мешуд, вале имрӯз масъулон боз ба тахриби бино шурӯъ намуданд”,-афзуд ӯ.

Тайи чанд моҳи охир мақомоти вилояти Суғд барои фаъолияти бахшҳои ҲНИТ дар Исфараю Спитамен низ мушкил эҷод карда буданд.

Мӯҳр

Хабарҳои монанд:

Шервони УМРИДДИН

Боз ҳам маблағ нарасид?! Хиёбони Рӯдакии маркази роҳи мошингарди шаҳри Панқакент тибқи нақшаи аввал бояд 26 метр бари роҳ васеъ карда мешуд, вале бо нарасидани маблағ 18 метр хохад шуд ва ҳатто тангтар аз асли пешинаи хиёбони марказии роҳи шаҳри Панҷакент.
Васеъ кардани шоҳроҳи мошингарди Панҷакент – Айнӣ чандин хонаҳои истиқоматӣ, мағозаҳои маркази савдо, заминҳои корам ва дарахтони мевадиҳадаву сояафкани сокинони деҳоту шаҳри Панҷакентро хароб гардонида, қисме аз мардуми Панҷакентро ба бор овардааст. Бархе аз сокинони шаҳри Панҷакент шубҳа дар он доранд, ки корҳои сохтмонии роҳи деринтизоре, ки ба вайрон гардидани мағозаву хонаҳои истиқоматӣ ва кохҳои фарҳангӣ овардааст, қонунӣ бошад ва ё тибқи лоиҳаи тасдиқшуда бошад...

Мушкилиҳои сунъие, ки имрӯз дар шаҳри Панҷакент курсинишинону дастандаркорони алоҳида бо баҳонаи азнавзозии роҳи Панҷакент – Айнӣ сохта истодаанд, шаҳрвандони зиёдеро нигарон кардааст.
Роҳбарони ноӯҳдабаро ва дуруғгӯиҳои барзиёди онҳо дар зинаи ҳокимиятҳои иҷроияи шаҳру ноҳияҳо имрӯзҳо дар авҷ аст. Ба хусус ин кор вазифаи ҷонии роҳбари чилдуруғу афсонахонии раиси шаҳри Панҷакент Хусрав Абдуназаров аст. Замони суханронии сарвари давлат дар шаҳри Панҷакент мардум аз хурсанди курта курта гӯшт мегирифтан, ки роҳашон обод мешаваду мушкилашон осон. Аммо аз дасти ин марди ҳиллабозу ҳилласоз боз кор ба самти “Аз ришаш тарошеду ба буруташ пайваст намоед” гузаштааст. Мутобиқи нақшаи пешбини шудаи Ҳукумати Ҷумҳурии Тоҷикистон бари роҳи хиёбони Рӯдакии шаҳри Панҷакент бояд 26 метр – 20 метр роҳи мошингард, 3 метр роҳи пиёдагард ва 3 метр гулкориву кабудизоркунӣ мешуд. Аммо имрӯз онро ба 18 метр табдил дода сохта истодаанд. Чаро мардумро фиреб дода хона, мағоза ва дарахтҳояшонро гардонданд.

Чаро боз фиреби халқ? Зарар ба буҷҷаи ҳукумат!!! Хокпоши ба чашми мардум. Рӯирост мадумфиребӣ. Фисқ!!! Фасод!!!! Як чиз нофахмост. Мардум дар хидмати ҳукумати шаҳранд ва ё баръакс?!
Ташакур ба ибтикори ҳукумати ҷумҳур ва сарвари он. Лекин ин раиси муҳтарам магар дар фикри халки оддӣ ва беҳбудии рӯзгори онҳост? Ба дурусти Худо медонад, ки ӯ бо ин амалҳояш дар фикри халқ бошад?!
Барои чӣ дар роҳи марказии хиёбони Рӯдакии шаҳр 4 роҳи зери заминии пиёдагард сохта ба истифода дода мешуд маън карданд?

Хиёбони роҳи маркази шаҳри Панҷакентро ба тиҷорат табдил додаанд.
Боз чизи дигар ин аст, ки деҳаҳои калонтарини ноҳияи Панҷакент –Рукнобод (собиқ Шӯрча), Марғедар, Навобод ва Ғӯсар ҳар рӯз мардум ба харидани хурӯквориву таҷҳизоти рӯзгор аз деҳаҳои дурдасти худи ноҳияи Панҷакент ва Айнӣ меоянд ба савдогарони ин деҳаҳо, мушкилии зиёде ба бор омада аст, ки як чанд мағозаҳои дорои ниёзи мардумро вайрону нобут мекардаанд.

Ба фикрам, қабл аз сохтмони роҳ нақшаи онро тасдиқ карда буданд ё тасдиқи ниҳоии он ба ӯҳдаи муҳтарам Хусрав Насруллоевич Абдуназаров гузошта шуда буд???!!!

Ҳар кӣ бо душмании халқ равон аст чу баҳр,
Зуд бошад, ки сари хеш чу гирдоб хурад.

Ҷавоб диҳед Иқтибос Шикоят

Эзоҳ илова кунед