03 июн 2014 09:15Тоҷикистон / Ҷавонон ва варзиш

Медали тилои Мавзуна Чориева дар сабқати байналмилалии бокс

Мавзуна Чориева, муштзани маъруфи тоҷик, дар сабқати байналмилалие, ки аз 28 май то 1 июни соли ҷорӣ дар Ӯши Қирғизистон баргузор шуд, соҳиби медали тило гардидааст. Ин сабқати байналмилалӣ оид ба бокс бахшида ба хотираи устодони варзиши Шӯравӣ - бародарон Арзиевҳо доир шуда, дар он Меъроҷиддин Каримов, муштзани бузургҷуссаи тоҷик, низ иштирок кард ва мақоми аввалро ба даст овардааст.

Дар ин сабқат варзишкорон аз Қирғизистон, Узбакистон, Тоҷикистон ва Русия иштирок доштаанд. Мавзуна Чориева дар вазни то 60 кило миёни занҳо вориди рақобат шудааст.

Номи Мавзуна Чориеваи 21-сола баъд аз пирӯзияш дар Олимпиадаи тобистонаи соли 2012 дар Лондон расонаӣ шуд. Ӯ дар тӯли бист соли мустақилияти Тоҷикистон танҳо зани ин кишвар буд, ки дар Олимпиада медал ба даст овардааст. Дар пайи ин пирӯзӣ ба Мавзуна Чориева шаҳрдории Душанбе манзили сеутоқа, шаҳрдории Кӯлоб як манзили панҷҳуҷрагӣ ва Ҳизби наҳзати исломии Тоҷикистон як манзили дуҳуҷрагӣ тӯҳфа намуданд. Инчунин, раиси ҷумҳури Тоҷикистон Мавзуна Чориеваро бо ордени "Шараф" ва 200 ҳазор сомонӣ сарфароз гардонд.

Чориева баъдан, моҳи октябри соли 2012, дар шаҳри Кӯлоб бо Амон издивоҷ кард ва онҳо ҳоло соҳиби як духтаранд. Мавзуна мегӯяд, боксро худ интихоб кардааст ва аз роҳаш намегардад.

Мӯҳр

Хабарҳои монанд:

саъди

табрикотҳои мардума дигар чоп намекни Озодагон!!!!!

Ҷавоб диҳед Иқтибос Шикоят

amir

urrrrrrrraaaaaaaaaaa gap nest apai mavzuna hamesha zidavu bokuvvat va nombardori tojikon boshi bisyor shodem ki 4unin kahramon dorem salomatboshi in piruziro ba tamomi mardumi tojik tabrik meguyam

Ҷавоб диҳед Иқтибос Шикоят

boboi chilla

Канд зан Мавзуна , офарин , ба шумо голиб омадан дар тамоми чорабинихои варзиши боксро таманно дорам

Ҷавоб диҳед Иқтибос Шикоят

Эзоҳ илова кунед