04 июн 2014 11:19Тоҷикистон / Сиёсат

Сисӣ ба қасамёдкунияш Руҳониро даъват кард, Э.Раҳмонро чӣ?

Ҳасан Руҳонӣ, раиси ҷумҳури Эрон, барои иштирок дар маросими савгандёдкунии Абдулфаттоҳ Сисӣ, ҳамтои тозаинтихоби мисрияш ба Қоҳира даъват шудааст. Иҳоб Бадавӣ, сухангӯи раёсати ҷумҳури Миср, бо тасдиқи ин хабар дар суҳбат бо Reuters гуфтааст, Руҳонӣ ҳамчун раисиҷумҳури Эрон ва раҳбари Ҷунбиши адами тааҳҳуд ба ин маросим даъват гардидааст.

Бадавӣ дар шарҳи гуфтаҳояш илова кардааст, ҳанӯз Қоҳира дар робита ҷавоберо аз Теҳрон нагирифтааст ва расонаҳои эронӣ низ дар робита хабареро нашр накардаанд. Ба иттилои Шабакаи телевизионии “ал-Ҷазира”, маросими қасамёдкунии раисиҷумҳури тозаинтихоби Миср интизор меравад, рӯзи якшанбе - 8 июни соли ҷорӣ баргузор шавад.

Абдулфаттоҳ Сисӣ 60 сол дошта, дар гузашта ба ҳайси вазири дифои Миср ифои вазифа кардаасту аз моҳи августи соли 2012 то 27 марти соли ҷорӣ, дақиқтараш қабл аз эълони номзадияш дар интихоботи ҷорӣ симати сарфармондеҳи қувваҳои мусаллаҳи кишварашро бар дӯш дошт. Ҳамзамон раҳбари Шӯрои олии қуваҳои мусаллаҳи Миср ба шумор рафта, аз 16 июли соли 2013 то моҳи марти соли ҷорӣ курсии муовинии нахуствазирро низ дар ихтиёр дошт. Ӯ таҳсилдидаи таълимгоҳҳои низомии Бритониё ва Иёлоти Муттаҳидами Амрико мебошад.

Сисӣ асосогузори кудетои низомӣ дар Миср мебошад, ки моҳи июни соли гузашта мунҷар ба барканории Муҳаммад Мурсӣ, раисиҷумҳури “ғайринизомӣ”-и ин кишвар шуд. Вай дар интихоботи ғайринавбатии 26 майи раёсати ҷумҳури кишвараш баъд аз кудетои низомӣ иштирок карда, ба ягона рақиби худ Ҳамдейн Сабоҳӣ, муассиси Ҳаракати мардумӣ даст боло шуд. Кумитаи марказии интихоботи миср рӯзи 3 июн бо эълони натоиҷи интихобот гуфт, Сисӣ дар ин корзор тавонистааст, 96,91 дар сади орои мардумро ба даст орад. Дар ҳоле, ки ба иттилои манба, Сабоҳӣ танҳо 3,9%-и овозҳоро соҳиб шудааст.

Бо эълони натоиҷи интихобот Эмомалӣ Раҳмон, раиси ҷумҳури Тоҷикистон, Сисиро бо пирӯзияш табрик гуфта, омодагии худро барои рушди равобити Душанбеву Қоҳира баён дошт. Дар баробари ӯ, бархе аз руасои кишварҳои арабӣ, аз ҷумла Имороти Муттаҳидаи Араб, Арабистони Саудӣ, Баҳрайн, Кувайт ва Шоҳигарии Урдун низ аз пирӯзии Сисӣ истиқбол намуда, ба ҳайси раисиҷумҳури Миср таъин шуданаш табрик гуфтаанд. Малик Абдуллоҳ ибн Абдулазиз, шоҳи Арабистони Саудӣ дар номаи табрикотияш ба унвони раҳбари тозаинтихоби Миср пирӯзии ас-Сисиро дар интихобот рӯзи таърихӣ хонда, хостори баргузории конфронси эҳдокунандагон шудааст. Шоҳи Арабистони Саудӣ аз ҳамтоёни худ даъват кардааст, ки Мисрро барои берун рафтан аз буҳрони иқтисодияш кумак кунанд: “Ба самъи бародарону дӯстон дар саросари олам мерасонам, ки имрӯз Мисри арабҳову Ислом барои берун рафтан аз бунбаст ба мо ниёз дорад.”

Бо ин ҳол, то кунун мақомоти Тоҷикистон нагуфтаанд, ки оё Эмомалӣ Раҳмон низ ба маросими қасамёдкунии раиси ҷумҳури нави Миср даъват шудааст ё не. Мусоҳибони мо дар дастгоҳи раёсати ҷумҳурӣ ва Вазорати умури хориҷии Тоҷикистон сукутро дар ин замина авло донистанд.

Мӯҳр

Хабарҳои монанд:

hgfj

Ирон ки таваччух дошта бошад, Сиси шиамазхаб аст............

Ҷавоб диҳед Иқтибос Шикоят

Абдуллох

Озодагон сисиро хамчун президенти конуни кабул дори чи? Шарм нокарда президенти тозаинтихоб навишти.

Ҷавоб диҳед Иқтибос Шикоят

haqgu

ooo in khoin 11.82 foiz ovoz giriftay ki iraraisi jumhurii misr monday o 88 foiz mardum ay rush bezorand ozodagon agar ozod boshi inro chop kun agar tu ham baroi chop kardan az bolo farmon giri nomta ivaz kun

Ҷавоб диҳед Иқтибос Шикоят

Эзоҳ илова кунед