31 май 2014 12:22Тоҷикистон / Дидгоҳи хос
Кӯдакии кӯдакони моро рабудаанд
1 июн ба унвони Рӯзи байналмилалии кӯдакон ҷашн гирифта мешавад. Дар кишвари мо танҳо дар арафаи ин сана аз кӯдакон зиёд ёд мекунанду аз ҳуқуқҳояшон мегӯянд. Дар бештари маврид онҳо гӯиё аз ёдҳо фаромӯш мешаванд...
Телевизиони Тоҷикистон дар ҳоле аз мушкили кӯдакон дар бархе кишварҳои ҷаҳон мегуфт, Тоҷикистонро ба ҳадде тасвир кард, ки гӯиё ҷаннат барои кӯдакон бошад. Телевизионҳои мо дӯст доранд кудакони тоҷикро бо кишварҳои африқоӣ қиёс бикунанд ва аз ғамхориҳои пайвастаи ҳукумат барои онҳо қисса намоянд. Аммо зиндагии кӯдакони моро бо атфоли кишварҳои Аврупо муқоиса намекунанд. Гузашта аз ин аз мушкили ин кӯдакон намегӯянд.
Танҳо таърифу тавсиф. Гӯиё намебинанд, ки бори зиндагӣ бар души кӯдакон афтода. Кӯдакон селофанфурӯш, носфурӯш, мошиншӯйянд.
Кӯдакон “кондуктор”-и нақлиёти мусофиркашанд. Пуфак мефурӯшанд.
Чанд рӯз қабл дар чорроҳаи назди телевизиони “Сафина” кормандони милиса дучархаи писари пуфакфурӯшаеро гирифтанд. Вақте аз ӯ суол шуд, ки чаро барои бозпас гирифтанаш намеравад, ҷавоб дод, ки “маро издеватсия мекунанд”. Милиса аз таҳқири кӯдаки тоҷик хурсанд мешавад?..
Кӯдакии кӯдакони моро рабудаанд. Онҳо дар баробари калонсолон масъули пешбурди зиндагии хонаводаҳояшон ҳастанд. Кӯдакони тоҷик тобистон истироҳат не, ҷои кор мекобанд. Оё медонед, кӯдакони мо чӣ орзуҳое доранд? Боре аз онҳо суол кардаед? Як дӯсти муаллимам мегӯяд, вақте аз хонандаҳо пурсид, ки бузург шаванд чӣ касб интихоб мекунанд, бештари мактаббачаҳо гуфтаанд, “Русия меравам”.
Мегӯянд, дар Амрико кӯдакон дар руҳияе тарбия мешаванд, ки оянда президенти кишварашон хоҳанд шуд, дар шуури кӯдакони мо мардикорӣ дар ҷои аввал аст... (Ҳамаи кӯдакон чунин нестанд. Афроде ҳастанд, ки кӯдаконашон ба қавле “шик” зиндагӣ доранд. Дар беҳтарин боғча тарбия меёбанд, дар беҳтарин мактаб мехонанд, дар беҳтарин ҷой истироҳат мекунанд).
Боре аз худ суол кардаед, ки кӯдакони имрӯз дар чӣ фазое бузург мешаванд? Оё фазои фасоду коррупсия ба онҳо таъсир намерасонад? Вақте аз хурдӣ мебинанд, ки одамон пул дода корҳояшонро ба сомон мерасонанд ва худашон ба боғчаву мактаб пули ину он мебаранд, бо чӣ хаёле ба оянда менигаранд?
Дар арафаи ҷашни кӯдакон созмонҳои ҳифзи ҳуқуқ ҳам садо баланд мекунанд. Аз ҳуқуқи кӯдак мегӯянд. Аз истифодаи меҳнати кӯдакон дар саҳро шикоят мекунанд. Аммо кори назарраси онҳо барои тағйир додани вазъ мушоҳида намешавад.
Аз ин 1-уми июн ба он 1-уми июн телевизионҳо фаъол мешаванду аз ғамхориҳои ҳукумат нисбат ба атфол мегӯянд. Аз ин 1-уми июн ба он 1-уми июн созмонҳо фаъол мешаванду аз нақзи ҳуқуқи кӯдак мегӯянд. Кӯдакон бошанд, ҳамоно дар фикри пайдо кардани қути лоямуте селофан мефурӯшанду нос...
“Кондуктор”-ӣ мекунанду мошин мешӯянд. Тақрибан ними аҳолии Тоҷикистон кӯдакону наврасонанд, ки Рӯзи байналмилалияшон муборак бошад!
P.S.Cоли 1925 дар анҷумани ҷаҳонии вазъи кӯдак дар Женева 1 июн ҳамчун Рӯзи кӯдак муқаррар шуд. Аммо баъзе кишварҳо 20 ноябр, рӯзи тасвиби эъломияи ҳуқуқи кӯдак ва паймони байналмилалии ҳуқуқи кӯдакро, ҳамчун Рӯзи умумии кӯдакон ҷашн мегиранд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
