Президенти Покистон- Осиф Алӣ Зардорӣ ба Душанбе меояд

Сафири  Тоҷикистон дар  Покистон Зубайдулло Зубайдов бо муовини вазири корҳои хориҷии ин кишвар Оламгир Бобур дар шаҳри Исломобод масоили ҳамкориҳои дуҷонибаро муҳокима намуданд.

---

Дипломати тоҷик Оламгир Бобурро барои ба ин мақом тайин шуданаш табрик намуда, изҳор намуд, ки муносибатҳои Тоҷикистон ва Покистон дар ҳамаи бахшҳо тавсеа ёфта, дар ҳоли рушд қарор доранд.

Зимнан, дар нишасти мазкур масъалаи  мулоқоти қарибулвуқӯи чоргонаи роҳбарони давлатҳои Тоҷикистон, Покистон, Афғонистон ва Русия, ки аввали моҳи сентябри соли ҷорӣ дар шаҳри Душанбе доир мегардад, баррасӣ шуд.Оламгир Бобур дар робита ба ин мавзӯъ гуфт, дар саммити Душанбе президенти Покистон Осиф Алӣ Зардорӣ дар раъси як ҳайати баландпояи кишвар ширкат хоҳад кард.   
Манбаъ афзуд, ҳамзамон дар мулоқот Зубайдулло Зубайдов дар мавриди таҷлили 20-солагии ҷашни истиқлоли Тоҷикистон ҳарф зада афзуд, сафорати Тоҷикистон ин чорабиниро ин чорабиниро дар шаҳри Исломод ба таври васеъ ҷашн мегирад. Барои таҷлили ин он аллакай бисёр ходимони давлатӣ ва ҷамъиятии кишвар, тоҷирон, олимону адибон, хабарнигорон, корпуси дипломатии муқими пойтахти Покистон даъват шудаанд. Дар ин бора ба хабаргузории «Озодагон» аз дафтари матбуотии ВКХ иттилоъ доданд.

Мӯҳр