04 июн 2014 15:38Тоҷикистон / Дидгоҳи хос
1000 $ барои квотаи президентӣ? Даъвои Рӯзӣ Холов ва мавқеи мудир
Ҷаноби Холов баъд аз зӯҳри 4 июн ба “Озодагон” занг зада, дар ин бора дарди дил кард ва гуфт, писараш Асҳобуддин хатмкунандаи мактаби шумораи 5-и Мастчоҳи Кӯҳӣ буда, дар озмуни тарбияи ҷисмонӣ ва омодагии ҳарбӣ ҷойи аввалро гирифтааст. “Имрӯз бояд ба писарам квотаи президентиро месупориданд. Вақте намояндаҳо ба мактаб омаданд, писарамро роҳ надоданд. Нафароне, ки дар озмун иштирок накарда буданд, соҳиби квотаи президентӣ шуданд, писари ман - не”,-мегӯяд ин сокини Мастчоҳи Кӯҳӣ.
Абдуҷалил Қозиев, мудири шуъбаи маорифи ноҳияи Мастчоҳи Кӯҳӣ, даъвои Рӯзӣ Холовро дар бораи талаби ҳазор доллар ба ивази додани квоати президентӣ бидуни асос донист. Ӯ дар сӯҳбат бо "Озодагон" гуфт, "писари Холов дар озмуни ноҳиявӣ ҷой нагирифтааст ва номи ӯ дар рӯйхати ғолибони озмун нест." Ин дар ҳолест, ки Рӯзӣ Холов мегӯяд, “мудир маро даъват карда гуфт, агар ҳазор доллар наорӣ, овора нашав, бачаат намегузарад. Агар квотаи президентиро ҳам ба тиҷорат табдил дода бошанд, пас, чӣ даркор ин қадар ташвиш? Як моҳ барои ин квота мо дар Душанбе сарсон будем. Рафта маълумотномаи духтурро биёреду чанд ҳуҷҷати дигар гуфтанд, ҳамаашро кардем. Боз тестҳоро харида омодагӣ дид. Агар пеш аз озмун мегуфтанд, ки нархи квота 1000 доллар аст, аз паси квота намешудем”,-афзуд Рӯзӣ Холов.
Мусоҳиби мо мегӯяд, масъулони маорифи ноҳияашон дар сӯҳбат бо ӯ гуфтаанд, ин миқдор пулро барои худ намегиранд, балки он барои “боло”-ст: “Агар барои “боло” пул даркор бошад пас чаро барои квота озмун эълон мекунанд? Зиндагии мардуми деҳот мушкил аст ва ман аз куҷо ин қадар маблағро пайдо мекунам?”
Квотаи президентӣ чанд соли пеш барои ҷалби духтарон аз хонаводаи камбизоат барои таҳсил дар донишгоҳҳои кишвар таъсис шуда, инчунин, ба ҷавонписарон имконият дода шуда буд, то аз ин имтиёз истифода кунанд. Ҳарчанд раисиҷумҳур борҳо ба шаффоият дар ин бора таъкид карда, квотаи президентиро роҳи осони ҷалби духтарони камбизоат аз кӯҳистон донистааст, вале солҳои охир аз фурӯши ин имтиёзи раиси ҷумҳур сӯҳбатҳо бештар мешаванд. Соли гузашта низ мақомоти умури дохилии Суғд як сокини ноҳияи Восеъро боздошт карда буданд, ки худро яке аз одамони намоён нишон дода, барои дарёфти квотаи президентӣ аз мардум пул ҷамъ намуда будааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Март 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
